Þjóðvegur eitt um Eldhraun var opnaður almennri umferð á ný um klukkan níu í morgun. Vegkaflinn hafði verið lokaður síðan á laugardag vegna vatns sem hefur flætt inn á veginn úr Skaftárhlaupi.

Í tilkynningu frá Vegagerðinni segir að enn flæði vatn yfir veginn en það hefur þó sjatnað nægilega til að ákveðið hafi verið að hleypa almennri umferð í gegn. Vatnið hefur brotið upp úr vegköntum báðum megin og þykir ekki óhætt að keyra nema á miðjum veginum.

Frétt af mbl.is

Þjóðveginum um Eldhraun lokað

Ágúst Freyr Bjartmarsson, verkstjóri hjá Vegagerðinni í Vík, segir að umferð verði því aðeins opin í aðra áttina í senn og skipt á milli á nokkurra mínútna fresti.

Vegkaflinn, sem nú hefur verið opnaður á ný, er aðeins um 500 metra langur, um það bil 1-2 kíló­metra frá af­leggj­ar­an­um að bæn­um Skál. Síðustu daga hefur umferð verið beint um Meðallandsveg sem er 53 kílómetra langur vegur, að hluta til malarvegur og einbreiður.

Fréttin hefur verið uppfærð

Tengdar fréttir

Skaftárhlaup í ágúst 2018

Óvissustigi vegna Skaftárhlaups aflétt

• Veðurstofan segir hlaupinu lokið
• 500 milljarðar lítra til sjávar
• Mikið vatn í Grenlæk
• Nær öruggt að fé hefur drepist

» Fleiri tengdar fréttir

• Blogga um frétt