Fundur stjórnar Orkuveitu Reykjavíkur með Bjarna Bjarnasyni, forstjóra OR, stendur yfir. Boðað var til fundarins eftir að framkvæmdastjóri Orku náttúrunnar, dótturfélags OR, var rekinn á miðvikudag eftir óviðeigandi hegðun.
Ekki voru allir stjórnarmeðlimir mættir á fundinn og rætt verður við þá símleiðis.
Bjarni Bjarnason, forstjóri OR, sagði í gær að honum hefði verið brugðið eftir eitt óviðeigandi tilvik Bjarna Más Júlíussonar, fráfarandi framkvæmdastjóra ON.
Sjálfur sagði Bjarni Már að hann iðraðist orða sem hann notaði og vildi ekki vera málaður upp sem einhver „dónakall.“