Tóku ákvörðunina af „prinsippástæðum“

Garðar Kári Garðarsson, kokkur ársins og yfirmatreiðslumaður Deplar Farm, sem er einn þeirra sem sögðu sig úr kokkalandsliðinu fyrr í kvöld, segir að um „prinsippmál“ sé að ræða.

Frétt af mbl.is

Draga sig út úr kokkalandsliðinu

„Þeir matreiðslumenn sem hafa verið að keppa fyrir hönd landsins í keppnum erlendis eða koma fram sem íslenskir matreiðslumenn hafa í öllum sínum verkum unnið að því að kynna íslenskar vörur, íslenskan hreinleika, íslensk gæði, lífræna ræktun hráefna og svo framvegis,“ segir Garðar Kári.

Frétt af mbl.is

Sturla hættir með kokkalandsliðinu

Hann bætir við að hópurinn sem hefur sagt sig úr landsliðinu telji að lax sem er ræktaður í opnum sjókvíum sé langt frá því að uppfylla ekki bara almennar kröfur heldur þau gæði sem landsliðsmenn hafa kynnt með stolti síðustu ár.

„Því vilja menn hvorki bjóða viðskiptavinum þessa vöru né nýta hana í keppnum eða sýningum erlendis. Það er því af „prinsippástæðum“ sem hópurinn tekur þessa ákvörðun.“

Frétt af mbl.is

Garðar Kári er kokkur ársins

• Blogga um frétt