Ekki stefnt að skertri þjónustu RÚV

Lilja Alfreðsdóttir mennta- og menningarmálaráðherra kynnti fyrirhugaðar aðgerðir ríkisstjórnarinnar varðandi ...
Lilja Alfreðsdóttir mennta- og menningarmálaráðherra kynnti fyrirhugaðar aðgerðir ríkisstjórnarinnar varðandi rekstrarumhverfi einkarekinna fjölmiðla í dag. mbl.is/Eggert

„Það er alveg ljóst að rekstur fjölmiðla er mjög þungur og samkeppnisstaðan skökk,“ sagði Lilja Alfreðsdóttir, mennta- og menningarmálaráðherra, á blaðamannafundi í Veröld – húsi Vigdísar í dag. Þar kynnti hún stuðning ríkisins við einkarekna fjölmiðla, sem áætlað er að verði um 400 milljónir á ári frá og með næsta ári og fleiri aðgerðir sem ríkisstjórnin ætlar að grípa til með það að markmiði að efla íslenska tungu.

Stuðningur ríkisins við einkarekna fjölmiðla mun meðal annars verða í formi 20-25% endurgreiðslu á ritstjórnarkostnaði, auk þess sem dregið verður úr umsvifum Ríkisútvarpsins á auglýsingamarkaði um 560 milljónir, samkvæmt því sem kom fram í kynningu Lilju, en frumvarpið er enn í smíðum.

Lilja segir í samtali við blaðamann mbl.is að endurgreiðslan sé að norrænni fyrirmynd og að ákveðin skilyrði verði sett varðandi það hvað nákvæmlega telst til ritstjórnarkostnaðar. Til þess að uppfylla forsendur styrkveitingar þurfa fjölmiðlar að hafa það að aðalmarkmiði að flytja almenningi á Íslandi fréttir, fréttatengt efni eða umfjöllun um samfélagsleg málefni.

Blaðamannafundurinn í Veröld - húsi Vigdísar var þétt setinn.
Blaðamannafundurinn í Veröld - húsi Vigdísar var þétt setinn. mbl.is/Eggert

„Við verðum með ákveðin skilyrði um hvað prentmiðlar þurfa að gefa út mörg tölublöð á ári, fjölmiðill þarf að vera skráður hjá fjölmiðlanefnd og má ekki vera í skuld við opinber gjöld og annað slíkt,“ segir ráðherra.

Í fréttatilkynningu sem dreift var á blaðamannafundinum segir að styrkveitingarnar verði fyrirsjáanlegar og myndi ekki hvata „til þess að fara fram hjá kerfinu né skekkja samkeppnisstöðu fjölmiðla“.

Lilja segir að fylgst verði með því hvort fjölmiðlar geri tilraun til þess að að fara framhjá endurgreiðslukerfinu á einhvern hátt, en að hún beri þó traust til fjölmiðlanna og þess að stuðningur yfirvalda verði það mikilvægur fyrir þá að það verði ekki reynt.

Vill áfram öflugt Ríkisútvarp

Væntur tekjumissir Ríkisútvarpsins, verði því gert að draga saman seglin á auglýsingamarkaði á þann hátt sem Lilja lýsti í kynningu sinni, er 560 milljónir króna. Til skoðunar er að banna kostun dagskrárliða í ríkisfjölmiðlinum og minnka hámarksfjölda auglýsingamínútna á hverjum klukkutíma úr átta niður í sex.

Er blaðamaður spurði hvort minni umsvif Ríkisútvarpsins á auglýsingamarkaði þýddu að RÚV þyrfti að skera niður, sagði Lilja að það ætti eftir að koma í ljós. Hún segir þó að ríkisstjórnin stefni ekki að því að skerða þjónustu RÚV.

„Við viljum áfram öflugt Ríkisútvarp, við finnum þessum tekjumissi ákveðinn farveg og við eigum eftir að sjá hvernig þetta kemur út hvað það varðar,“ segir Lilja.

Lýðheilsusjónarmið ráða því að ekki kemur til greina að leyfa ...
Lýðheilsusjónarmið ráða því að ekki kemur til greina að leyfa fjölmiðlum að auglýsa áfengi né veðmál. mbl.is/Eggert

Lýðheilsusjónarmið réðu för

Á Íslandi eru ýmis bönn og takmarkanir í gildi um það hvað má auglýsa í fjölmiðlum og hvað ekki, en til dæmis má ekki auglýsa áfenga drykki, tóbak né veðmálastarfsemi.

Innlend fjölmiðlafyrirtæki hafa um árabil talað fyrir því að þessum takmörkunum verði aflétt og sagt að það skjóti skökku við að áfengis- og veðmálaauglýsingar sé víða að finna á erlendum miðlum á borð við Facebook sem íslenskur almenningur notar, á meðan íslenskir fjölmiðlar geti ekki dýft sér í þessa mögulegu tekjulind.

Lilja segir að þessi mál hafi verið tekin til athugunar er málefni fjölmiðla voru skoðuð, en það að rýmka heimildir til þess að birta auglýsingar á borð við þessar hafi „ekki orðið ofan á“.

„Það voru lýðheilsurök sem réðu því,“ segir Lilja, en ráðherra hefur til skoðunar að skattleggja kaup á erlendum netauglýsingum til þess að jafna stöðu innlendra fjölmiðla og erlendra vefmiðla, sem taka til sín ört stækkandi hluta auglýsingamarkaðar.

Hluti af stuðningi við íslenska tungu

Blaðamannafundur Lilju í dag var fjölsóttur og nokkuð ljóst að þeir sem þangað voru komnir úr röðum fjölmiðlamanna höfðu mestan áhuga á að heyra um aðgerðir ríkisstjórnarinnar hvað varðaði stuðning við einkarekna miðla, enda hafa þær verið í undirbúningi síðustu misseri.

En Lilja fór yfir fleiri mál á fundinum í dag, sem öll eru liður í því að efla íslenskt mál til framtíðar.

Ráðherra fjallaði nánar um stuðning stjórnvalda við bókaútgáfu, en eins og greint var frá á mbl.is í gær ætlar ríkisstjórnin að endurgreiða bókaútgefendum fjórðung af kostnaði við útgáfu bókar. Árlegur kostnaður vegna þessar eru um 400 milljónir króna frá árinu 2019.

Þá kynnti Lilja að lögð yrði fram þingsályktunartillaga um íslensku í haust, en í henni eru lagðar til aðgerðir í 22 liðum til stuðnings íslenskunnar. Markmið þeirra er meðal annars að efla íslenskukennslu, auka framboð á menningarlegu efni á íslensku og stuðla að vitundarvakningu um mikilvægi og sérstöðu tungumálsins. Meðal aðgerða eru gerð nýrrar málstefnu og viðmiðunarreglur um notkun íslensku í upplýsinga- og kynningarefni.

Lilja fór yfir ýmsar aðgerðir til stuðnings íslenskunnar á fundi ...
Lilja fór yfir ýmsar aðgerðir til stuðnings íslenskunnar á fundi sínum í dag. mbl.is/Eggert

Lilja fjallaði einnig um þær aðgerðir sem ríkisstjórnin ætlar að grípa til á næstu árum til að tryggja að íslenskan haldi velli í stafrænum heimi. Nú er unnið eftir verkáætlun sem ber heitið Máltækni fyrir íslensku 2018-2022 en í því verkefni felst að þróa og byggja upp tæknilega innviði sem nauðsynlegir eru til þess að brúa bil á milli talmáls og búnaðar, s.s. talgreini, talgervil, þýðingarvél og málrýni eða leiðréttingarforrit. Þessi áætlun er að fullu fjármögnuð í núgildandi fjármálaáætlun ríkisins, en áætlaður heildarkostnaður er 2,2 milljarðar króna.

Þá er nú gert ráð fyrir því að Hús íslenskunnar, áður nefnt Hús íslenskra fræða, rísi loksins og að framkvæmdir við það hefjist í vetur. Þar verða til húsa Stofnun Árna Magnússonar í íslenskum fræðum og íslensku- og menningardeild Háskóla Íslands, en húsið rís í hinni svokölluðu „Holu íslenskra fræða“ við Suðurgötu og er áætlað að verkinu ljúki í október árið 2021.

mbl.is

Innlent »

„Ekkert jákvætt við heræfingar“

15:31 Steinunn Þóra Árnadóttir og Kolbeinn Óttarsson Proppé, þingmenn Vinstri grænna, gagnrýndu bæði á Alþingi þær heræfingar sem eru fyrirhugaðar hér á landi í október og nóvember. Meira »

Lífið verið einn rússíbani síðan

15:12 Fyrsti vinningur Lottósins síðasta laugardagskvöld féll í skaut ungra foreldra tveggja barna á höfuðborgarsvæðinu. Eftir að hafa komið börnunum sínum í svefn á föstudagskvöldið fór eiginmaðurinn út en konan kom sér fyrir með tölvuna og fór að vafra um netið. Meira »

Yngsti kærði einstaklingur 4 ára

15:10 Fjöldi grunaðra fyrir hegningarlagabrot árið 2017 voru 4.124 einstaklingar, eða 9% fleiri en meðalfjöldi grunaðra árin 2014 til 2016. Bæði árin 2016 og 2017 voru karlar rétt tæp 80 prósent grunaðra og er það sambærilegt við fyrri ár, þó að árið 2015 hafi hlutfallið verið aðeins lægra eða 77 prósent. Meira »

Fleiri vilja stöðugt verðlag

15:08 Fleiri eru hlynntir en andvígir kjarasamningum þar sem lögð er meiri áhersla á stöðugt verðlag en launahækkanir, að því er fram kemur í könnun sem Gallup gerði fyrir Samtök atvinnulífsins. Þar segir að helmingur svarenda sé hlynntur kjarasamningum þar sem meiri áhersla sé lögð á stöðugt verðlag og minni áhersla á launahækkanir. Meira »

Áfram í haldi fyrir meint brot gegn börnum

14:39 Gæsluvarðhald yfir manni sem er grunaður um gróft kynferðisbrot sem getur varðað allt að 16 ára fangelsi hefur verið framlengt til 3. október. Meira »

Rýrt innlegg í kjaraviðræður

14:13 Miðstjórn ASÍ segir að fjárlagafrumvarp ríkisstjórnarinnar gefi ekki tilefni til mikillar bjartsýni í þeim kjaraviðræðum sem í hönd fara, þrátt fyrir yfirlýsingar stjórnvalda í samskiptum við verkalýðshreyfinguna um aukna áherslu á félagslegan stöðugleika. Meira »

„Getum ekki valið að mæta stundum“

13:43 „Þarna er um reglubundna þátttöku okkar að ræða í þessu norræna samstarfi. Við erum með litlar sendinefndir og fámennan hóp, 7 manns af 87, þannig að Ísland er ekki mjög stórt í þessu. Við bara mönnum að lágmarki það sem við tökum þátt í,“ segir Steingrímur J. Sigfússon, forseti Alþingis. Meira »

Kirkjufellið varasamt

13:17 Mikill viðbúnaður var við Kirkjufellið í gær vegna björgunar þar sem ferðamaður féll í fjallinu og lést. Í ferðaþættinum Úti var farið með Baltasar Kormák upp á Kirkjufell og mátti þar sjá óhugnalegar og erfiðar aðstæður. Róbert Marshall ritstjóri Úti fór fyrir leiðangrinum í vetur. Meira »

Bendir á tengsl Fréttablaðsins og VSV

13:09 Stjórnarformaður Fréttablaðsins er einnig lögmaður meirihlutaeigenda Vinnslustöðvarinnar í Vestmannaeyjum hf. og sömuleiðis varaformaður stjórnar fyrirtækisins. Þetta segir Guðmundur Kristjánsson, forstjóri HB Granda og eigandi Brims. Meira »

Deilt um bótakröfu hjúkrunarfræðings

12:00 Deilt var um það við aðalmeðferð á skaðabótamáli Ástu Kristínar Andrésdóttur hjúkrunarfræðings gegn íslenska ríkinu fyrir Landsrétti í morgun hvort hún hafi sjálf stuðlað að því að ákæra var gefin út á hendur henni um manndráp af gáleysi. Meira »

„Röð af klaufaskap og mistökum“

11:57 Kári Stefánsson, forstjóri Íslenskrar erfðargreiningar, segir ferlið frá því að skóflu­stunga að bygg­ing­unni sem hýs­ir já­eindaskann­ann var tek­in í janú­ar árið 2016 og þar til hann var tekinn í notkun í síðustu viku vera röð af klaufaskap og mistökum. Meira »

Veltu björgum með risavöxnu kúbeini

11:56 Vel gekk að rúlla niður björgum við Esjuna nærri toppi Þverfellshorns í morgun. Þrír verkfræðingar á vegum Eflu fóru fyrir aðgerðunum ásamt starfsfólki Skógræktarfélags Reykjavíkur sem sá um að vakta göngustíga við fjallið. Meira »

Níu þúsund börn þreyta samræmd próf

11:25 Á morgun hefjast samræmd próf fyrir nemendur í 4. og 7. bekk, en frá 20.-28. september verða lögð próf í íslensku og stærðfræði fyrir nemendurna. Þetta eru fyrstu almennu samræmdu könnunarprófin sem lögð eru fyrir frá því að tæknileg vandamál urðu í tveimur prófum nemenda í 9. bekk í mars fyrr á þessu ári. Meira »

200 þúsund laxar drápust

11:01 200 þúsund laxar drápust í eldi Arnarlax í Tálknafirði í febrúar. Í svari Matvælastofnunar við fyrirspurn í lok þess mánaðar sagði að 53 þúsund laxar hefðu drepist, og hafa hærri tölur ekki birst fyrr en nú. Til sam­an­b­urðar má geta að á ár­inu 2016 voru 53.600 lax­ar veidd­ir á stöng á Íslandi. Meira »

Æfa viðbrögð við árás á Landhelgisgæsluna

10:27 Hluti heræf­ing­ar NATO, Tri­dent Junct­ure, verður hald­inn hér á landi um miðjan október sem und­an­fari aðalæf­ing­ar­inn­ar sem hefst 25. októ­ber nk. í Nor­egi. Mun hún standa í tvær vik­ur og verður hún stærsta varnaræfing bandalagsins frá 2015. Meira »

Kannabismál á Austurlandi telst upplýst

10:12 Lögreglan hefur sleppt öllum fjórum úr haldi sem voru handteknir í gær vegna kannabisræktunar á Breiðdalsvík og í Fellabæ. Rannsókn málsins heldur áfram í dag, en lögreglan segir málið að mestu leyti upplýst. Meira »

Árrisulum göngumönnum vísað frá Esjunni

08:43 Nokkrir frískir göngumenn ætluðu aldeilis að byrja þennan vindasama miðvikudag af krafti og ganga upp Esjuna. Er þeir voru að leggja í hann klukkan sjö í morgun tók á móti þeim hópur verkfræðinga sem var í þann mund að fara að rúlla niður nokkrum björgum við fjallið nærri toppi Þverfellshorns. Meira »

Piparkökur komnar í verslanir

07:57 Sala er hafin á jólavarningi í verslunum Bónuss. Verslunarkeðjan er byrjuð að selja piparkökur og kerti.  Meira »

Endurnýjun við Miklubraut

07:57 Götumynd Miklubrautar og umhverfis hennar vestan Lönguhlíðar hefur tekið miklum breytingum eftir að hlaðinn var grjótkörfuveggur meðfram götunni í því skyni að bæta hljóðvist og auka umhverfisgæði íbúa og þeirra sem nota útivistarsvæðið á Klambratúni. Meira »
ÚTI HRINGSTIGAR
Vantar stiga af svölunum ofan í garðinn ? Stærð 120, 140 og 160 cm og eftir mál...
Sultukrukkur, minibarflöskur og skór...
Til sölu ..Ca 100 gler krukkur til sölu..Frekar litlar... Einnig ca 200 smáflös...
INTENSIVE ICELANDIC,ENGLISH & NORWEGIAN f. foreigners - ÍSLENSKA f. útlendinga - ENSKA f. fullorðna - NORSKA
ÍSLENSKA, ENSKA, NORSKA: I, II, III, IV, V, VI: 2018: AUTUMN/HAUST: START/B...
Egat Standard Rafmagns - Nuddbekkur V :193.000 Tilboð:179.000 út sept
Egat Standard.Rafmagnsnuddbekkur Verð 193.000 Tilboð:179.000 út sept Olíu og V...