Búið er að yfirheyra annan þeirra sem sem grunaður er um innbrot í verslunina Adam og Evu í september. Hann hefur hins vegar ekki enn játað aðild að málinu að sögn Jóhanns Karls Þórissonar, aðstoðaryfirlögregluþjóns hjá Lögreglunni á höfuðborgarsvæðinu.
Greint var frá því í síðustu viku að búið væri að bera kennsl á annan innbrotsþjófinn og að lögregla hefði lýst eftir honum. Sá er nú fundinn
„Hann er ekki búinn að játa, en það er búið að yfirheyra hann,“ segir Jóhann Karl.
Ekki hefur verið lýst eftir öðrum einstaklingi í tengslum við málið, en á myndskeiði úr öryggiskerfi verslunarinnar sást glöggt að um tvo þjófa var að ræða.
Brotist var inn í hjálpartækjaverslunina Adam og Evu við Kleppsveg aðfaranótt föstudagsins 21. september. Innbrotsþjófarnir tveir óku bifreið á inngang verslunarinnar og komust þannig inn og stálu kynlífsdúkkunni Kittý, sem kostar um 350.000 krónur.