Forstjóri OR boðaður á aukafund
Setja bókamerki
Stjórn Orkuveitu Reykjavíkur hefur boðað til aukafundar í dag. Þar verða rædd mál er varða uppsögn framkvæmdastjóra Orku náttúrunnar, sem var sagt upp í gær vegna „óviðeigandi“ framkomu, og hefur forstjóri OR verið boðaður á fundinn.
Gylfi Magnússon, varaformaður í stjórn OR, staðfesti í samtali við mbl.is að fundurinn yrði haldinn eftir hádegi í dag.
Eins og kom fram í gær var Bjarna Má Júlíussyni, forstjóra On, sagt upp störfum. „Starfslok fyrrverandi framkvæmdastjóra tengjast tilvikum þar sem framkoma hans gagnvart samstarfsfólki var óviðeigandi,“ kom fram í tilkynningu í gær.
Bjarni Bjarnason, forstjóri Orkuveitu Reykjavíkur, sagði að eitt atvik hefði orðið þess valdandi að ákvörðunin um að segja Bjarna Má Júlíussyni upp störfum var tekin.
Bjarni Már sagðist í gær vera sleginn yfir atburðarásinni, að hann iðraðist orða sinn og vildi ekki vera málaður upp sem einhver „dónakall“.
Handteknir eftir myndatöku í Vesturbæjarlaug
Sex hafa greinst með listeríu
Banna mengandi búnað sem leyfður er á Íslandi
Tveir í bílnum sem lenti utan vegar
„Hvílir mikil leynd yfir þessu öllu“
Kostnaður meiri en milljón á fermetra