Ferðamenn á Íslandi veigra sér ekki við að leggja bílaleigubílum sínum hvar sem þá lystir, en þessi sjón blasti við starfsfólki Keldna, tilraunastöðvar Háskóla Íslands í meinafræði, í morgun.

Að sögn starfsmanna sem mbl.is náði tali af er ekki óalgengt að ferðamenn leggi bílum sínum á svæðinu yfir nótt. Þessi tiltekni bíll er þó utan lóðarmarka og hefur starfsfólk Keldna því ekki afskipti af þeim, en leggi fólk á bílastæði tilraunastöðvarinnar er það rekið í burtu.

Ekkert sérstakt ónæði hefur skapast af ferðamönnunum hingað til, en starfsmenn kannast ekki við að þeir sækist eftir að fá að nota salerni á Keldum eða skilji eftir sig nokkurn sóðaskap.

Tengdar fréttir

Ferðamenn á Íslandi

Mikilvægt að vera á tánum

• Ferðaþjónusta aldrei vegið þyngra í landsframleiðslu
• Innviðir komnir að þolmörkum
• „Var lengi vel eini vinur ferðaþjónustunnar“
• „Hækkun VSK á ferðaþjónustu er þjóðhagslegt óráð“

» Fleiri tengdar fréttir

• Blogga um frétt