Gildandi grunngerð skattlagningar ökutækja og eldsneytis hér á landi er nokkuð nútímaleg, haganleg og einföld í samanburði við helstu nágrannaríki Íslands.
Þetta kemur fram í skýrslu starfshóps um endurskoðun skattlagningar ökutækja og eldsneytis, sem skilað hefur skýrslu til fjármála- og efnahagsráðherra.
Þó eru lagðar til breytingar á kerfinu sem meðal annars taka tillit til þróunar sem nú eigi sér stað á samsetningu og notkun ökutækja. Fram kemur að breytingar hafi orðið á mælingu og upplýsingagjöf evrópskra bifreiðaframleiðenda um losun og mengun ökutækja. Fyrirsjáanlegt sé að upplýsingar um koltvísýringslosun muni breytast og því leggur hópurinn meðal annars til leiðir sem ætlað er að draga úr líkum á misræmi við skattlagningu ökutækja.
Sjá nánari umfjöllun um mál þetta í Morgunblaðinu í dag.