Októberfest hefur verið sett í 16. sinn. Tónlistarhátíðin í Vatnsmýrinni hófst formlega við hátíðlega athöfn á aðalsviðinu kl. 21.30. Stemningin er góð og mjög gott veður miðað við Reykjavík árla hausts.
Guðný Ljósbrá, samskiptafulltrúi Stúdentaráðs Háskóla Íslands fyrir Októberfest, segir að hátíðin fari vel af stað. „Allir eru glaðir og það gengur allt vel. Það er mikill áhugi og aðsókn.“ Hátt í 2.000 manns eru búnir að skrá sig. „Nýnemarnir eru líka heldur betur mættir.“
Það er mikið um að vera, eitthvað fyrir alla: Daði Freyr, Ingó Veðurguð, Birnir rappari, Flóni, GDRN söngkona. „Þeir eru byrjaðir að spila! Hátíðarsvæðið er opið, það eru sex matarvagnar, partítjald Vodafone, partí-karaoke, hringekja, fallturn og ég veit ekki hvað,“ segir Guðný.