Gæslan fái nýjar þyrlur 2022
Setja bókamerki
Varið verður 1,9 milljörðum króna á fjárlögum næsta árs til kaupa á nýjum björgunarþyrlum fyrir Landhelgisgæsluna samkvæmt fjárlagafrumvarpi ríkisstjórnarinnar sem kynnt var í morgun.
Gert er ráð fyrir að keyptar verði þrjár þyrlur og að heildarfjárfesting vegna kaupa þeirra nemi um 14 milljörðum króna sem gert er ráð fyrir í fjármálaáætlun 2019-2013. Miðað er við að kaupverð hverrar þyrlu verði 4,7 milljarðar króna að því er segir í frumvarpinu.
Reiknað er með því að björgunarþyrlurnar verði afhentar á árinu 2022. Eins og staðan er í dag hefur Landhelgisgæslan á að skipa þremur þyrlum af gerðinni Super Puma en einungis ein þeirra er í eigu hennar en hún er frá árinu 1986. Hinar tvær hafa verið leigðar.
Reiknað er með að útboðsgögn vegna þyrlukaupanna liggi fyrir í lok þessa árs og að fyrsta þyrlan verði afhent í ársbyrjun 2022, önnur þyrlan sex mánuðum síðar og sú síðasta í lok árs 2022.
„Búið að vera í dreifingu í einhvern tíma“
Sárt að horfa upp á illa meðferð fjármuna
Hægagangur og vaxandi ókyrrð
Bjarkey stendur við skammarbréf Svandísar
Segjast ekki vera á kaldri slóð
Hyggjast leyfa fólki að skoða gosið
Hafa „ágætis tíma“ til úrbóta
Unnu að fullum heillindum að kaupum á TM