„Við erum þrjú sem sitjum uppi með meinsæri, núna kæri ég niðurstöðu endurupptökunefndar því hún var í hæsta máta vafasöm,“ sagði Erla Bolladóttir eftir að dómur var kveðinn upp í Hæstarétti í dag í Guðmundar- og Geirfinnsmálinu. 

Hún var ásamt Sævari Cieselski og Kristjáni Viðari Viðarssyni fundin sek um meinsæri í málinu með því að hafa í sameiningu lagt á ráðin um að varpa sök á drápinu á Geirfinni Einarssyni á Einar Bollason. 

„Þetta er auðvitað tilfinningaríkt augnablik að Hæstiréttur skuli hafa án fyrirvara sýknað alla en þetta er auðvitað ekki búið,“ sagði Erla í samtali við mbl.is eftir að dómur var kveðinn upp í dag. Endurupptökunefnd komst að þeirri niðurstöðu að hennar mál skyldi ekki tekið upp að nýju og ætlar hún að kæra hana til héraðsdóms á næstunni. 

„Ég vildi óska að það hefði verið hægt að klára þetta allt núna, þetta er orðið ofboðslega langt,“ sagði Erla.

Tengdar fréttir

Guðmundar- og Geirfinnsmál

Nýju ljósi varpað á Guðmundar- og Geirfinnsmál

• Ríkið þarf að greiða Alberti 26 milljónir
• „Þetta er auðvitað algjörlega galið“
• Skilur eftir sár sem munu aldrei gróa
• Hagsmunir ríkisins að ljúka máli Erlu

» Fleiri tengdar fréttir

• Blogga um frétt