„Lögfræðilegt stórslys“

Kristján Þór Júlíusson sjávarútvegsráðherra eftir að hann kynnti frumvarpið fyrir ...
Kristján Þór Júlíusson sjávarútvegsráðherra eftir að hann kynnti frumvarpið fyrir ríkisstjórn á mánudag. Það var samþykkt án mótatkvæða þá um kvöldið. mbl.is/​Hari

Jón Þór Ólason, formaður Stangveiðifélags Reykjavíkur og lektor við lagadeild Háskóla Íslands, sagði atburði liðinnar viku lögfræðilega séð vera stórslys í viðtalsþættinum Þingvellir á K100 í morgun. Jón var gestur þáttarins ásamt Sif Konráðsdóttur, lögmanni og fyrrverandi aðstoðarmanni umhverfisráðherra, og þau ræddu um fiskeldismálin við Björt Ólafsdóttur, þáttastjórnanda og fyrrverandi umhverfisráðherra.

Farið var um víðan völl og voru umhverfisverndarsjónarmið Jóni Þór og Sif ofarlega í huga. Þá var þeim einnig tíðrætt um alþjóðlegar skuldbindingar íslenska ríkisins og nefndu í því samhengi þriðju stoð Árósarsamningsins, sem á að tryggja almenningi aðgang að réttlátri málsmeðferð í umhverfismálum, en eins og víða hefur komið fram var frumvarp Kristjáns Þórs Júlíussonar sjávarútvegsráðherra um breytingu á lögum um fiskeldi afgreitt með sérstaklega hröðum hætti á tólfta tímanum á mánudagskvöld.

Gagnrýndu stjórnsýsluna

Jón Þór og Sif gagnrýndu bæði alla málsmeðferð og sagði Sif m.a.: „Það sem vekur ugg hjá mér er það að ekki bara þingmennirnir, ekki bara ráðherrarnir, heldur líka sérfræðingarnir og stofnanirnar, grafa undan [úrskurðarnefnd umhverfis- og auðlindamála]. Grafa undan hennar sjálfstæði, og því að hún sé óháður aðili. Ef þú myndir setja dómstól í stað nefndarinnar, sæir þú íslenskt samfélag tala svona um dóma héraðsdómstóla eða Landsréttar? Nei. Alvarlegast þykir mér að horfa á hvernig stjórnsýslustofnanirnar, skipulagsstofnun og umhverfisstofnun, grafa líka undan þessari nefnd [með því að segja] þú hefur ekki rétt fyrir þér.“

Jón Þór Ólason, formaður SVFR, var í viðtali á K100 ...
Jón Þór Ólason, formaður SVFR, var í viðtali á K100 í morgun.

Jón Þór tók við boltanum af Sif og sagði: „Lögfræðilega séð þá er þetta stórslys.“ Hann sagðist einnig telja ástæðuna fyrir því að málið var afgreitt með svo ógnarhröðum hætti að ekki hefði verið unnt að réttlæta þessa lagabreytingu ef almenningur og umhverfisverndarsamtök hefðu haft tækifæri til að segja sitt um málið. 

Náttúran á ekki séns á Alþingi 

Sif Konráðsdóttir, gagnrýndi stjórnsýsluna, í Þingvöllum í morgun.
Sif Konráðsdóttir, gagnrýndi stjórnsýsluna, í Þingvöllum í morgun.

Sif gagnrýndi einnig Umhverfisstofnun harðlega og sagði á einum tímapunkti að Umhverfisstofnun yrði að skilja að henni bæri ekki skylda til að gefa út leyfi.

Þá ræddu Jón Þór og Sif einnig muninn á umhverfi fyrir laxeldisfyrirtæki hérlendis og í Noregi og bentu á að gjöld væru mun hærri í Noregi, og eftirlit miklum mun meira.  

Jón Þór gagnrýndi að síðustu Vinstri græna sérstaklega, sem hann sagði að hefðu barist fyrir því að Árósarsamningurinn yrði fullgiltur, og benti á að flokksmenn VG hefðu ekki reynt að minnsta kosti að tryggja fleiri daga við meðferð málsins. „Náttúran á ekki séns á Alþingi,“ sagði Jón Þór.

Björt bauð þingmönnum frá Vinstri grænum að koma í þáttinn en þeir komust ekki.

mbl.is

Innlent »

Ferðaþjónusta í nýtt útboð

05:30 Á fundi bæjarráðs Kópavogs í síðustu viku var lagt fram erindi frá sviðsstjóra velferðarsviðs þar sem óskað var eftir heimild bæjarráðs til að mega leysa Efstahól ehf. undan samningi um ferðaþjónustu fatlaðra ásamt erindi Efstahóls vegna málsins. Meira »

Styðja við fjölmiðla

05:30 Samning frumvarps um rekstrarumhverfi einkarekinna fjölmiðla er langt komin og er stefnt að því að kynna frumvarpsdrögin í Samráðsgáttinni í janúar, að sögn Lilju Daggar Alfreðsdóttur, mennta- og menningarmálaráðherra. Meira »

Ríkið mun ekki bæta miklu við

05:30 „Á næstu árum mun fólki á eftirlaunum fjölga meira en fólki á vinnumarkaði. Kostnaður ríkissjóðs vegna aldurstengdra sjúkdóma og þjónustu við aldraða mun að öllum líkindum aukast. Þeir sem hætta að vinna geta því ekki búist við að hið opinbera bæti miklu við eftirlaunin.“ Meira »

Viðbrögðin jafn vitlaus og ummælin

Í gær, 22:18 Helgi Magnús Gunnarsson vararíkissaksóknari segir lítinn hóp vinstri manna virðast telja sig dómara um hvað sé siðferðilega rétt og virðist þar taka undir með pistli sem Sigmundur Davíð Gunnlaugsson, formaður Miðflokksins, birtir á vef sínum í dag. Meira »

„Allt að því vitlaust veður“ á morgun

Í gær, 21:52 „Það hvessir jafnt og þétt eftir því sem líður á morgundaginn. Eftir kl. 17–18 þá verður þetta orðið helvíti slæmt undir Eyjafjöllunum og allra syðst á landinu en þetta gengur nokkuð hratt yfir þannig að um tíu annað kvöld er strax farið að draga stórlega úr þessu allra syðst,“ segir veðurfræðingur. Meira »

Snjóleysi hefur áhrif á sölu jólatrjáa

Í gær, 20:30 Sala á jólatrjám gengur nokkuð vel þrátt fyrir að landsmenn séu margir hverjir ekki enn komnir í jólaskap sökum snjóleysis og almennra leiðinda þegar kemur að veðri. Normannsþinur og íslensk fura í stærðinni 1,5 – 2 metrar eru vinsælustu tegundirnar. Forseti Íslands keypti sér danskt jólatré. Meira »

Gefa geitur, skólastofur og smokka

Í gær, 19:45 Um árabil hefur verið hægt að styrkja góð málefni um hátíðarnar með gjafabréfum. Sífellt bætist í flóruna og verkefnin sem hægt er að styrkja eru mörg. Salan er mikilvæg fjáröflun fyrir samtök og stofnanir á borð við Hjálparstarf kirkjunnar, UNICEF á Íslandi og UNWomen. Meira »

Hálkan lúmsk á Norðurlandi

Í gær, 18:50 „Þetta er ekki að fólk sé illa búið eða glæfraakstur sem veldur. Þetta er aðallega hversu lúmsk hálkan er,“ segir Hilmar Hilmarsson, lögreglumaður á Norðurlandi vestra, í samtali við mbl.is. Fimm umferðaróhöpp hafa átt sér stað í umdæminu um helgina og er aðallega um bílveltur að ræða. Engin alvarleg slys hafa orðið á fólki. Meira »

Eiga rétt á að velja hvar þeir búa

Í gær, 18:30 Það er klárt brot á samningi Sameinuðu þjóðanna um réttindi fatlaðs fólks að þvinga einstakling til búsetu einhvers staðar, segir framkvæmdastjóri Geðhjálpar. RÚV greindi í gær frá karlmanni með alvarlegan geðsjúkdóm sem var komið fyrir á sveitabæ á Austurlandi því ekki voru önnur úrræði í boði. Meira »

„Milljón væri stórsigur“

Í gær, 18:00 Söfnun sjö slökkviliðs- og sjúkraflutningamanna fyrir Frú Ragnheiði sem fer fram með vikulöngum róðri í verslun Under Armour í Kringlunni gengur gríðarlega vel og upphaflega markmiðinu hefur þegar verið náð. Talið er að milli ríflega sex hundrað þúsund krónur hafi safnast nú þegar og mórallinn er góður. Meira »

„Það er tundurdufl – skipið er að sökkva!“

Í gær, 17:02 Þrír hildarleikir á þremur árum eru umfjöllunarefni nýjustu bókar Óttars Sveinssonar. Með góðfúslegu leyfi Óttars er hér stuttlega gripið niður í einn þeirra atburða sem greint er frá. Meira »

Ekki áður í svo stórum verkefnum

Í gær, 16:02 Reykjavíkurborg og íslenska ríkið eru formlega búin að sækja um að fá að halda 33. verðlaunahátíð evrópsku kvikmyndaverðlaunanna árið 2020. Þetta staðfestir Dagur B. Eggertsson, borgarstjóri Reykjavíkur, í samtali við mbl.is. Meira »

VG og Samfylkingin sitja á bar

Í gær, 15:50 Sigmundur Davíð Gunnlaugsson, formaður Miðflokksins, birti í dag pistil á vefsíðu sinni þar sem velt er upp hver viðbrögð af Klausturmálinu hefðu verið ef annar flokkur en Miðflokkurinn ætti í hlut. Segist hann hafa fengið að birta pistilinn og kveðst vona að einhverjum þyki þetta jafn áhugavert og sér. Meira »

Veggjöld samþykkt eftir áramót

Í gær, 14:01 Jón Gunnarsson, þingmaður Sjálfstæðisflokksins og fyrrverandi samgönguráðherra, segir að samgönguáætlun verði afgreidd snemma á nýju ári. Full samstaða er meðal ríkisstjórnarflokkanna um afgreiðslu samgönguáætlunar en samkomulag var gert milli ríkisstjórnarinnar og stjórnarandstöðunnar um að samgönguáætlun verði í forgangi þegar þing kemur saman að nýju eftir jólafrí. Meira »

„Þarna er mikilvægum áfanga náð“

Í gær, 13:23 Guðmundur Ingi Guðbrandsson umhverfisráðherra segir niðurstöðuna á loftslagsráðstefnu Sameinuðu þjóðanna í Katowice í Póllandi í gær vera mikilvægan áfanga þó að enn standi ákveðin atriði út af sem þurfi að klára á ráðstefnunni að ári. Meira »

Brýnt að allir njóti ávaxta uppsveiflu

Í gær, 12:31 Sjálfstæðisflokkurinn leggur mikið upp úr efnahagslegum umsvifum, hagvexti og drift í atvinnulífinu þannig að leggja megi meira til þeirra sem á aðstoð þurfa að halda. Þetta sagði Bjarni Benediktsson, formaður Sjálfstæðisflokksins, í útvarpsþættinum Þingvöllum. Meira »

Birgitta og Emmsjé Gauti í hátíðarskapi

Í gær, 12:00 Þau voru áberandi á árinu sem er að líða, þau Birgitta Haukdal og Emmsjé Gauti.   Meira »

Skaðabótaskylda vegna falls í stiga

Í gær, 10:45 Veitingastaður hefur verið dæmdur skaðabótaskyldur vegna slyss sem kona varð fyrir í stiga þar árið 2015. Féll konan í stiganum, en í málinu var meðal annars tekist á um hvort öryggi hefði verið nægt í stiganum, en þar voru engin handrið þegar slysið átti sér stað. Meira »

Mátti gera fjárnám vegna skattbrots

Í gær, 09:40 Héraðsdómur Reykjavíkur hafnaði í vikunni beiðni karlmanns um að ógilda fjárnám sem sýslumaðurinn á höfuðborgarsvæðinu hafði gert. Fjárnámið var gert vegna skuldar mannsins við sýslumann í kjölfar dóms sem hann hlaut árið 2013 í skattamáli. Hafði hann verið dæmdur til að greiða 64 milljónir vegna vangoldins virðisaukaskatts. Meira »
Múrverk
Múrverk...
Klettar - Heilsárshús - 65fm + 35fm svefnloft
Splunkunýtt! Klettar - Heilsárshús Klettar er heilsárshús sem flestir ættu að...
Einyrki-Launakerfi.Launaseðlar í Excel
Töflukerfi í MS-Excel fyrir Launaútreikn,Launaseðla, Skilagr RSK og Lífeyrissj. ...
Flísar og Fúga Flísalagnir
Vandaðar flísalagnir. Föst verðtilboð eða tímavinna þér að kostnaðarlausu. Vöndu...