Vonar að skynsamir stöðvi „Trumpara“

Þorgerður Katrín Gunnarsdóttir, formaður Viðreisnar.
Þorgerður Katrín Gunnarsdóttir, formaður Viðreisnar. mbl.is/Eggert Jóhannesson

Þorgerður Katrín Gunnarsdóttir, formaður Viðreisnar, sagði í eldhúsdagsumræðum á Alþingi að börn væru að fæðast um þetta leyti sem komu undir um svipað leyti og núverandi ríkisstjórn.

„Lífsins kraftaverk. Það sama er hins vegar ekki hægt að segja um störf ríkisstjórnarinnar. Þar er lítið líf í mönnum, og kraftaverkin fá, ef nokkur,“ sagði Þorgerður Katrín. Hún sagði ríkisstjórnarflokkana, VG, Framsóknarflokk og Sjálfstæðisflokk, standa saman um kyrrstöðu og völd.

„Það er að minnsta kosti af sem áður var þegar forystumaður Vinstri grænna stóð hér í pontu fyrir einhverjum árum og lýsti því yfir að Vinstri græn myndu nú aldeilis ekki bregðast hlutverki sínu sem hinn eiginlegi og eini hugmyndafræðilegi og pólitíski höfuðandstæðingur Sjálfstæðisflokksins á Íslandi,“ sagði Þorgerður Katrín og bætti við að VG virtist hafa gefist upp á því að vera stóra mótvægið við Sjálfstæðisflokkinn.

Hún sagði að þessir fyrrverandi andstæðu pólar væru ekki svo ólíkir þegar allt kæmi til alls. „Því hvar sem borið er niður, þá vilja þau engu breyta. Það kallast íhaldssemi. Jafnvel afturhald. Breytingar  hefðu í för með sér raunverulegar kjarabætur og stöðugleika fyrir íslensk heimili, launþega og fyrirtækin í landinu.“

Þorgerður sagði enn fremur að það fælist réttlæti í því að þjóðin fengi sanngjarnt gjald fyrir sameiginlegar auðlindar og að það ætti að afnema úreltar samkeppnishindranir. Einnig væri hægt að lækka kostnað heimilanna, sem hún sagði margfaldan miðað við samanburðarlönd, með breyttri peningastjórn og meiri aga.  

„Pólitísk orðræða breytist með nýjum pólitískum ásum því við sjáum einnig að ákveðin afturhalds- og einangrunaröfl með slettu af þjóðernislegu ívafi reyna eins og þau geta að hafa áhrif á umræðuna,“ sagði Þorgerður og bætti við að þeir sem tryðu á frjálst og opið samfélag yrðu að spyrna við fótum.

„Þegar við horfum til Bandaríkjanna þá vonum við að skynsamlega þenkjandi repúblikanar stöðvi vitleysuna í Trump. Það sama gildir hér heima, við vonumst til þess að frjálslynt fólk, sama hvar í flokki það stendur, reyni að sporna við þessari þróun. Segi stopp við Trumpara þessa lands.“

Þorgerður spurði hver yrði afrekaskrá ríkisstjórnar VG en hún sagði flokkinn millistykkið sem tengdi íhaldsþrennuna saman. Hún spurði hvort lækkun veiðigjalda, ekki orð um menntamál, bið öryrkja eftir sjálfsagðri réttarbót og langir biðlistar á heilbrigðisstofnunum yrðu hluti af afrekum VG.

„Þegar allt kemur til alls, er hér starfandi ríkisstjórn sem ekki mun rugga bátnum og á meðan sitja helstu bakhjarlar stjórnarflokkanna brosandi hjá, nokkuð ánægðir með sitt fólk. Því þeirra er uppskeran.“

mbl.is

Bloggað um fréttina

Innlent »

Ljóskastarahús úr seinna stríðinu friðlýst

08:18 Mennta- og menningarmálaráðherra hefur ákveðið að tillögu Minjastofnunar Íslands að friðlýsa ljóskastarahús við Urð á Suðurnesi á Seltjarnarnesi. Á heimasíðu Minjastofnunar segir að mannvirkið sé einstakt á Íslandi og mikilvæg heimild um hernámstímann og umsvif breska setuliðsins hér á landi. Meira »

Hætta í VR og ganga í KVH

07:57 „Það er talsvert um fyrirspurnir. Margir hafa að undanförnu sótt um aðild að Kjarafélagi viðskiptafræðinga og hagfræðinga (KVH),“ segir Birgir Guðjónsson, formaður félagsins. Margir nýir félagsmenn komi úr VR. Meira »

14% fækkun ávísana á fíkni- og ávanalyf

07:37 „Þessi niðurstaða sýnir að með því að ná utan um flókin verkefni og ýta aðgerðum í framkvæmd þá náum við árangri,“ segir Svandís Svavarsdóttir heilbrigðisráðherra, sem í gær lagði fram á ríkisstjórnarfundi upplýsingar frá landlæknisembættinu um 14% samdrátt milli áranna 2017 og 2018 í ávísunum lækna á lyf sem leitt geta til ávana og fíknar. Meira »

Moldóva öruggt ríki

07:10 Útlendingastofnun hefur bætt Moldóvu á lista stofnunarinnar yfir örugg upprunaríki. Þetta kemur fram á vef stofnunarinnar og það ítrekað að það þýði hins vegar ekki að ef umsækjandi um alþjóðlega vernd kemur frá Moldóvíu sé máli hans vísað frá heldur sé það skoðað eins og mál fólks frá öðrum ríkjum. Meira »

Allt að 14 stiga frost

06:45 Hið fegursta vetrarveður á snævi þöktu landinu í dag en él á víð og dreif og frost að 14 stigum inn til landsins.   Meira »

Stúdentar styðja BHM

06:29 Landssamtök íslenskra stúdenta lýsa yfir stuðningi við athugasemdir BHM við auglýsingu um ólaunað starfsnám í félagsmálaráðuneyti. Meira »

Tjónvaldur í vímu og á vanbúnum bíl

06:12 Lögreglunni var tilkynnt um umferðaróhapp á Seltjarnarnesi síðdegis í gær og að tjónvaldur hafi stungið af. Hann fannst skömmu síðar og reyndist undir áhrifum fíkniefna. Bifreið hans var einnig vanbúin til aksturs þar sem meðal annars hjólbarðar hennar voru ónýtir. Meira »

Tíu milljónir í endurgreiðslu ár hvert

05:30 „Þessi framleiðsla uppfyllir umrædd skilyrði og því fær framleiðandinn þessa endurgreiðslu,“ segir Skarphéðinn Guðmundsson, dagskrárstjóri RÚV. Meira »

Kerecis metið á 9,5 milljarða

05:30 Nýsköpunarfyrirtækið Kerecis, sem framleiðir sáraumbúðir úr fiskroði, vinnur nú að hlutafjáraukningu og hyggst sækja 7,5 milljónir dollara, jafnvirði 900 milljóna króna, til þess að styðja við frekari vöxt þess á komandi misserum. Meira »

Fjármögnun tillagna á byrjunarstigi

05:30 Bjarni Benediktsson fjármálaráðherra segir að fjármögnun tillagna átakshóps um aukið framboð á húsnæði, sem snúa að ríkinu, sé á byrjunarreit. Meira »

Makar veikjast vegna álags

05:30 „Við vitum af tugum hjóna þar sem heilbrigður maki veikist vegna álags við umönnun á veikum maka. Fólk segir ekki frá þar sem um viðkvæm persónuleg mál er að ræða. Landssamband eldri borgara hefur miklar áhyggjur af þessari þróun,“ segir Þórunn H. Sveinbjörnsdóttir, formaður landssambandsins. Meira »

Sameining prestakalla í Breiðholti

05:30 Breiðholt verður eitt prestakall með þremur sóknum verði breytingartillaga þess efnis samþykkt á kirkjuþingi í haust. Unnið var að sameiningu Breiðholtsprestakalls og Fella- og Hólaprestakalls en nú er hugmyndin að Seljaprestakall verði einnig með í sameiningunni. Meira »

Fengu 153 kærumál og afgreiddu 188

05:30 Alls bárust Úrskurðarnefnd umhverfis- og auðlindamála 153 kærumál á síðasta ári samkvæmt bráðabirgðatölum sem fengust hjá nefndinni í gær. Tekist hefur að fækka óafgreiddum málum hjá nefndinni. Meira »

Heimavellir seldu fyrir 6,2 milljarða

05:30 Heimavellir, stærsta leigufélag landsins, hefur verið að endurskipuleggja eignasafnið sitt en á síðasta ári seldi félagið alls 210 íbúðir fyrir 6,2 milljarða króna. Þar af var eignasala á fjórða ársfjórðungi 2,9 milljarðar króna. Meira »

Vilja að hætt verði við kísilverið

Í gær, 23:55 Arion banki og Thorsil eru í yfirlýsingu frá meirihluta bæjarfulltrúa í Reykjanesbæ hvött til að falla frá öllum áformum um uppbyggingu og rekstur kísilmálmverksmiðja í Helguvík. Hvetja bæjarfulltrúarnir fyrirtækin þess í stað til að taka frekar þátt í annarri atvinnuuppbyggingu Meira »

„Risastórt lífskjaramál“

Í gær, 22:20 Katrín Jakobsdóttir forsætisráðherra sagði húsnæðismál risastórt kjaramál í viðtali við Kastljós í kvöld, en átakshópur um fram­boð á íbúðum og aðrar aðgerðir til að bæta stöðu á hús­næðismarkaði kynnti í dag tillögur sínar í þeim efnum. Meira »

Hrói höttur í Firðinum

Í gær, 21:50 Bogfimi er kennd víða um land og nýjasta félagið á þeim vettvangi er Bogfimifélagið Hrói höttur í Hafnarfirði. Félagið var stofnað 3. september 2018 og fyrsta námskeiðið hófst í íþróttahúsi Hraunvallaskóla 3. desember síðastliðinn. Meira »

Ráðherra hafi ekki verið hæfur

Í gær, 21:30 Mál Laxinn lifi, Náttúruverndarsamtaka Íslands, Akurholts ehf., Geiteyrar ehf., Ara P. Wendel, Víðis Hólm Guðbjartssonar, Atla Árdal Ólafssonar, Varplands hf. og Veiðifélags Laxár á Ásum, gegn Arctic Sea Farm hf. annars vegar og Fjarðarlaxi ehf. hins vegar, var þingfest í Héraðsdómi Reykjavíkur í dag. Meira »

Skoða tímabundna notkun Sólvangs

Í gær, 21:10 Mikil vinna hefur verið unnin í heilbrigðisráðuneytinu svo fjölga megi hjúkrunarrýmum og finna leiðir til að tryggja mönnum hjúkrunarfræðinga. Þetta kom fram í svörum heilbrigðisráðherra á Alþingi í dag. 140 ný hjúkrunarrými bætist við í ár og þá sé verið að skoða tímabundna notkun Sólvangs. Meira »
Bókhaldsþjónusta
Skattframtöl, bókhald, ársreikningar, vsk uppgjör & launauppgjör, stofnun félaga...
Nudd Nudd Nudd
Relaxing Massage Down Town Reykjavik, S. 7660348, Alina...
KRISTALS LJÓSAKRÓNUR ÚTSALA er að byrja
Glæsilegar kristalsljósakrónur fyrir falleg heimili. ÚTSALA Handskornar kristal...
KERRUR TIL AFGREIÐSLU SAMDÆGURS
Sterkbyggðu HULCO fjölnotakerrurnar, myndir á bland.is og á Facebook = Mex byggi...