Mikill viðbúnaður var í brottfararsal Keflavíkurflugvallar fyrir skemmstu, en þar var fjölmennt lið sérsveitar lögreglu og búið að girða af svæði að sögn fréttaritara mbl.is sem er á staðnum.
Lögreglan á Suðurnesjum gat ekki veitt frekari upplýsingar um málið að svo stöddu.
Uppfært kl. 11:25: Lögregluaðgerðum er lokið. Samkvæmt upplýsingum frá lögreglunni á Suðurnesjum var um að ræða pakka sem skilinn hafði verið eftir. Grunur vaknaði um að eitthvað óeðlilegt væri þar á ferð og var venjubundið ferli sett af stað vegna þessa.
Í ljós kom að pakkinn hafði verið skilinn eftir af farþega í ógáti og reyndist engin hætta á ferð.