Óska eftir viðræðum um greiðslu bóta

Húsnæði Geymslna var ónýtt eftir eldsvoðann.
Húsnæði Geymslna var ónýtt eftir eldsvoðann. mbl.is/RAX

Lögmaður 43 manna hóps sem leigði geymslur í húsnæðinu sem brann í Miðhrauni í apríl hefur sent bréf til lögmanns Geymslna þar sem umbjóðendur hans krefjast þess að þeim verði afhentir þeir munir sem þeir geymdu í húsnæðinu.

Ef eigendur Geymslna geta ekki orðið við kröfunni mun lögmaðurinn óska eftir viðræðum um bætur handa þeim vegna tjónsins sem þeir urðu fyrir þegar eigur þeirra eyðilögðust í eldsvoðanum, að því er kemur fram í bréfinu.

Ákvæði laga um þjónustukaup 

Þar segir að ábyrgð Geymslna byggist á því að fyrirtækið geymdi munina á sína ábyrgð gegn gjaldi og því beri því að skila þeim til eigenda sinna eða sjá til þess að eigendur geti nálgast þá.

Einnig byggir ábyrgðin á ákvæðum laga um þjónustukaup nr. 42/2000. Samkvæmt þeim fellur ábyrgð á seljanda þjónustu ef hann getur ekki afhent hluti til eigenda, t.d. vegna þess að þeir eyðileggjast í eldsvoða. Vitnað er í lögskýringagögn þar sem tekið er fram að ábyrgðin sé felld á seljanda þjónustu vegna þess að hann eigi þann kost að tryggja fyrir slíku tjóni.

Slökkviliðið berst við eldsvoðann í Miðhrauni í apríl.
Slökkviliðið berst við eldsvoðann í Miðhrauni í apríl. mbl.is/Eggert

Tóku enga húseign á leigu 

Fram kemur að samningar sem víki frá skyldum seljanda slíkrar þjónustu á kostnað seljanda séu ógildir. „Þannig dugar ekki fyrir umbjóðanda yðar að bera því við að hann hafi gert húsaleigusamninga við umbjóðendur mína, enda tóku þeir enga húseign á leigu,“ segir í bréfinu.

Lögmaður hópsins, Guðni Á. Haraldsson hjá Löggarði, bætir við í bréfinu: „Ef umbjóðandi yðar getur orðið við kröfum umbjóðenda minna þá fagna þeir því. Ef ekki þá óska þeir viðræðna við hann um greiðslu bóta sem samsvara því tjóni og þeim kostnaði sem þeir hafa orðið fyrir. Ef ekki þá munu þeir leita réttar síns fyrir dómstólum.“

Frá Miðhrauni eftir eldsvoðann mikla.
Frá Miðhrauni eftir eldsvoðann mikla. mbl.is/RAX

Vilja viðræður í stað dómsmáls

Aðspurður segir Ágúst Valsson, einn forsvarsmanna hópsins, að allar eigurnar þeirra hafi brunnið í eldsvoðanum en í bréfinu er þess krafist formsins vegna að allar eigurnar verði afhentar. „Við viljum að þeir ræði við okkur í staðinn fyrir að þetta fari fyrir dómstóla. Það er einfaldasta og skynsamlegasta leiðin,“ segir Ágúst um eigendur Geymslna.

Hann segir að sumir hafi fengið greiddan frá tryggingafélagi sínu hluta af því tjóni sem þeir urðu fyrir en aðrir ekki. Ef heimilistryggingin dekkar til dæmis 15% og menn hafa verið með eignir upp á 10 milljónir í Geymslum eru bæturnar ekki nálægt því sem ásættanlegt mætti teljast.

Ágúst telur að hópmálsóknin geti kostað 3 til 4 milljónir króna í heildina. Til að byrja með hafi verið miðað við 35 þúsund króna kostnað á mann, ef 80 manna hópur myndi taka þátt. Hann bætir við að margir hafi sent sér skilaboð að undanförnu og á von á að hópurinn muni stækka enn frekar. Hvetur hann fólk til að hafa samband í gegnum Facebook-síðuna Leigutakar hjá Geymslum í Miðhrauni.

mbl.is

Innlent »

Sækist eftir embætti 2. varaforseta ASÍ

09:14 Kristján Þórður Snæbjarnarson, formaður Rafiðnaðarsambands Íslands, gefur kost á sér í embætti 2. varaforseta Alþýðusambands Íslands á þingi sambandsins í næstu viku. Meira »

Landsmenn stefna í 436 þúsund

09:07 Ætla má að íbúar landsins verði 436 þúsund árið 2067 samkvæmt miðspá Hagstofunnar um þróun mannfjöldans. Til samanburðar var mannfjöldinn 348 þúsund 1. janúar 2018. Meira »

Ráðgjafanefnd um blóðabankaþjónustu

08:57 Svandís Svavarsdóttir heilbrigðisráðherra hefur skipað ráðgjafanefnd um fagleg málefni blóðbankaþjónustu.  Meira »

Bjarg óskar eftir samstarfi við sveitarfélög

08:50 Bjarg íbúðafélag hefur óskað eftir viðræðum við Garðabæ, Mosfellsbæ, Kópavog og Seltjarnarnes um lóðir og stofnframlag vegna byggingar almennra íbúða í bæjarfélögunum. Bjarg er húsnæðissjálfseignastofnun, stofnuð af ASÍ og BSRB. Meira »

Níða Jón Steinar á lokuðu vefsvæði

08:35 „Þetta er fólk sem greinilega kýs að taka enga ábyrgð á skoðunum sínum og tjáningu jafnvel þó að einhverjar þúsundir manna hlusti á,“ segir Jón Steinar Gunnlaugsson lögmaður í aðsendri grein í Morgunblaðinu í dag. Þar fer hann yfir ummæli sem hafa fallið á lokuðu vefsvæði á Facebook um hann. Meira »

Herskip NATO áberandi í höfnum

08:18 Herskip á vegum Atlantshafsbandalagsins, NATO, eru um þessar mundir áberandi í höfnum á höfuðborgarsvæðinu. Eru skipin hingað komin vegna Trident Juncture, umfangsmestu heræfingar Atlantshafsbandalagsins frá árinu 2015, sem haldin verður á Norður-Atlantshafi og í Noregi á næstunni. Meira »

Óraunhæfar launakröfur hafi veikt gengið

07:57 Andrés Magnússon, framkvæmdastjóri Samtaka verslunar og þjónustu, segir tilkynningar frá áhyggjufullum félagsmönnum streyma inn út af veikingu krónu. Meira »

Lægra þorskverð en krafa um hærri laun

07:37 „Stórsókn er hafin af hálfu verkalýðshreyfingarinnar í baráttu fyrir hækkun lágmarkslauna,“ sagði Örn Pálsson, framkvæmdastjóri Landssambands smábátaeigenda, í ræðu á aðalfundi í gær. Meira »

Engin skotfæri leyfð á æfingunni

07:19 Lögreglan á Suðurlandi segir að í dag og á morgun muni hópar bandarískra hermanna vera með gönguæfingar í Þjórsárdal. Hermenn þessir verða klæddir í hermannafatnað og bera vopn, óhlaðin, en engin skotfæri eru leyfð á þessari æfingu. Meira »

Spá allt að 40 m/s

06:58 Varað er við miklu hvassviðri í nótt og á morgun. Útlit er fyrir suðvestan 15-23 metra á sekúndu en vindhviður til fjalla, einkum á Vestfjörðum, Tröllaskaga og á Austfjörðum, geta náð allt að 40 m/s seint annað kvöld. Meira »

34% keyptu kókaín

05:30 Verð á sterkum verkjalyfjum „á götunni“ hefur lækkað undanfarna mánuði. Þetta kemur fram í mánaðarlegri könnun SÁÁ á verðlagi á ólöglegum vímuefnum. Meira »

Hættir að þjónusta göng um Húsavíkurhöfða

05:30 Vegagerðin hefur tilkynnt sveitarstjórn Norðurþings að hún muni hætta að þjónusta göngin um Húsavíkurhöfða um næstu mánaðamót. Verður því væntanlega slökkt á lýsingu í göngunum og enginn snjór mokaður í vetur. Meira »

Yfir 5.000 farþegar frá Bretlandi

05:30 Breska ferðaskrifstofan Super Break mun meira en tvöfalda flugframboð sitt frá Bretlandi til Akureyrar í vetur. Hún fjölgar ferðum þannig að ferðatímabilið verður lengra og notar einnig heldur stærri flugvélar. Meira »

Brunatrygging lausafjár gegn náttúruhamförum

05:30 Mikilvægt er að fólk sé með lausafé brunatryggt vilji það fá bætt tjón á innbúi og lausafé vegna náttúruhamfara.  Meira »

Geiteyri eignast Haffjarðará

05:30 Einkahlutafélagið Geiteyri hefur eignast eina þekktustu laxveiðiá landsins, Haffjarðará á Snæfellsnesi, að fullu.   Meira »

Tvær þyrlur á nýju ári

05:30 Landhelgisgæsla Íslands tekur á móti tveimur nýlegum leiguþyrlum á næsta ári. Þyrlurnar koma frá Noregi og eru af gerðinni Airbus H225 Super Puma, en þær munu koma í staðinn fyrir TF-GNA og TF-SYN. Meira »

Icelandair taldi gengið ósjálfbært

05:30 „Við höfum gert ráð fyrir að staða krónunnar undanfarin ár væri ósjálfbær. Við höfum átt von á einhverri veikingu. Hún er að koma fram núna,“ segir Bogi Nils Bogason, starfandi forstjóri Icelandair Group. Meira »

„Dónaskapur“ að fresta framkvæmdum

Í gær, 22:02 Bæjarráð Kópavogs hefur lýst yfir vonbrigðum með nýja samgönguáætlun ríkisstjórnarinnar fyrir árin 2019-2033 og segir frestun á framkvæmdum við Arnarnesveg til ársins 2024 vera dónaskap. Meira »

„Algjörlega óboðleg vinnubrögð“

Í gær, 21:39 „Ég átta mig ekki á því hvort þetta sé einskært þekkingarleysi, eða hvort þeim finnist einfaldlega í lagi að breyta lögunum að eigin vild. Þetta eru náttúrulega algjörlega óboðleg vinnubrögð, í félagi sem fer með hagsmunagæslu okkar og á að starfa í umboði okkar, að það sé ekki meira gegnsæi til staðar.“ Meira »
Perlur sem ekki þarf að strauja !!
Nýtt á Íslandi, perlur sem ekki þarf að strauja, einungis sprauta vatni á og þær...
Infrarauður Saunaklefi -Tilboð 299.000 ef greitt er inn á 30.000 í okt ( kemur eftir cirka 4 vikur ) annars 329.000
Er á leiðinni færð á Tilboði 299.000 ef greitt er inn á 30.000 í sept( kemur eft...
VILTU VITA HVAÐ ER FRAMUNDAN
SPÁI Í TAROT OG BOLLA. þEIR SEM FARNIR ERU SEGJA MER UM FRAMTÍÐ ÞÍNA. ERLA S. 58...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...