Væri „gríðarlegt tjón“ að ganga úr EES

Þorgerður Katrín Gunnarsdóttir segir að eftirspurn sé eftir nýrri peningastefnu ...
Þorgerður Katrín Gunnarsdóttir segir að eftirspurn sé eftir nýrri peningastefnu á Íslandi. mbl.is/Kristinn Magnússon

„Það sem við finnum er að það er ákveðin óþreyja hjá ákveðnum hópi í samfélaginu sem finnst að það þurfi að ræða meðal annars krónuna og peningamálastefnuna,“ segir Þorgerður Katrín Gunnarsdóttir, formaður Viðreisnar, í samtali við blaðamann mbl.is. Viðreisn kynnti áherslur sínar fyrir komandi þingvetur á blaðamannafundi í morgun.

Þorgerður Katrín segir að Íslendingar, sem ferðist nú meira en áður, spyrji sjálfa sig af hverju Ísland þurfi að vera svona dýrt. „Við erum að segja: það þarf ekki að vera það,“ segir Þorgerður Katrín.

„Við stjórnmálamennirnir getum gert þetta sjálf með ákveðnum ákvörðunum, með því til dæmis að breyta um peningamálastefnu, sem ég segi að sé eftirspurn eftir. Fólk sér þennan vaxtakostnað og matarkostnað, þetta eru bara sláandi tölur sem tala sínu máli,“ segir Þorgerður Katrín og vísar þá til samanburðar á þessum útgjaldaliðum við aðrar Norðurlandaþjóðir.

„Síðan er líka hitt að við í stjórnmálum getum afnumið samkeppnishindranir. Samkeppnishindranir kosta heimilin og það verðum við að fara að horfast í augu við,“ segir Þorgerður Katrín og bætir við að Viðreisn hyggist halda ríkisstjórninni við efnið í þessum málum í vetur.

Þungavigt í Sjálfstæðisflokki tali gegn EES-samstarfinu

Viðreisn er Evrópusinnaður stjórnmálaflokkur en það eru flokkarnir þrír sem eru í ríkisstjórn ekki. Viðreisn vill taka upp evru hér á landi og hyggst beita sér fyrir nýrri peningamálastefnu á þingi í vetur.

Frá blaðamannafundi Viðreisnar í morgun.
Frá blaðamannafundi Viðreisnar í morgun. mbl.is/Kristinn Magnússon

Blaðamaður spurði Þorgerði Katrínu hvort það væri ekki langsótt að ætla sér það, þegar ríkisstjórnarflokkarnir væru fjarri því að hugsa á þeim nótum og helsta umræðan um Evrópusamstarf hér á landi um þessar mundir virtist snúast um hvort ef til vill ætti að hafna hinum svokallaða þriðja orkupakka Evrópusambandsins og jafnvel ganga út úr EES-samstarfinu í framhaldinu, en starfshópur á vegum utanríkisráðherra vinnur nú skýrslu um kosti og galla EES-samstarfsins fyrir Ísland.

„Það eru merkilegt tíðindi að þeir sem meðal annars hafa mikil áhrif innan Sjálfstæðisflokksins tala fyrir því, leynt og ljóst, að Ísland fari einfaldlega út úr EES-samstarfinu. Það yrði gríðarlegt tjón og öðruvísi mér áður brá ef sá flokkur ætlar að fara að tala fyrir því að Ísland segi sig úr EES-samstarfinu. Það eru ekki allir sem gera það, en það er þungavigt innan flokksins sem mér finnst vera að fá mjög mikið rými til þess að fara í þessa átt og ég vil einfaldlega vara við því,“ segir Þorgerður Katrín.

Hún segir að ef til vill megi gagnrýna stjórnmálamenn fyrir að tala ekki nóg um það hvaða ábata Íslendingar hafi haft af EES-samstarfinu. 

„Við höfum meðal annars fengið hærra orkuverð í gegnum EES-samstarfið og því eru álfyrirtækin og aðrir að greiða hærra verð en áður og við erum með aðhald gagnvart símafyrirtækjunum, sem voru tiltölulega aðhaldslaus um tíma, en Evrópusambandið tók á því, mjög neytendamiðað,“ segir Þorgerður Katrín.

Hún segir að framfarir á ýmsum sviðum, sem við í dag teljum eðlilegar, hefðu ekki komið til framkvæmda hér á landi nema miklu seinna ef ekki væri fyrir EES-samninginn.

„Sem betur fer hefur forystan [Sjálfstæðisflokksins] ekki verið að tala á þessum nótum og ég vona að hún verði ekki knúin til að gera það. Þótt hún hafi nú áður skipt um skoðun forystan vona ég að hún láti ekki leiða sig inn á þennan veg að fara að ræða það að við einfaldlega segjum okkur frá EES-samstarfinu, því það yrði stórfellt tjón fyrir íslenskt samfélag,“ segir Þorgerður Katrín, sem segir popúlisma ríða húsum í þessari umræðu og línurnar séu að verða sífellt skarpari í íslenskum stjórnmálum.

mbl.is

Innlent »

Íbúum Flateyrar fjölgar um 30 prósent

19:41 Rúmlega 300 manns voru viðstaddir þegar Lýðháskólinn á Flateyri var settur í fyrsta sinn í íþróttahúsi bæjarins á laugardag, að viðstöddum forseta Íslands. Af því tilefni héldu Flateyringar bæjarhátíð með tónlist, upplestri og kvikmyndasýningum auk þess sem opin hús voru víða um bæinn þar sem starfsemi stofnana og fyrirtækja var kynnt. Meira »

Sjúkdómur unga fólksins

18:24 Flestir þeirra sem greinast með geðrof eru ungir að árum og er geðrof oft sagt sjúkdómur unga fólksins. Með réttum stuðningi og meðferð er hægt að koma fólki út í lífið aftur og koma þannig í veg fyrir örorku þess. Þetta getur komið í veg fyrir miklar þjáningar viðkomandi og sparað háar fjárhæðir. Meira »

Forsetinn mætti á Bangsaspítalann

17:24 Hlúð var að veikum böngsum á Bangsaspítalanum í dag. Bangsaspítalinn, sem lýðheilsufélag læknanema stendur fyrir, er haldinn ár hvert og er krökkum boðið að koma þangað til þess að sækja læknisaðstoð fyrir bangsana sína. Auk fjölda barna og bangsa lét Guðni Th. Jóhannesson sig ekki vanta. Meira »

Gekk út með fulla kerru án þess að borga

17:18 Upp kom vélarbilun í tvíþekju á flugi nálægt Reykjavík rétt fyrir klukkan fimm í dag, en henni var lent á Reykjavíkurflugvelli án vandræða, að því er fram kemur í tilkynningu frá lögreglunni á höfuðborgarsvæðinu. Meira »

Framkvæmdir við Leirvogstungumel

16:27 Mánudaginn 24. september hefst viðgerð á brú yfir Vesturlandsveg við Leirvogstungumel og verður umferð af Vesturlandsvegi færð á hjáleið meðan á viðgerð stendur. Viðgerðin mun standa yfir í 4 daga. Þetta kemur fram í tilkynningu frá Vegagerðinni. Meira »

„Ég þorði ekki að segja nei“

16:15 Erna Ómarsdóttir, listrænn stjórnandi Íslenska dansflokksins, er ein þeirra sem stigið hafa fram og sakað belgíska listamanninn, Jan Fabre sem stofnaði Troubleyn-leikhúsið í Antverwerpen, um kynferðislega áreitni og óviðeigandi hegðun. Meira »

Handtekinn eftir harðan árekstur

15:36 Einn var handtekinn um kl. 14 í gær í Borgarnesi í kjölfar harðs árekstrar. Er hinn handtekni grunaður um akstur undir áhrifum áfengis og fíkniefna. Honum var sleppt að lokinni blóðsýnatöku en rannsókn málsins er enn í fullum gangi að sögn Jónasar Hallgríms Ottóssonar, varðstjóra hjá lögreglunni í Borgarnesi. Meira »

Fagna aukinni umferð aðkomutogara

14:29 Aðkomutogarar í Neskaupstað hafa landað þar tæplega 1.700 tonnum í sumar. Hafa skipin verið að veiðum úti fyrir Austfjörðum og hagkvæmara reynst að landa aflanum þar eystra. „Auðvitað fögnum við þessari auknu umferð skipa um hafnirnar, hún er afar jákvæð,“ segir Hákon Ásgrímsson, framkvæmdastjóri Fjarðabyggðarhafna. Meira »

Tækifæri í nyrstu byggðum

13:55 Mikil tækifæri eru fólgin í því að gera Melrakkasléttu að miðstöð norðurslóðarannsókna á Íslandi. Starfsemi Rannsóknastöðvarinnar Rifs á Raufarhöfn hefur aukist jafnt og þétt síðustu fjögur ár og skilar sínu til byggðarinnar. Um 2-300 gistinætur á Raufarhöfn í sumar voru vegna vísindamanna að störfum. Meira »

Leita að sveitarfélögum í tilraunaverkefni

13:03 Íbúðalánasjóður leitar nú að sveitarfélögum á landsbyggðinni til samstarfs vegna tilraunaverkefnis sem til stendur að fara í á vegum sjóðsins. Meira »

„Verið að misnota UNESCO skráninguna“

12:40 Samtök útivistarfélaga saka svæðisráð Vestursvæðis í Vatnajökulsþjóðgarði um misnotkun á skráningu þjóðgarðsins á heimsminjaskrá UNESCO. Deilur hafa staðið yfir í um sex ár um enduropnun Vonarskarðs fyrir bíla- og hjólaumferð en vegslóðanum var lokað í kjölfar þess að Vatnajökulsþjóðgarður var stofnaður árið 2008. Meira »

Ríkisendurskoðun ekki í Vinstri grænum

11:52 „Við þurfum sterkar heilbrigðisstofnanir og getum ekki svelt opinbera kerfið af því að aðrir þurfi á fé að halda,“ sagði Svandís Svavarsdóttir heilbrigðisráðherra í þættinum Sprengisandi og játaði þeirri spurningu þáttastjórnandans að sjálfstætt starfandi sérfræðingar þurfi að koma þar á eftir. Meira »

Stefnir í skort á geðlæknum

10:05 Helgi Garðar Garðarsson geðlæknir óttast að það stefni í alvarlegan skort á geðlæknum innan tíu ára. Ágúst Kristján Steinarrsson greindist með geðhvörf 19 ára en hefur verið án einkenna í fimm ár. „Frá því ég veiktist síðast hefur minn lífsstíll verið mín meðferð,“ segir hann í samtali við mbl.is. Meira »

Rannsókn á bílnum lokið

09:51 Tækni­deild lög­regl­unn­ar á höfuðborg­ar­svæðinu hefur lokið við rannsókn bílsins sem keyrt var inn í kynlífshjálp­ar­tækja­versl­un­ina Adam og Evu aðfaranótt föstu­dags. Lögregla verst þó allra fregna af því hverju sú rannsókn hefur skilað í tengslum við framgang málsins. Meira »

Vinnur með „Epal“ Bandaríkjanna

09:00 Í ólgandi stórborginni New York hefur Íslendingurinn Hlynur V. Atlason komið ár sinni vel fyrir borð. Hann rekur þar iðnhönnunarfyrirtækið Atlason sem hannar húsgögn jafnt sem umbúðir og allt þar á milli. Meira »

Varð fyrir sprengingu við matseldina

08:38 Lögreglunni á höfuðborgarsvæðinu barst í gærkvöldi tilkynning um eld við bílskúr í austurhluta borgarinnar. Þar hafði maður verið að steikja mat og notað til þess eldfiman vökva með þeim afleiðingum að sprenging varð og læsti eldurinn sig í föt og hár mannsins. Meira »

Umhleypingar í kortunum

08:12 Veðrið verður með rólegasta móti í dag með suðvestlægri átt. Léttskýjað verður eystra, en þykknar upp með smá vætu sunnan- og vestantil með morgninum. Veður næstu vikuna verður þó umhleypingasamt. Meira »

Fannst meðvitundarlaus á götu í miðborginni

07:23 Töluverður erill var hjá lögreglunni á höfuðborgarsvæðinu í gærkvöldi og nótt. Þannig var m.a. tilkynnt um tvær líkamsárásir í miðborginni og fannst sá sem fyrir seinni árásinn varð meðvitundarlaus í götu í miðborginni. Meira »

Eignaskipting mjög ójöfn á Íslandi

Í gær, 23:04 Stéttaskipting fyrirfinnst á Íslandi rétt eins og í öðrum vestrænum markaðssamfélögum. Mælikvarðar eins og eignaskipting setja okkur í flokk með Bandaríkjunum og Sviss. Þetta segir Guðmundur Ævar Oddsson, félagsfræðingur og dósent við Háskólann á Akureyri. Meira »
Nudd Nudd Nudd
Relaxing massage downtown Reykjavik. S. 6947881 xxx...
Volkswagen, VW Transporter 2016
Bíllinn kom á götuna 25.11.2016 og er ekinn 18.750 km Mikið af aukahlutum. Ve...
Svarthvít axlabönd
Til sölu fyrsta ljóðabók Gyrðis Elíassonar, Svarthvít axlabönd. Árituð og ástand...
Kvæði Bjarna Thorarensen 1847
Til sölu afar fágæt ljóðabók eftir Bjarna Thorarensen amtmann, Kvæði, prentuð í ...