„Þeir voru að veiða nálægt landi innarlega á firðinum og ég hef fengið símtöl út af þessu frá sjómönnum og öðrum bæjarbúum sem fannst bátarnir vera komnir fullnálægt.“
Þetta segir Stefán Vagn Stefánsson, formaður byggðaráðs Skagafjarðar, í Morgunblaðinu í dag um dragnótaveiðar tveggja báta við Sauðárkrók í gærmorgun.
Hann segir að þessar veiðar hafi áhrif á lífríkið í firðinum og menn hafi áhyggjur af uppeldisstöðvum fiskins. Þá verði lítið eftir handa þeim smábátum sem hafi verið að veiða á þessu svæði.