Ekki verið ákveðið með áfrýjun
Setja bókamerki
Ekki hefur verið tekin ákvörðun um það hvort sjö ára fangelsisdómi Héraðsdóms Suðurlands yfir Val Lýðssyni, fyrir að verða bróður sínum Ragnari að bana, verði áfrýjað.
Þetta segir Sigríður J. Friðjónsdóttir ríkissaksóknari í samtali við mbl.is. Dómurinn féll 24. september og hefur embættið fjórar vikur til þess að taka ákvörðun um hvort honum verði áfrýjað að sögn Sigríðar.
Valur var dæmdur fyrir manndráp af gáleysi þar sem dómarinn taldi ekki að sýnt hefði verið fram á að um ásetning hefði verið að ræða.
Ákæruvaldið fór fram á að Valur yrði dæmdur fyrir morð og í 16 ára fangelsi en héraðsdómur féllst sem fyrr segir ekki á það.
Fyrir utan sjö ára fangelsi var Valur dæmdur til þess að greiða fjórum börnum Ragnars þrjár milljónir króna hverju fyrir sig auk útfararkostnaðar og alls sakarkostnaðar í málinu.
Hæstiréttur staðfestir vanhæfi alls Landsréttar
Hyggjast leyfa fólki að skoða gosið
Sárt að horfa upp á illa meðferð fjármuna
Segjast hafa skotið niður langdræga sprengjuvél
Ný staða uppi og óvissan meiri
Nauðgaði kærustu sinni og tók það upp
Unnu að fullum heillindum að kaupum á TM