Fór fram á aukna refsingu yfir Hreiðari

Hreiðar Már Sigurðsson ásamt verjanda sínum í héraðsdómi.
Hreiðar Már Sigurðsson ásamt verjanda sínum í héraðsdómi. mbl.is/Hari

Saksóknari fór í dag fram á að Hreiðari Má Sigurðssyni, fyrrverandi forstjóra Kaupþings, yrði gerð aukin refsing við þau sjö ár sem hann hefur þegar hlotið í þremur öðrum sakamálum. Fór saksóknari fram á að Hreiðar yrði dæmdur í 12-15 mánaða fangelsi í innherja- og umboðsvikamáli sem tengist einkahlutafélaginu Hreiðari Má Sigurðssyni ehf. Þá fór saksóknari fram á að Guðný Arna Sveinsdóttir, fyrrverandi fjármálastjóri Kaupþings, yrði dæmd í 6-9 mánaða fangelsi vegna hlutdeildar í brotum Hreiðars, en að til greina komi að skilorðsbinda dóminn.

Saksóknari sagði að meint brot Hreiðars væru annars eðlis en í þeim málum sem hann hefur verið sakfelldur hingað til. Í þessu máli væri um persónulega auðgun hans að ræða og það ætti að meta honum til refsiþyngingar. Á móti til mildunar væri langt um liðið síðan brotin væru framin.

Refsihámark fyrir brot af þessu tagi eru 6 ár og því hefur Hreiðar þegar farið upp fyrir refsihámarkið með dómi héraðsdóms í Marple-málinu svokallaða. Áður hafði hann hlotið 5,5 ára dóm í al Thani-málinu og 6 mánaða dóm í markaðsmisnotkunarmáli Kaupþings.

Í málflutningi sínum sagði saksóknari að Hreiðar hefði misnotað aðstöðu sína sem bankastjóri með því að hafa gefið fyrirmæli um viðskipti til handa félaginu Hreiðar Már Sigurðsson ehf. (HMS), sem var í hans eigu og endanlegur eigandi þeirra bréfa sem Hreiðar nýtti sér kauprétt að. Viðskiptin leiddu svo til þess að hann fékk lánað frá bankanum fyrir kaupunum.

Finnur Þór Vilhjálmsson saksóknari vill þyngri refsingu yfir Hreiðar.
Finnur Þór Vilhjálmsson saksóknari vill þyngri refsingu yfir Hreiðar. mbl.is/Hari

Ólíkt því sem áður hafði verið gert, þegar bankinn lánaði fyrir bréfunum á kaupréttargengi, sagði saksóknari að árið 2008, tveimur mánuðum fyrir hrun bankans, hafi Hreiðar selt bréfin til HMS á markaðsvirði, sem var um 320 milljón krónum meira en kaupréttargengið. Samhliða hafi hann fengið lánað frá bankanum vegna markaðsverðs, án þess að stjórn bankans hafi samþykkt lánveitinguna.

Segir saksóknari að með því hafi Hreiðar í raun innleyst hagnað af bréfunum miðað við markaðsverð þeirra þennan dag. Var upphæðin notuð til að greiða skattaskuldbindingar Hreiðars og sagði saksóknari að ekki skipti máli í hvað hagnaðurinn væri notaður. Hafi hann auk þess sem forstjóri bankans vitað að gengi bankans væri of hátt skráð á markaði og nýtt sér það til að innleysa hagnaðinn. Vísaði saksóknari meðal annars í fyrri dóma sem Hreiðar hefur hlotið varðandi markaðsmisnotkun og sagði að Hreiðar hefði haft frekari upplýsingar en aðrir fjárfestar á markaði. Því hefði hann í raun með viðskiptunum nýtt sér innherjaupplýsingar þegar hann ákvað að selja félaginu bréfin og þar með taka út hagnað upp á 320 milljónir. Hefði hann því selt bréfin til HMS og innleyst hagnað á sama tíma og hann vissi að gengi bréfa Kaupþings væri hærra en það ætti að vera.

Við skýrslutöku í gær vísaði vörnin meðal annars til þess að stjórn hafi árið 2005 samþykkt veitingu lána til starfsmanna vegna nýtingu kauprétta þeirra. Þetta hafi í raun verið ígildi samþykktar á framtíðar lánveitingum og því hafi stjórn ekki þurft að staðfesta sérstaklega lánveitinguna til Hreiðars þegar hann óskaði eftir að nýta kaupréttinn árið 2008.

Saksóknari fór fram á 6-9 mánaða dóm yfir Guðnýju Örnu ...
Saksóknari fór fram á 6-9 mánaða dóm yfir Guðnýju Örnu Sveinsdóttur. mbl.is/Þorsteinn

Saksóknari sagði þetta hins vegar ekki standast skoðun. Sagði hann að stjórnin hafi árið 2005 aðeins samþykkt stefnu um kauprétti, meðal annars að starfsmenn eigi að fjármagna kaupin hjá bankanum en ekki þriðja aðila. Sagði saksóknari að árin 2005-2007 hefði stjórn samþykkt sérstaklega lánveitingar til Hreiðars og Sigurðar Einarssonar stjórnarformanns þegar þeir nýttu kauprétti sína og að árið 2008 hefði stjórnin einnig átt að samþykkja lánveitingu.

Saksóknari gerði lítið úr skýrslugjöf fjögurra vitna sem mættu fyrir dóminn í gær. Meðal annars var eitt vitnið núverandi héraðsdómari. Sagði saksóknari að dómarinn hafi sem yfirlögfræðingur Kaupþings verið náinn samstarfsmaður Hreiðars um margra ára skeið. Þá véfengdi hann skýrslugjöf fyrrverandi formanns starfskjaranefndar stjórnar bankans sem hann sagði hafa verið með stöðu sakbornings í upphafi málsins og að framburður hans hafi litast af því.

Saksóknari sagði að meint brot Guðnýjar væru alvarlegs eðlis í trúnaðarstarfi og að hún hafi stutt að „verulegu og nauðsynlegu leyti við brot Hreiðars.“  Sagði saksóknari að henni hafi ekki getað dulist að um væri að ræða lánveitingu sem væri annars eðlis en hingað til hefði verið veitt í tengslum við kauprétti. Þá gat henni ekki dulist að tryggingar vegna lánveitingarinnar voru ófullnægjandi og ekki í tengslum við reglur bankans. Þá hafi samskipti hennar í tengslum við afgreiðslu málsins gefið „henni tilefni sem fjármálastjóri til að staldra við.“

Saksóknari tók fram að ekkert hafi komið fram um að brot hennar gætu falið í sér persónulega auðgun. Þá mætti meta ásetningsstig hennar lágt, en að hann teldi hæfilega refsingu engu að síður vera 6-9 mánuðir. Tók hann jafnframt fram að hann teldi koma til greina að skilorðsbinda refsingu hennar.

mbl.is

Innlent »

Markaðurinn er yfirfullur af plasti

19:45 Heimsmarkaðurinn er yfirfullur af plasti og um þessar mundir er lítil eftirspurn eftir plasti til endurvinnslu. Því er stærstur hluti plasts sem safnað er hér á landi sendur erlendis til orkuendurvinnslu, en Sorpa er eina íslenska fyrirtækið sem tekur við plasti öðru en umbúðaplasti til endurvinnslu. Meira »

Þrír unnu 92 milljónir króna

19:25 Fyrsti vinningur í Eurojackpot-lottóinu, upp á tæpa 7 milljarða króna, gekk ekki út í kvöld en þrír heppnir lottóspilarar eru hins vegar rúmum 92 milljónum króna ríkari eftir að hafa unnið annan vinninginn. Meira »

Fer eigin leiðir í veikindunum

18:41 „Ég fann ekki neitt. Ég var í ofsalega fínum gír,“ sagði Atli Eðvaldsson, fyrrverandi landsliðsmaður og atvinnumaður í knattspyrnu, í viðtali á sjónvarpsstöðunni Hringbraut þar sem hann ræðir veikindi sín en hann greindist með krabbamein í blöðruhálskirtli. Meira »

„Loftslagsváin er þögul ógn“

16:23 Níunda loftslagsverkfallið var haldið á Austurvelli í dag. Hingað til hafa verkföllin verið mjög kraftmikil en í dag var ákveðið að verkfallið yrði þögult og sitjandi vegna föstudagsins langa. Elsa María Guðlaugs Drífudóttir, formaður Landssamtaka íslenskra stúdenta, segir að það hafi verið viðeigandi. Meira »

Brýrnar helsti veikleikinn

15:01 Brýrnar eru helsti veikleiki vegakerfisins á Suðurlandi, það blasir við. Þetta segir Ólafur Guðmundsson umferðaröryggissérfræðingur. Ólafur mun sjá um úttekt á umferðaröryggi á Suðurlandi. Meira »

Forsetinn á meðal píslarvotta

13:19 Píslarganga umhverfis Mývatn er haldin í 25. skipti í dag, föstudaginn langa. Gangan er með nokkuð óhefðbundnu sniði en píslarvottarnir fara yfir með mismunandi hætti, ýmist á tveimur jafnfljótum, á hjólum eða á hjólaskíðum. Meira »

Þyrlan sótti slasaðan mótorhjólamann

12:56 Þyrla Landhelgisgæslunnar flutti slasaðan mann á Landspítala í nótt, en maðurinn hafði slasast á fæti á ferð sinni um Víðidalstunguheiði á mótorhjóli, eða svokölluðum krossara. Meira »

Ný lyfta skref í átt að bættum eldvörnum

12:18 Ný lyfta er í uppsiglingu í Hallgrímskirkjuturni. Henni verður komið fyrir í sömu lyftugöngum og hin gamla var í en sú var orðin 50 ára gömul. Framkvæmdunum fylgja bættar brunavarnir á alla kanta, að sögn framkvæmdastjóra kirkjunnar. Meðan á þeim stendur verður kirkjuturninn lokaður gestum. Meira »

Skíðafærið á föstudaginn langa

10:07 Það viðrar ágætlega til skíðaiðkunar í dag, föstudaginn langa, fyrir norðan, austan og vestan. Höfuðborgarbúar verða hins vegar að sætta sig við að búið er að að loka Bláfjöll­um og Skála­felli end­an­lega þenn­an vet­ur­inn. Meira »

Allt að 16 stiga hiti á Norðausturlandi

08:35 Föstudagurinn langi verður vætusamur á Suður- og Vesturlandi en útlitið er heldur betra á Norðaustur- og Austurlandi þar sem verður léttskýjað og allt að 16 stiga hiti. Meira »

Fjórum bjargað úr eldsvoða

08:14 Lögreglumenn á Ísafirði björguðu fjórum út úr húsi um klukkan þrjú í nótt eftir að eldur kom upp á sólpalli hússins. Lögreglumennirnir voru í eftirlitsferð þegar þeir sáu reyk stíga upp af húsinu, sem er viðarhús. Meira »

Átta manns í andlegu ójafnvægi

07:13 Lögreglan á höfuðborgarsvæðinu sinnti í nótt og gærkvöldi átta útköllum vegna fólks í andlegu ójafnvægi, víðs vegar í borginni og nágrenni hennar. Í dagbók lögreglu kemur fram að í öllum tilfellum fóru lögreglumenn á vettvang og reyndu eftir fremstu getu að aðstoða einstaklingana. Meira »

„Bullandi menning í hverjum firði“

Í gær, 22:15 „Það er frábær stemning í bænum og spennan er í hámarki. Ég er búinn að vera hérna síðustu tvær vikurnar og það er búið að vera stemning í bænum allan þennan tíma,“ segir rokkstjóri hátíðarinnar Aldrei fór ég suður, Kristján Freyr Halldórsson, í samtali við mbl.is. Meira »

Íris í auglýsingu Bernie Sanders

Í gær, 21:52 Ferðalag um Gvatemala leiddi til þess að Íris Gunnarsdóttir kemur fyrir í auglýsingu Bernie Sanders, frambjóðanda í forvali Demókrataflokksins. „Þetta er bara svolítið súrrealískt,“ segir hún um hvernig það er að bregða fyrir í auglýsingunni sem snýr að upplifun kvenna af opinberu heilbrigðiskerfi. Meira »

Búllan skýtur rótum í Noregi

Í gær, 21:00 Hamborgarabúllan við Torggötu er steinsnar frá Dómkirkjunni í Ósló. Innan um plaköt af poppgoðum má þar finna ýmislegt sem minnir á Ísland. „Grundvallaratriði er að gera borgarana eins og Tommi hefur kennt okkur. Við höfum sett sálina aftur í reksturinn,“ segir veitingamaðurinn Christopher Todd. Meira »

Gylfi ekki ákærður fyrir hatursorðræðu

í gær Lögreglustjórinn á Suðurlandi hefur fellt niður mál á hendur tónlistarmanninum Gylfa Ægissyni. Samtökin 78 kærðu Gylfa og nokkra aðra fyrir hatursorðræðu árið 2015. Greint var frá þessu í kvöldfréttum RÚV sem segir fram koma í bréfi lögreglustjóra að málið þyki ekki líklegt til sakfellingar. Meira »

Uppselt varð á Tvíhöfða á 65 mínútum

í gær Á 65 mínútum varð uppselt á sýningu Tvíhöfða sem fer fram í kvöld í Ísafjarðarbíói, segir Kristján Freyr Halldórsson, rokkstjóri hátíðarinnar Aldrei fór ég suður, í samtali við mbl.is. „Það verður bara ein sýning, því miður, því síminn stoppar ekki,“ segir hann. Meira »

Þekkingarleysi á skyldum lögreglu

í gær Staðir þar sem fíklar geta nálgast hreinar sprautunálar og aðra þjónustu eru ekki undir sérstöku eftirliti lögreglu, en eru þó „enginn griðastaður“ hvað eftirlit laga og reglna varðar. Nýtt frumvarp heilbrigðisráðherra um neyslurými, sem er til umsagnar hjá Alþingi fékk harða umsögn lögreglu. Meira »

Blaðamenn búa víða við ótta

í gær Ísland er í fjórtánda sæti á lista yfir fjölmiðlafrelsi í ríkjum heim, samkvæmt nýjum matskvarða Blaðamanna án landamæra, The World Press Freedom Index. Ísland fer niður um eitt sæti á milli ára. Meira »
Vetur í Tungunum, Eyjasól ehf.
Nú er að skella sér í sumarbústað um helgina og eða næstu... Rúm fyrir 5-6. Tak...
Húsaviðgerðir
https://www.husco.is/...
Klettar - Heilsárshús - 80fm + 49fm svefnloft
Splunkunýtt! Klettar - Heilsárshús Klettar er heilsárshús sem flestir ættu að...
Greinakurlarar
Eigum til 15 hp greinakurlara með bensínmótor. Taka allt að 100mm greinar. Upp...