Ölvunarástand skýri ofbeldið

Valur Lýðsson við upphaf aðalmeðferðar á Selfossi í morgun. Hann ...
Valur Lýðsson við upphaf aðalmeðferðar á Selfossi í morgun. Hann segir sjálfur að hann hafi átt það til að drekka of mikið og verða ofbeldisfullur. mbl.is/Kristinn Magnússon

Dómkvaddir sérfræðingar, sem lögðu mat á sakhæfi Vals Lýðssonar, sem ákærður er fyrir að hafa banað bróður sínum í mars síðastliðnum, ræddu um að Valur sýni engin merki um vitglöp eða annað sem útskýrt gæti minnisleysi hans um atburði þá sem áttu sér stað á heimili hans, annað en óminnisástand sökum ölvunar.

Í viðtölum Nönnu Briem geðlæknis við Val kom fram að hann hefði átt við áfengisvanda að stríða og sögu um óminni tengt áfengisdrykkju, áður fyrr. Þá sagðist Nanna hafa rætt við tvo vini Vals, sem sögðu að hann hefði átt það til að vera ofbeldisfullur undir áhrifum.

Brynjar Emilsson sálfræðingur sagði að í hans mati á sakborningnum hefði ekkert komið fram sem gæti skýrt minnisleysi hans umrætt kvöld. Hann bætti því við að Valur hefði mælst með „afburðagreind“, en einnig skimast á mörkum einhverfurófs. Báðir sérfræðingar voru sammála um að Valur væri sakhæfur.

Hafði sjálfur ákveðið að hætta að drekka

Valur hafði sjálfur tekið ákvörðun um að hætta að drekka í janúar síðastliðnum og hafði ekki drukkið fyrr en umrætt kvöld. Að sögn Nönnu fannst Val vera nóg komið af drykkju og full ástæða til að hætta að drekka, eins og sakborningurinn sjálfur lýsti er hann gaf skýrslu fyrir Héraðsdómi Suðurlands í morgun. Þá sagðist hann eiga það til að drekka of mikið og að hann hefði stundum orðið ofbeldisfullur undir áhrifum áfengis.

„Við drukkum mjög mikið og nokkuð sterkt,“ sagði Valur sjálfur fyrir dómi í morgun, en bræðurnir munu samkvæmt frásögn hans hafa drukkið lítraflöskur af bæði vodka og Campari og voru þeir einnig búnir að seilast í aðra Campari-flösku, sem Valur átti inni í skáp.

Nanna greindi frá því að í viðtölum sínum við sakborninginn hefði ítrekað komið fram að hann myndi ekki nema fyrri hluta kvöldsins og kannaðist Valur ekki við það á neinn hátt að hafa verið reiður út í bróður sinn. Nanna sagði hann sjá eftir því sem hefði gerst, en að hann gæti ekki gefið á því neinar skýringar.

Hennar faglega mat er að ofbeldið sem Valur er sakaður um að hafa beitt bróður sinn, megi skýra af ölvunarástandi hans.

Kolbrún Benediktsdóttir saksóknari mætir í réttarsal á Selfossi í morgun. ...
Kolbrún Benediktsdóttir saksóknari mætir í réttarsal á Selfossi í morgun. Aðalmeðferð málsins verður fram haldið að viku liðinni. mbl.is/Kristinn Magnússon

Félagi hins látna kom fyrir dóminn

Vinur Ragnars Lýðssonar kom fyrir dóminn, en sá hafði móttekið símtal frá honum á milli klukkan 22:30 og 23:00, þetta síðasta kvöld sem Ragnar lifði. Vitnið lýsti því að það hefði legið létt á Ragnari, eins og alltaf þegar þeir töluðu saman og hann tjáð sér að hann væri á heimili Vals bróður síns.

Skilningur vitnisins var á þá leið að samband bræðranna hefði verið gott og sagðist hann hafa orðið þess áskynja að vel hefði farið á með þeim er símtalið átti sér stað.

Aðalmeðferð í málinu heldur áfram næsta mánudag, 3. september, en þá kemur Sebastian Kunz réttarmeinafræðingur fyrir dóminn á Selfossi. 

mbl.is

Innlent »

Varað við versnandi akstursskilyrðum

Í gær, 23:40 Spáð er allhvassri eða hvassri suðvestanátt norðantil á landinu fram á nótt samkvæmt upplýsingum frá Veðurstofu Íslands, en slyddu eða snjókomu til fjalla á morgun með versnandi akstursskilyrðum í þeim landshluta. Meira »

Manni bjargað úr sjónum

Í gær, 21:43 Tilkynning barst lögreglunni á Húsavík rétt fyrir klukkan átta í kvöld um að karlmaður væri í sjónum í Eyvík út af Höfðagerðissandi sem er um fimm kílómetra frá bænum. Ekki var vitað á þeirri stundu hvernig maðurinn lenti í sjónum. Meira »

Síldveiðin fer vel af stað fyrir austan

Í gær, 21:28 „Við fengum aflann í fjórum holum við og utan við Glettinganestotuna. Þarna var svolítið líf og við toguðum aldrei lengi eða frá tveimur og hálfum og upp í fimm tíma,“ segir Hjörvar Hjálmarsson, skipstjóri á Berki NK, sem kom með 1.200 tonn af síld að landi til vinnslu í Neskaupstað í gær. Meira »

Svindlið á sturluðum mælikvarða

Í gær, 21:00 „Þetta er í stuttu máli óásættanleg niðurstaða,” segir Birgir Sverrisson framkvæmdastjóri Lyfjaeftirlits Íslands, í svari við fyrirspurn mbl.is um þá ákvörðun Alþjóðalyfjaeftirlitsstofnunarinnar að viðurkenna á ný rússneska lyfjaeftirlitið. Meira »

Ákærðir fyrir árás á dyravörð

Í gær, 20:50 Tveir karlmenn á þrítugsaldri hafa verið ákærðir af embætti héraðssaksóknara fyrir líkamsárás á dyravörð fyrir utan skemmtistaðinn Kíkí í desember 2016. Þá eru þeir einnig ákærðir fyrir brot gegn valdstjórninni með því að hafa reynt að koma í veg fyrir handtöku og ráðist á lögreglumenn. Meira »

18 þúsund standa að baki Landsbjörg

Í gær, 20:45 „Við erum afar þakklát fyrir að vera komin með um 18.000 manna hóp sem er tilbúinn að standa við bakið á starfi slysavarnadeilda og björgunarsveita um allt land,“ segir Davíð Már Bjarnason, upplýsingafulltrúi Landsbjargar. Meira »

Fjör á öllum vígstöðvum í Laugardalnum

Í gær, 20:10 „Það er svo ótrúlega mikið annað í boði en þessar hefðbundnu greinar sem eru vinsælar. Það þarf lítið til að kynna sér skemmtilega og öðruvísi hreyfingu og finna sér þannig einhverja skemmtilega grein.“ Meira »

Friðað hús rifið fyrir helgi

Í gær, 20:06 Friðað hús, sem áður var staðsett að Laugavegi 74 í Reykjavík, var rifið fyrir helgi en húsið hafði þá verið í geymslu á Granda í rúman áratug. Meira »

„Ég gæti mín“

Í gær, 19:53 Bergþór Grétar Böðvarsson starfsmaður á geðsviði Landspítalans og knattspyrnuþjálfari greindist með geðröskun fyrir 29 árum. Hann segir mikið hafa breyst á þeim tíma, úrræðin voru fá fyr­ir fólk með geðrask­an­ir og lítið hugsað um eftirfylgni að lokinni spítalavist. Meira »

Verkalýðsleiðtogar gagnrýna Icelandair

Í gær, 19:40 Fjórir verkalýðsleiðtogar mótmæla „harðlega“ þeirri ákvörðun Icelandair að setja flugþjónum og -freyjum sem eru í hlutastarfi hjá fyrirtækinu þá afarkosti að ráða sig í fulla vinnu eða láta ellegar af störfum. Meira »

Boðin krabbameinslyf á svörtum markaði

Í gær, 18:50 Konum, sem greinst hafa með brjóstakrabbamein og þurfa á andhormónalyfjum að halda, hafa verið boðin slík lyf af einstaklingum sem flytja inn og selja stera með ólöglegum hætti. Lyfið sem um ræðir er estrógen-hamlandi lyf og m.a. notað til að koma í veg fyrir aukaverkanir vegna steranotkunar. Meira »

Velt verði við hverjum steini

Í gær, 18:39 „Mér hefur fundist þetta afskaplega ánægjulegur dagur og það sem stendur upp úr hjá mér er að þótt fólk hafi núna gengið í gegnum nokkrar erfiðar vikur er það almennt mjög stolt af sínum vinnustað og líður vel í vinnunni. Það er mín upplifun eftir daginn.“ Meira »

Vill framlengja rammasamning um ár

Í gær, 18:29 Svandís Svavarsdóttir heilbrigðisráðherra kynnti hugmyndir sínar um framtíðarfyrirkomulag við kaup á þjónustu sérgreinalækna á fundi í velferðarráðuneytinu í dag. Á fundinum lýsti Svandís vilja sínum til að framlengja gildandi rammasamning um eitt ár meðan unnið yrði að breyttu fyrirkomulagi. Meira »

Yndislegt að hjóla

Í gær, 18:25 Í Reykjavík hafa verið skapaðar góðar aðstæður fyrir hjólreiðafólk. Betur má þó gera. Valgerður Húnbogadóttir segir bíllaust líf henta sér vel. Meira »

Vön svona fréttaflutningi

Í gær, 17:30 „Í gegnum tíðina erum við mjög vön að sjá svona fréttaflutning,“ segir Inga Hlín Pálsdóttir, forstöðumaður hjá Íslandsstofu, um frétt Sunday Times um væntanlegt gos í Kötlu sem birtist um helgina. Frá því að Eyjafjallajökull gaus árið 2010 hafi það gerst reglulega í Þýskalandi og Bretlandi. Meira »

Valka ræður þrjá nýja stjórnendur

Í gær, 17:17 Hátæknifyrirtækið Valka hefur ráðið til starfa þrjá nýja stjórnendur, að því er fram kemur í tilkynningu frá fyrirtækinu.  Meira »

Engin kostnaðaráætlun lá fyrir

Í gær, 16:33 Kostnaður vegna hátíðarfundar Alþingis á Þingvöllum í sumar lá ekki fyrir fyrr en ljóst var hvaða tilboði vegna hennar yrði tekið. Þetta kemur fram í minnisblaði frá skrifstofu Alþingis til Steingríms J. Sigfússonar, forseta þingsins, sem birt hefur verið á vef þess. Meira »

Gagnrýndi fjársvelti SÁÁ

Í gær, 16:29 „Hvað er virkilega að gerast í þessum málum þegar við vitum að hver einasti fíkniefnasjúklingur þarf að nýta sér aðstöðu hjá SÁÁ?“ spurði Inga Sæland, þingmaður Flokks fólksins, og beindi orðum sínum að Svandísi Svavarsdóttur heilbrigðisráðherra á Alþingi. Meira »

Undirbúa aðgerðaáætlun vegna lyfjaskorts

Í gær, 16:15 Lyfjastofnun hefur boðað fulltrúa lyfjaframleiðenda og heildsöludreifingar til fundar vegna lyfjaskorts á ákveðnum lyfjum, sér í lagi krabbameinslyfja og gigtarlyfja. Samkvæmt upplýsingum frá Lyfjastofnun fer fundurinn fram á morgun. Sömuleiðis hefur verið boðað til fundar með lyfjagreiðslunefnd og Sjúkratryggingum Íslands á miðvikudag. Meira »