Fullkominn staður fyrir skrýtna kvikmyndahátíð

„Sjúgðu mig Nína hefur verið með öllu óaðgengileg frá því hún var sýnd í bíó árið 1985 og það er mikil stemning fyrir henni, sérstaklega meðal eldri kynslóðarinnar. Ég hef sjálfur ekki séð hana og hlakka mikið til að sjá hana á hátíðinni.“

Þetta segir Eyþór Jóvinsson í Morgunblaðinu í dag. Hann undirbýr nú Gamanmyndahátíð Flateyrar sem verður haldin á Flateyri 13.-16. september næstkomandi.

Eyþór segir hugmyndina að Gamanmyndahátíðinni hafa kviknað þar sem hann og Ársæll Níelsson voru á annarri kvikmyndahátíð og þóttu myndirnar heldur þungar og dramatískar. „Svo kom þarna mynd sem okkur fannst örlítið fyndin og ég hvíslaði að Ársæli að við ættum að halda hátíð þar sem dramatíkin fengi að víkja og gamanið að ráða. Og við létum verða af því.“

Sjá viðtal við Eyþór í heild á baksíðu Morgunblaðsins í dag.