„Fordæmalaus tilraunastarfsemi“ saksóknara

Hörður Felix Harðarson ásamt skjólstæðingi sínum, Hreiðari Má Sigurðssyni.
Hörður Felix Harðarson ásamt skjólstæðingi sínum, Hreiðari Má Sigurðssyni. mbl.is/Hari

Allt önnur mynd var dregin upp af málsatvikum af verjanda Hreiðars Más Sigurðssonar um þá atburði sem urðu til þess að héraðssaksóknari gaf út ákæru í tengslum við meint innherja- og umboðssvik Hreiðars. Sagði hann saksóknara leitast eftir því að skapa ný dómafordæmi í réttarsögunni sem væru í andstöðu við fyrri dómafordæmi.

Verjandinn sagði í málflutningi sínum að útlán til handa Hreiðari og öðrum stjórnendum vegna nýtingar á kauprétti hafi verið samþykkt langt áður með stefnu stjórnar bankans um kauprétti. Því hafi ekki þurft að samþykkja útlánin sérstaklega með bókun stjórnarinnar og sagði verjandinn að þetta hefði líka verið upp á teningnum árin á undan.

„Ljóst að stjórnin var meðvituð

„Það er alveg ljóst að stjórnin var meðvituð og tók þessa ákvörðun,“ sagði verjandi Hreiðars. Hafði saksóknari áður sagt í málflutningsræðu sinni að stjórnin hefði árin 2005-2007 samþykkt sérstaklega útlán til Hreiðars vegna kaupanna. Verjandinn sagði það hins vegar rangt og aðeins væri verið að upplýsa stjórnina um lánveitingarnar.

Með þessari framsetningu sagði verjandinn að saksóknari væri að fara alveg nýjar leiðir í umboðssvikamálum. Hingað til hefði í öllum umboðssvikamálum verið miðað við ákvörðun um lánveitingu, en í þessu tilfelli væri verið að ákæra lántaka. Hins vegar hefði Hreiðar ekki verið í aðstöðu til að skuldbinda bankann þegar um lán til sín væri að ræða og þá væri ljóst að hann hefði hvorki undirbúið lánið sem hann fékk né undirritað það.

Saksóknari hefur haldið því fram að Hreiðar hafi hins vegar í raun velt atburðarás af stað þegar hann tilkynnti að hann myndi nýta kauprétt sinn og hafði samband við miðlara til að klára viðskiptin. Með því væri sú staða komin upp að bankinn þyrfti að lána honum fjármunina og gat hann verið viss í ljósi stöðu sinnar hjá bankanum að ekki yrði gerð athugasemd við það.

Frá dómsal í héraðsdómi.
Frá dómsal í héraðsdómi. mbl.is/Hari

Saksóknari sagði í málflutningi sínum að Hreiðar hefði auðgast um 320 milljónir vegna viðskiptanna, þótt fjármunirnir hafi farið til greiðslu skattaskuldbindinga vegna hlutabréfakaupanna. Verjandinn segir þó af og frá að tala um að Hreiðar hafi auðgast. Ekkert hafi runnið í hans vasa.

Þá hafði saksóknari sagt Hreiðar hafa gerst sekan um innherjasvik með að nýta sér upplýsingar um að gengi bankans væri hærra en skráð gengi þegar hann átti í viðskiptum með umrædd bréf. Vísaði saksóknari til þess að Hreiðar hafi vitað af umfangsmikilli markaðsmisnotkun í bankanum til að halda gengi bréfanna uppi, en Hreiðar var einn þeirra sem dæmdir voru í markaðsmisnotkunarmáli bankans.

Verjandinn sagði hins vegar að um væri að ræða framsal bréfanna frá Hreiðari til einkahlutafélags í hans eigu og því hefðu sömu upplýsingar verið til staðar beggja vegna borðsins í þessum viðskiptum þar sem bréf fóru frá Hreiðari sjálfum til félagsins Hreiðar Már Sigurðsson ehf., sem Hreiðar var eini eigandi og stjórnandi í.

„Þetta er eina mál sinnar tegundar“

„Þetta er fordæmalaus tilraunastarfsemi,“ sagði hann um lögskýringar og málatilburð ákæruvaldsins og sagði ekki hægt að horfa á það sem innherjaupplýsingar þegar markaðurinn og eftirlitsstofnanir hafi vitað hvernig deild eigin viðskipta átti í viðskiptum með bréf bankans, jafnvel þótt Hæstiréttur hafi dæmt viðskiptavaktina ólögmæta.

Þá sagði hann málið einstakt, sérstaklega í ljósi þess að unnið væri að innleiðingu á nýrri reglugerð á fjármálamarkaði um að Íslandi bæri að taka upp evrópskar reglur. Sagði hann að í þeim reglum væri meðal annars tekið fram sem dæmi um lögmæt viðskipti að færa bréf yfir í einkahlutafélag í eigu sama aðila. Því væri mjög líklegt að Hreiðar væri sá eini í sögunni sem yrði ákærður fyrir að samþykkja að taka lán til hlutabréfakaupa samkvæmt starfskjarastefnu. Og þá væri ljóst að hann yrði ekki ákærður undir þeim reglum fyrir að „svíkja sjálfan sig í verðbréfaviðskiptum,“ eins og verjandinn orðaði það. „Þetta er eina mál sinnar tegundar.“

Verjandinn fór fram á sýknu Hreiðars og að allur málskostnaður yrði greiddur úr ríkissjóði. Hafnaði hann kröfu saksóknara sem hafði farið fram á að Hreiðari yrði gerð 12-15 mánaða refsing til viðbótar við fyrri refsingu sem hann hefur hlotið.  

mbl.is

Innlent »

Markaðurinn er yfirfullur af plasti

19:45 Heimsmarkaðurinn er yfirfullur af plasti og um þessar mundir er lítil eftirspurn eftir plasti til endurvinnslu. Því er stærstur hluti plasts sem safnað er hér á landi sendur erlendis til orkuendurvinnslu, en Sorpa er eina íslenska fyrirtækið sem tekur við plasti öðru en umbúðaplasti til endurvinnslu. Meira »

Þrír unnu 92 milljónir króna

19:25 Fyrsti vinningur í Eurojackpot-lottóinu, upp á tæpa 7 milljarða króna, gekk ekki út í kvöld en þrír heppnir lottóspilarar eru hins vegar rúmum 92 milljónum króna ríkari eftir að hafa unnið annan vinninginn. Meira »

Fer eigin leiðir í veikindunum

18:41 „Ég fann ekki neitt. Ég var í ofsalega fínum gír,“ sagði Atli Eðvaldsson, fyrrverandi landsliðsmaður og atvinnumaður í knattspyrnu, í viðtali á sjónvarpsstöðunni Hringbraut þar sem hann ræðir veikindi sín en hann greindist með krabbamein í blöðruhálskirtli. Meira »

„Loftslagsváin er þögul ógn“

16:23 Níunda loftslagsverkfallið var haldið á Austurvelli í dag. Hingað til hafa verkföllin verið mjög kraftmikil en í dag var ákveðið að verkfallið yrði þögult og sitjandi vegna föstudagsins langa. Elsa María Guðlaugs Drífudóttir, formaður Landssamtaka íslenskra stúdenta, segir að það hafi verið viðeigandi. Meira »

Brýrnar helsti veikleikinn

15:01 Brýrnar eru helsti veikleiki vegakerfisins á Suðurlandi, það blasir við. Þetta segir Ólafur Guðmundsson umferðaröryggissérfræðingur. Ólafur mun sjá um úttekt á umferðaröryggi á Suðurlandi. Meira »

Forsetinn á meðal píslarvotta

13:19 Píslarganga umhverfis Mývatn er haldin í 25. skipti í dag, föstudaginn langa. Gangan er með nokkuð óhefðbundnu sniði en píslarvottarnir fara yfir með mismunandi hætti, ýmist á tveimur jafnfljótum, á hjólum eða á hjólaskíðum. Meira »

Þyrlan sótti slasaðan mótorhjólamann

12:56 Þyrla Landhelgisgæslunnar flutti slasaðan mann á Landspítala í nótt, en maðurinn hafði slasast á fæti á ferð sinni um Víðidalstunguheiði á mótorhjóli, eða svokölluðum krossara. Meira »

Ný lyfta skref í átt að bættum eldvörnum

12:18 Ný lyfta er í uppsiglingu í Hallgrímskirkjuturni. Henni verður komið fyrir í sömu lyftugöngum og hin gamla var í en sú var orðin 50 ára gömul. Framkvæmdunum fylgja bættar brunavarnir á alla kanta, að sögn framkvæmdastjóra kirkjunnar. Meðan á þeim stendur verður kirkjuturninn lokaður gestum. Meira »

Skíðafærið á föstudaginn langa

10:07 Það viðrar ágætlega til skíðaiðkunar í dag, föstudaginn langa, fyrir norðan, austan og vestan. Höfuðborgarbúar verða hins vegar að sætta sig við að búið er að að loka Bláfjöll­um og Skála­felli end­an­lega þenn­an vet­ur­inn. Meira »

Allt að 16 stiga hiti á Norðausturlandi

08:35 Föstudagurinn langi verður vætusamur á Suður- og Vesturlandi en útlitið er heldur betra á Norðaustur- og Austurlandi þar sem verður léttskýjað og allt að 16 stiga hiti. Meira »

Fjórum bjargað úr eldsvoða

08:14 Lögreglumenn á Ísafirði björguðu fjórum út úr húsi um klukkan þrjú í nótt eftir að eldur kom upp á sólpalli hússins. Lögreglumennirnir voru í eftirlitsferð þegar þeir sáu reyk stíga upp af húsinu, sem er viðarhús. Meira »

Átta manns í andlegu ójafnvægi

07:13 Lögreglan á höfuðborgarsvæðinu sinnti í nótt og gærkvöldi átta útköllum vegna fólks í andlegu ójafnvægi, víðs vegar í borginni og nágrenni hennar. Í dagbók lögreglu kemur fram að í öllum tilfellum fóru lögreglumenn á vettvang og reyndu eftir fremstu getu að aðstoða einstaklingana. Meira »

„Bullandi menning í hverjum firði“

Í gær, 22:15 „Það er frábær stemning í bænum og spennan er í hámarki. Ég er búinn að vera hérna síðustu tvær vikurnar og það er búið að vera stemning í bænum allan þennan tíma,“ segir rokkstjóri hátíðarinnar Aldrei fór ég suður, Kristján Freyr Halldórsson, í samtali við mbl.is. Meira »

Íris í auglýsingu Bernie Sanders

Í gær, 21:52 Ferðalag um Gvatemala leiddi til þess að Íris Gunnarsdóttir kemur fyrir í auglýsingu Bernie Sanders, frambjóðanda í forvali Demókrataflokksins. „Þetta er bara svolítið súrrealískt,“ segir hún um hvernig það er að bregða fyrir í auglýsingunni sem snýr að upplifun kvenna af opinberu heilbrigðiskerfi. Meira »

Búllan skýtur rótum í Noregi

Í gær, 21:00 Hamborgarabúllan við Torggötu er steinsnar frá Dómkirkjunni í Ósló. Innan um plaköt af poppgoðum má þar finna ýmislegt sem minnir á Ísland. „Grundvallaratriði er að gera borgarana eins og Tommi hefur kennt okkur. Við höfum sett sálina aftur í reksturinn,“ segir veitingamaðurinn Christopher Todd. Meira »

Gylfi ekki ákærður fyrir hatursorðræðu

í gær Lögreglustjórinn á Suðurlandi hefur fellt niður mál á hendur tónlistarmanninum Gylfa Ægissyni. Samtökin 78 kærðu Gylfa og nokkra aðra fyrir hatursorðræðu árið 2015. Greint var frá þessu í kvöldfréttum RÚV sem segir fram koma í bréfi lögreglustjóra að málið þyki ekki líklegt til sakfellingar. Meira »

Uppselt varð á Tvíhöfða á 65 mínútum

í gær Á 65 mínútum varð uppselt á sýningu Tvíhöfða sem fer fram í kvöld í Ísafjarðarbíói, segir Kristján Freyr Halldórsson, rokkstjóri hátíðarinnar Aldrei fór ég suður, í samtali við mbl.is. „Það verður bara ein sýning, því miður, því síminn stoppar ekki,“ segir hann. Meira »

Þekkingarleysi á skyldum lögreglu

í gær Staðir þar sem fíklar geta nálgast hreinar sprautunálar og aðra þjónustu eru ekki undir sérstöku eftirliti lögreglu, en eru þó „enginn griðastaður“ hvað eftirlit laga og reglna varðar. Nýtt frumvarp heilbrigðisráðherra um neyslurými, sem er til umsagnar hjá Alþingi fékk harða umsögn lögreglu. Meira »

Blaðamenn búa víða við ótta

í gær Ísland er í fjórtánda sæti á lista yfir fjölmiðlafrelsi í ríkjum heim, samkvæmt nýjum matskvarða Blaðamanna án landamæra, The World Press Freedom Index. Ísland fer niður um eitt sæti á milli ára. Meira »
INTENSIVE ICELANDIC, ENGLISH, NORWEGIAN, DANISH & SWEDISH f. foreigners - ÍSLENSKA f.útl - ENSKA - NORSKA, DANSKA, SÆNSKA
ÍSLENSKA, ENSKA, NORSKA, DANSKA, SÆNSKA I, II, III, IV, V, VI: Starting dates...
Giftingar- og trúlofunarhringar frá ERNU
Mikið úrval. Á mynd er silfurpar með alexandrite-steini sem gefur mikið litaflóð...
Dyrasímar - Raflagnir
Dyrasímaþjónusta, geri við eldri kerfi og set upp ný, fljót og góð þjónusta Sí...
Greinakurlarar
Eigum til 15 hp greinakurlara með bensínmótor fyrir allt að 100mm greinar. Öflu...