Merki eru um samdrátt hjá ferðaþjónustufyrirtækjum á landsbyggðinni, segir ferðamálastjóri. Heildarfjölgun ferðamanna sem fóru í gegnum Keflavíkurflugvöll í júlí var 2,5%, en fjölgunin virðist ekki skila sér út á land. Því lengra sem farið er frá höfuðborgarsvæðinu, því meiri er samdrátturinn, að því er virðist.

„Menn eru að tala um lélegan maí. Auðvitað er það mismunandi eftir svæðum og fyrirtækjum en menn búast við að í sumar verði ferðamenn jafnmargir eða færri en í fyrra. Það er svona tónninn,“ segir Arnheiður Jóhannsdóttir, framkvæmdastjóri Markaðsstofu Norðurlands í umfjöllun um mál þetta í Morgunblaðinu í dag.

„Menn leita í ódýrari gistingu. Síðan eru menn bara að versla frekar í matvörubúðum en á veitingastöðum,“ segir hún og bætir við: „Skýringin er sú að ferðamenn stoppa skemur á landinu og þá fara þeir síður út á land.“

Tengdar fréttir

Ferðamenn á Íslandi

Ferðaþjónusta aldrei vegið þyngra í landsframleiðslu

• Innviðir komnir að þolmörkum
• „Var lengi vel eini vinur ferðaþjónustunnar“
• „Hækkun VSK á ferðaþjónustu er þjóðhagslegt óráð“
• Mikill áhugi ferðamanna á þyrluflugi

» Fleiri tengdar fréttir