Orri Páll vildi stöðva umfjöllun Stundarinnar

Orri Páll Dýrason hætti í hljómsveitinni Sigur Rós fyrir skömmu.
Orri Páll Dýrason hætti í hljómsveitinni Sigur Rós fyrir skömmu. Ljósmynd/mbl.is

Lögmaður fráfarandi trommara Sigur Rósar, Orra Páls Dýrasonar krafðist þess að Stundin stöðvi umfjöllun sína og viðtal við Meagan Boyd, bandaríska listakonu sem hefur sakað hann um að hafa nauðgað sér árið 2013. Ritstjórar Stundarinnar höfnuðu kröfunni og viðtalið við Boyd birtist í Stundinni í dag. Einnig segjast þau ítrekað hafa reynt að ná tali af Orra Páli til að fá hans hlið á málinu. 

Komin með „nóg af nauðgunarmenningu“

Í viðtal við Stundina í dag lýsir Boyd kynnum sínum af Orra Páli og atburðarrás hinnar meintu nauðgunar. Hún segir jafnframt að henni hafist borist hótanir og haturspóstur í kjölfar þessara ásakana. 

„Mig langar ekkert að vera manneskjan sem er á Wikipedia-síðunni hans, eingöngu þekkt fyrir að segja frá því sem ég upplifði, setja fram ásakanir sem er aldrei hægt að sanna. Ég fékk bara nóg af því að halda þessu inni. Ég er bara komin með nóg af nauðgunarmenningu og ég veit að þetta er úti um allt í tónlistarsenunni. Og enginn þorir að stíga fram út af mótlætinu sem fylgir," segir Boyd í viðtalinu. 

Orri Páll hætti í hljómsveitinni Sigur Rós þegar Boyd birti umræddar ásakanir á Instagram síðu sinni en hafnar ásökununum. „Fram skal tekið að ég mun gera allt sem í mínu valdi stend­ur til að losa mig úr þess­ari mar­tröð en af virðingu við raun­veru­lega þolend­ur of­beld­is mun ég þó ekki taka þann slag op­in­ber­lega," skrifaði hann í opinberri Facebook færslu. 

Stundin greindi frá því í frétt að þeim hafi borist bréf frá lögmanni Orra Páls í gær. 

„Í bréfi lögmannsins er farið fram á að Stundin birti ekki frekari umfjallanir um frásögn Meagan Boyd, þar sem hún greinir frá því að  Orri Páll hefði beitt hana kynferðisofbeldi. Stundin hafði ítrekað leitað til Orra Páls og umboðsskrifstofu hans vegna fréttar sem birtist í prentútgáfu Stundarinnar á morgun, en ekki fengið svör fyrr en bréf lögmannsins barst," segir í frétt Stundarinnar. 

Ingibjörg Dögg Kjartansdóttir og Jón Trausti Reynisson ritstjórar Stundarinnar.
Ingibjörg Dögg Kjartansdóttir og Jón Trausti Reynisson ritstjórar Stundarinnar. Ljósmyndari/Heiða Helgadóttir

Óréttlætanlegt að stöðva umfjöllun

Ritstjórar Stundarinnar, þau Ingibjörg Dögg Kjartansdóttir og Jón Trausti Reynisson svöruðu bréfinu skriflega á vefsíðu Stundarinnar í gær og sögðu meðal annars: 

„Krafa Orra Páls um að umfjöllunin verði stöðvuð stangast á við tjáningarfrelsi konunnar, rétt almennings til upplýsinga um það sem er í samfélagsumræðunni og svo tjáningarfrelsi fjölmiðla. Að stöðva umfjöllun núna, í þeim tilgangi að koma í veg fyrir að vitni greini frá og að konan færi fram frásögn af umræddum atvikum, er óréttlætanlegt. Stundin mun verjast fyrir dómstólum ef þess krefst.“

Í samtali við mbl.is í dag segir Ingibjörg Dögg að Orra Páli hafi verið gefið færi á að koma sjónarmiðum sínum á framfæri en að hann hafi í staðinn kosið að senda lögfræðibréf þar sem krafist  var að umfjöllun Stundarinnar var stöðvuð. „Okkur þykir miður að Orri hafi valið að fara þessa leið, því þarna er verið að reyna að þagga niður umfjöllun um mál sem er nú þegar í opinberri umræðu,“ segir Ingibjörg. 

„Þegar farið er að skoða hvaða heimildir liggja þar að baki, gefa málsaðilum rými til að ræða sína reynslu og ræða við vitni, þá er reynt að þagga niður í umfjöllun sem hefur nú þegar verið til umfjöllunar í helstu miðlum landsins og víða erlendis. Það horfir undarlega við okkur hvað sumum virðist þykja sjálfsagt að þagga niður umfjöllun fjölmiðla. Þannig höfum við oftar en einu sinni verið dregin fyrir dóm til þess að svara fyrir mál sem hafa verið til umfjöllunar flestum miðlum landsins. Við höfum unnið þau mál en það kostar tíma og orku að verjast tilhæfulausum meiðyrðamálum í dómsmál, sem við hefðum ella geta nýtt í að byggja upp ritstjórnina. Við höfum fullan skilning á því að þetta mál sé sárt fyrir alla hlutaðeigandi, en í umfjöllun um málið felst ekki dómur. Hún er bara liður í stærri umræðu sem er í hámæli um þessar mundir og á sér stað um allan heim, ekki síst í ljósi nýliðinna atburða í Bandaríkjunum þar sem #metoo-byltingin hefur verið leidd áfram.“  

mbl.is

Innlent »

Ákærðir fyrir 15 milljóna skattabrot

10:05 Embætti héraðssaksóknara hefur ákært tvo karlmenn fyrir meiri háttar brot gegn skattalögum með því að hafa á árunum 2015 og 2016 ekki staðið skil á staðgreiðslu einkahlutafélags sem þeir stýrðu, en heildarupphæðin nemur um 15,5 milljónum króna. Meira »

Tvisvar ákært fyrir að hrækja á lögreglu

09:59 Í síðustu viku voru þrjú mál þingfest þar sem ákært er fyrir brot gegn valdstjórninni, það er fyrir brot gegn lögreglumönnum við störf sín. Í tveimur þessara mála er ákærði sakaður um að hafa hrækt að lögreglumönnum. Meira »

Ákærður fyrir kynferðisbrot gegn stúlku

09:48 Embætti héraðssaksóknara hefur ákært karlmann fyrir kynferðis- og barnaverndarlagabrot gagnvart stúlku sem nú er 17 ára, en meint brot áttu sér stað þegar stúlkan á aldrinum 13 til 15 ára gömul. Meira »

Eyða nær fimmfalt meira í Reykjavík en á Hvammstanga

08:18 Töluverður munur er á útgjöldum ferðamanna eftir því hvaða staði á landinu þeir heimsækja.  Meira »

Stór skjálfti í Bárðarbungu

08:00 Jarðskjálfti sem mældist 3,6 stig varð núna rétt fyrir klukkan sjö í morgun í Bárðarbunguöskjunni.  Meira »

Sala á gulum vestum hefur tekið kipp

07:37 Sala á gulum vestum í verslun Húsasmiðjunnar í Kjalarvogi hefur tekið kipp, segir Finnur Guðmundsson, framkvæmdastjóri fagsölusviðs Húsasmiðjunnar. Meira »

Fer langleiðina í 50 metra á sekúndu

06:56 Spáð er miklu hvassviðri í dag og undir kvöld verður kominn austanstormur eða -rok allra syðst á landinu og gætu hviður farið langleiðina upp undir 50 m/s á þeim slóðum. Annars staðar verður þetta meira 15-23 og hviður að 35-40 m/s samkvæmt upplýsingum frá Veðurstofu Íslands. Meira »

Nýtt netaverkstæði rís í Neskaupstað

06:00 Framkvæmdir standa yfir við nýtt netaverkstæði Fjarðanets í Neskaupstað. Er áætlað að það verði tilbúið í mars á næsta ári. Nýja verkstæðið verður mun stærra en það gamla og mun tilkoma þess leiða til algjörrar byltingar í starfsemi og þjónustumöguleikum Fjarðanets á Austurlandi. Þetta segir Jón Einar Marteinsson, framkvæmdastjóri Fjarðanets. Meira »

Vara við grunsamlegum mannaferðum

05:59 Lögreglan á Norðurlandi eystra varar fólk við grunsamlegum mannaferðum í þéttbýli sem dreifbýli en tilkynnt var um tvö innbrot á Akureyri um helgina og nokkuð um tilkynningar vegna grunsamlegra mannaferða við sveitarbæ í umdæminu. Meira »

Ferðaþjónusta í nýtt útboð

05:30 Á fundi bæjarráðs Kópavogs í síðustu viku var lagt fram erindi frá sviðsstjóra velferðarsviðs þar sem óskað var eftir heimild bæjarráðs til að mega leysa Efstahól ehf. undan samningi um ferðaþjónustu fatlaðra ásamt erindi Efstahóls vegna málsins. Meira »

Styðja við fjölmiðla

05:30 Samning frumvarps um rekstrarumhverfi einkarekinna fjölmiðla er langt komin og er stefnt að því að kynna frumvarpsdrögin í Samráðsgáttinni í janúar, að sögn Lilju Daggar Alfreðsdóttur, mennta- og menningarmálaráðherra. Meira »

Ríkið mun ekki bæta miklu við

05:30 „Á næstu árum mun fólki á eftirlaunum fjölga meira en fólki á vinnumarkaði. Kostnaður ríkissjóðs vegna aldurstengdra sjúkdóma og þjónustu við aldraða mun að öllum líkindum aukast. Þeir sem hætta að vinna geta því ekki búist við að hið opinbera bæti miklu við eftirlaunin.“ Meira »

Alþingi setur áfram lögin

05:30 „Af minni hálfu stendur ekki til að styðja mál sem felur í sér framsal, hvorki á auðlindum né á meiri háttar ákvarðanatöku um lagaumgjörð fyrir okkur. Hins vegar er því haldið fram að málið mögulega standist ekki stjórnarskrá. Þetta eru atriði sem við viljum fara vandlega yfir. Meira »

Bára í skýrslutöku í héraðsdómi

05:30 Bára Halldórsdóttir, sem sagst hefur standa á bak við upptöku af ósæmilegu framferði þingmanna á barnum Klaustri, hefur verið boðuð til þinghalds í Héraðsdómi Reykjavíkur í dag klukkan korter yfir þrjú. Meira »

Sjá Heklugos með lengri fyrirvara

05:30 Fjölgun nákvæmra mælitækja við Heklu á að gera jarðvísindamönnum kleift að sjá óróleika í eldstöðinni fyrir með lengri fyrirvara en áður hefur verið mögulegt. Meira »

Viðbrögðin jafn vitlaus og ummælin

Í gær, 22:18 Helgi Magnús Gunnarsson vararíkissaksóknari segir lítinn hóp vinstri manna virðast telja sig dómara um hvað sé siðferðilega rétt og virðist þar taka undir með pistli sem Sigmundur Davíð Gunnlaugsson, formaður Miðflokksins, birtir á vef sínum í dag. Meira »

„Allt að því vitlaust veður“ á morgun

Í gær, 21:52 „Það hvessir jafnt og þétt eftir því sem líður á morgundaginn. Eftir kl. 17–18 þá verður þetta orðið helvíti slæmt undir Eyjafjöllunum og allra syðst á landinu en þetta gengur nokkuð hratt yfir þannig að um tíu annað kvöld er strax farið að draga stórlega úr þessu allra syðst,“ segir veðurfræðingur. Meira »

Snjóleysi hefur áhrif á sölu jólatrjáa

Í gær, 20:30 Sala á jólatrjám gengur nokkuð vel þrátt fyrir að landsmenn séu margir hverjir ekki enn komnir í jólaskap sökum snjóleysis og almennra leiðinda þegar kemur að veðri. Normannsþinur og íslensk fura í stærðinni 1,5 – 2 metrar eru vinsælustu tegundirnar. Forseti Íslands keypti sér danskt jólatré. Meira »

Gefa geitur, skólastofur og smokka

Í gær, 19:45 Um árabil hefur verið hægt að styrkja góð málefni um hátíðirnar með gjafabréfum. Sífellt bætist í flóruna og verkefnin sem hægt er að styrkja eru mörg. Salan er mikilvæg fjáröflun fyrir samtök og stofnanir á borð við Hjálparstarf kirkjunnar, UNICEF á Íslandi og UNWomen. Meira »
ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...
fágætar bækur til sölu
til lsölu nokkrar fágætar bækur Sneglu-Halli eftir Símon Dalaskáld Guðmundar...
Kommóða
Til sölu 3ja skúffu kommoða,ljós viðarlit.. Mjög vel útlítandi..Verð kr 2000..S...
Bátavélar 58 hp með gír
Eigum á á lager , góðar vélar 58 hp (43,3 kw) með gír og mælaborði og tilheyrand...