Klukkan tvö í dag verður kveðinn upp dómur í endurupptökunni á Guðmundar- og Geirfinnsmálinu í Hæstarétti. Gefið hefur leyfi til að mynda þegar dómsuppkvaðningin verður og sýnir mbl.is beint frá því.
Endurupptökunefnd féllst í febrúar 2017 á endurupptökubeiðnir er varða fimm menn sem sakfelldir voru í tengslum við hvarf tveggja manna, Guðmundar Einarssonar og Geirfinns Einarssonar, á áttunda áratug síðustu aldar.
Málið er fyrir margar sakir óvenjulegt, ekki síst af því að Davíð Þór Björgvinsson, fulltrúi ákæruvaldsins í endurupptöku málanna, fór fram á sýknu yfir fimmmenningunum, líkt og verjendur í málinu.
Dómarar verða hæstaréttardómararnir Þorgeir Örlygsson, forseti réttarins, Greta Baldursdóttir, Helgi Ingólfur Jónsson, Ólafur Börkur Þorvaldsson og Viðar Már Matthíasson.
Uppfært: Dómsuppkvaðningin var í beinni útsendingu en er nú í myndskeiðinu fyrir ofan.