Borgin bannaði þátttöku herflugvéla

Um 7-10 þúsund manns lögðu leið sína á Flugsýninguna í ...
Um 7-10 þúsund manns lögðu leið sína á Flugsýninguna í Reykjavík í dag, að sögn skipuleggjenda. mbl.is/Kristinn Magnússon

Ekkert varð af því að tvær ítalskar herflugvélar tækju þátt í Flugsýningunni í Reykjavík í dag, en Reykjavíkurborg beitti sér gegn því að herþoturnar, sem notaðar eru í loftrýmisgæslu á vegum Atlantshafsbandalagsins hér við land, fengju að vera með.

Matthías Sveinbjörnsson, forseti Flugmálafélags Íslands, segir að búið hafi verið að samþykkja þátttöku herflugvélanna og vinna í málinu lengi, en á fimmtudag hafi borgin tilkynnt aðstandendum flugsýningarinnar að herflugvélarnar mættu ekki taka þátt í henni. Matthías segir Dag B. Eggertsson borgarstjóra hafa beitt sér sérstaklega í málinu.

„Það var vísað í gamalt samkomulag sem ekki hefur verið unnið stíft eftir,“ segir Matthías og vísar þar til samnings ríkisins og Reykjavíkurborgar sem gerður var árið 2013, en í því samkomulagi var kveðið á um að allri umferð herflugvéla og flugi í þágu hertengdrar starfsemi um Reykjavíkurflugvöll yrði hætt nema þegar völlurinn þjónaði sem varaflugvöllur eða vegna öryggis- og björgunarstarfa.

Síðasta sumar lýsti borgarstjóri því yfir að útskýra þyrfti af hverju gríðarlega hávaðasamar herflugvélar hefðu fengið leyfi til lágflugs yfir Vatnsmýri í tengslum við flugsýningu á vegum Flugmálafélagsins, svo ef til vill ætti bann borgarinnar nú ekki að koma á óvart.

Segir Reykjavíkurborg fjandsamlega flugi

„Það er spurning hvort þetta samkomulag sé hreinlega í gildi, borgin telur að það sé þannig en það er fullt af öðrum flugvélum sem hafa fengið að fljúga á Reykjavíkurflugvelli við aðrar kringumstæður sem hafa ekki verið stoppaðar. Okkur finnst sérkennilegt að þegar menn eru að gera sér glaðan dag og ætla að skemmta sér og dást að flugvélum og öflugri flugtækni skuli borgin beita sér gegn okkur. Við sjáum þetta bara sem fjandsamlegt flugi,“ segir Matthías, sem bætir við að þetta bann Reykjavíkurborgar vinni gegn flugi og áhuga nýrrar kynslóðar á að gerast flugmenn.

mbl.is/Kristinn Magnússon

„Það vantar flugmenn í þennan geira til að manna störf og það er alveg grátlegt að á sama tíma skuli borgin vinna beinlínis gegn því að kveikja áhuga og byggja upp jákvæða ímynd fyrir flugið. Við erum bara verulega ósátt við þessa niðurstöðu. Í samkomulaginu segir að það megi ekki vera herflugvélar og ekki hertengd starfsemi og okkur finnst það skjóta skökku við að á sama tíma og þessu ákvæði er beitt gegn okkur séu leyfðar aðrar herflugvélar á Reykjavíkurflugvelli og hafnirnar hjá borginni séu meira og minna fullar af herskipum og hermönnum og það séu ekki gerðar athugasemdir við það,“ segir Matthías.

Fyrir utan þetta: flottur dagur

Að öðru leyti segir hann að flugsýning dagsins hafi verið frábær og gengið vonum framar miðað við veðurspána.

„Það voru allir mjög kátir og sáttir við þetta þó að það rigni akkúrat þessa stundina, það var fullt af skemmtilegum flugatriðum og fólk hefur fengið að skoða vélarnar úr miklu návígi,“ segir Matthías, sem gerir ráð fyrir að á bilinu 7-10 þúsund manns hafi lagt leið sína á Reykjavíkurflugvöll í dag til að taka þátt í flugveislunni.

Ljósmyndari mbl.is mætti á svæðið og tók meðfylgjandi myndir.

mbl.is/Kristinn Magnússon
mbl.is/Kristinn Magnússon
mbl.is/Kristinn Magnússon
mbl.is/Kristinn Magnússon
mbl.is/Kristinn Magnússon
mbl.is

Innlent »

Læknanemar lækna bangsa

16:58 Bangsaspítali verður starfræktur á sunnudaginn í tilefni af alþjóðlega bangsadeginum. Öllum börnum, ásamt foreldrum og forráðamönnum, er boðið að koma í heimsókn með „veika eða slasaða bangsa“. Meira »

Bregðast þarf við breyttum aðstæðum

15:08 Veiðar og vinnsla gengu vel hjá Síldarvinnslunni á nýliðnu fiskveiðiári. Veiðigjöld taka til sín 13% af aflaverðmæti fiskiskipanna og þensla á vinnumarkaði veldur því að áskorun verður að manna sum skip flotans ef fram heldur sem horfir. Meira »

Betra að klára áður en það er fagnað

14:10 „Það er jákvætt skref að það komi fjármagn inn í uppbyggingu á höfuðborgarsvæðinu. Þetta er yfirlýsing um að viðræður eru að hefjast. Það er það eina sem er skýrt af viljayfirlýsingunni,“ segir Eyþór Arnalds, oddviti Sjálfstæðisflokksins í Reykjavík, í samtali við mbl.is. Meira »

Guðmundur Ingi á Global People’s Summit

13:55 Guðmundur Ingi Guðbrandsson, umhverfis- og auðlindaráðherra, tekur í dag þátt í alþjóðlegri netráðstefnuna The Global People’s Summit, sem haldin er í tengslum við Allsherjarþing Sameinuðu þjóðanna, þar sem hann ræðir um loftslagsbreytingar. Meira »

Trúir því að bíó geti breytt heiminum

13:00 „Kvikmyndin er gríðarlega sterkur miðill og getur haft heilmikil áhrif á fólk,“ segir Hrönn Marinósdóttir, stofnandi og stjórnanda RIFF. Ellefu daga kvikmyndaveisla er í vændum er fimmtánda Alþjóðlega kvikmyndahátíðin í Reykjavík hefst næsta fimmtudag. Meira »

Svandís mun ekki áfrýja dóminum

12:06 Heilbrigðisráðuneytið mun ekki áfrýja dómi Héraðsdóms Reykjavíkur í máli Ölmu Gunnarsdóttur. Þetta sagði Svandís Svavarsdóttir heilbrigðisráðherra í þættinum Vikulokin hjá Helga Seljan í morgun. Meira »

Kanna fingraför þjófanna

11:04 Tæknideild lögreglunnar á höfuðborgarsvæðinu mun í dag skoða bílinn sem keyrt var inn í hjálpartækjaverslunina Adam og Evu aðfaranótt föstudags. Munu fingraför innbrotsþjófanna einna helst vera könnuð sem og annað sem kann að leiða til vísbendinga um innbrotið. Meira »

Verð aldrei Superman

11:00 Markmiðið var að taka þátt í því aðkallandi verkefni að breyta danskri kvikmyndagerð til frambúðar. Það tókst en allt sem á eftir kom hefur farið langt fram úr hans villtustu draumum. Í dag er Mads Mikkelsen með annan fótinn heima í Kaupmannahöfn en hinn í henni Hollywood og dregur að milljónir. Meira »

Frítt í strætó í dag

10:27 Frítt verður í strætó á höfuðborgarsvæðinu í dag í tilefni af alþjóðlega bíllausa deginum. Hvetur Strætó sem flesta til að halda upp á daginn með því að skilja bílinn eftir heima og nýta sér vistvæna samgöngumáta, með því að ganga, hjóla eða taka strætó. Meira »

„Ég gat ekkert gert“

09:18 Sálfræðingar eru komnir til starfa á öllum heilsugæslustöðvum á höfuðborgarsvæðinu en ekki hefur enn verið samþykkt á Alþingi að skólasálfræðingar verði í framhaldsskólum. Mikilvægi forvarna verður seint oflofað og kona sem var í geðrofsástandi í tvö ár varar fólk við hættunni af neyslu kannabis. Meira »

Betur fór en á horfðist með kornið

08:18 Heldur hefur ræst úr með kornuppskeru á Suðurlandi eftir erfitt kornræktarsumar. Uppskeran verður þó væntanlega þriðungi minni en í meðalári. Meira »

Bjartviðri sunnan og vestanlands

08:17 Bjartviðri og hægur vindur verður á landinu sunnan- og vestanverðu í dag, á meðan hægt og rólega dregur úr norðanáttinni og úrkomunni fyrir norðan og austan. Dálítil slydda eða snjókoma verður þó norðan- og austanlands og rigning á láglendi, en þurrt á Suður- og Vesturlandi. Meira »

Deilt um mastur og útsýnispall

07:57 Borgarráð Reykjavíkur hefur fallist á tillögu umhverfis- og skipulagsráðs að auglýsa tillögu að deiliskipulagi fyrir svæði á toppi Úlfarsfells þar sem fyrirhugað er að reisa 50 metra hátt fjarskiptamastur fyrir loftnet og tækniskýli með útsýnispalli. Meira »

Mikil þörf á öflugri dráttarbáti

07:37 Faxaflóahafnir sf. undirbúa smíði á nýjum og öflugum dráttarbáti, meðal annars með gerð útboðsgagna. Á stjórnarfundi í gær var samþykkt að bjóða út smíði á dráttarbáti á grundvelli fyrirliggjandi gagna. Meira »

Líkamsárás í Hafnarfirði

07:08 Karl og kona voru handtekin upp úr miðnætti í nótt í kjölfar líkamsárásar í Hafnarfirði. Karlmaðurinn var handtekinn eftir að hann hann hafði ráðist á mann með fólskulegum hætti og svo var kona tekin höndum er hún reyndi að tálma handtöku og réðist að lögreglumanni. Meira »

Áhersla á notkun hjálma

05:30 Rannsóknarnefnd samgönguslysa telur líkur á að maður sem lést í hjólreiðaslysi á Nesjavallavegi í fyrravor hefði lifað slysið hefði hann verið með hjálm. Í umræddu slysi lést hjólreiðamaðurinn af völdum höfuðáverka. Meira »

Leyfi Þríhnúkagígs verður auglýst

05:30 Tillaga um að auglýsa eftir aðilum til að nýta Þríhnúkagíg og umhverfi hans til lengri tíma er til umfjöllunar hjá Kópavogsbæ. Tillaga þess efnis var ekki afgreidd á síðasta fundi skipulagsráðs bæjarins heldur frestað. Meira »

Heimilt að rífa stóra strompinn

05:30 Niðurrif á reit Sementsverksmiðjunnar á Akranesi, sem var reist á árunum 1956 til 1958, stendur yfir. Niðurrifinu á að ljúka fyrir 1. október næstkomandi. Meira »

Meðalverðið 110 milljónir

05:30 Nýjar íbúðir á Hafnartorgi í Reykjavík kosta að meðaltali 110 milljónir. Það kann að vera hæsta meðalverð sem um getur í fjölbýli á Íslandi. Meira »
Bækur um ættfræði, byggðasögu og ýmsan fróðleik til sölu
Til sölu nokkur grundavallarrit ættfræðinnar ásamt ritum um atvinnu- og byggðasö...
Dansíþróttafélag leitar að æfingaaðstöðu
Dansíþróttafélag óskar eftir æfingaaðstöðu fyrir iðkendur sína. Veislusalir og ...
Hreinsa þakrennur fyrir veturinn
Hreinsa þakrennur, fyrir veturinn og tek að mér ýmis smærri verkefni. Uppl. í sí...