Krefst lögbanns á Tekjur.is

Ingvar Smári Birgisson telur lög brotin með vinnslu upplýsinga á ...
Ingvar Smári Birgisson telur lög brotin með vinnslu upplýsinga á Tekjur.is. Ljósmynd/Aðsend

„Það er mjög skýrt í mínum huga að hér er um brot að ræða, að það sé ómaklega vegið að friðhelgi einkalífs almennings, og að það sé rétt að fá lögbann á þessa vinnslu upplýsinga,“ segir Ingvar Smári Birgisson, lögfræðingur og formaður Sambands ungra sjálfstæðismanna, sem hefur krafist lögbanns á vefinn Tekjur.is

Á vefnum er hægt er að fletta upp tekjum og skattaupplýsingum allra Íslendinga 18 ára og eldri, gegn greiðslu áskriftargjalds, en Viskubrunnur ehf. er rekstaraðili síðunnar. Persónuvernd hefur nú þegar borist níu erindi vegna Tekjur.is, þar af ein formleg kvörtun, og er málið til skoðunar.

„Ég tel að það hvernig vefsíðan Tekjur.is notar fjárhagsupplýsingar landsmanna, sem fengnar eru úr skattskrá ríkisskattstjóra, ekki standast lög. Í gegnum tíðina hefur umfjöllun um skatt- og launagreiðslur landsmanna verið byggð á ákvæði í tekjuskattslögum sem var sett fyrir tíma internetsins,“ segir Ingvar.

Í ákvæðinu segir að opinber birting á upplýsingum um álagða skatta sem koma fram í skattskrá, bæði í heild eða að hluta, sé heimil.

Ingvar segir þetta ákvæði vissulega fela í sér takmörkun á friðhelgi einkalífs og borgaralegum réttindum almennings og beri þess vegna að túlka þröngt. „Ég tel rétt að láta reyna á lögbann í ljósi þess að Persónuvernd hefur áður úrskurðað í sambærilegu máli er varðaði Creditinfo, þar sem þeir reyndu að miðla upplýsingum úr skattskrá ríkisskattstjóra til viðskiptavina sinna gegn greiðslu, líkt og Viskubrunnur gerir, og taldi það ólöglegt.“

Ingvar telur að vinnsla þeirra upplýsinga sem Viskubrunnur býður upp á gegn greiðslu, standist ekki lög um persónuvernd sem hafa styrkst mikið á þessu ári.

„Þetta eru upplýsingar sem standa nærri hjarta fólks“

Að hans mati væri það glapræði að að láta ekki reyna á lögbann, en um er að ræða tímabundna aðgerð til að aflétta ólögmætu ástandi.

„Mér finnst sjálfsagt, í ljósi þess að hér eru upplýsingar um alla skattgreiðendur 18 ára eldri, að láta reyna á það hvort hægt sé að fá lögbann á þessar upplýsingar. Í kjölfarið verður síðan skorið úr því fyrir dómstólum hvort lögmætt sé að vinna upplýsingar með þessum hætti.“

Ingvar bendir á að venjan sé sú að sýslumaður vinni með frekar skjótum hætti í lögbannsmálum og gerir ráð fyrir því að þannig verði því háttað í þessu máli. „Ég tel, í ljósi þeirra hagsmuna sem eru undir, að sýslumaður setji þetta í forgang.“

Hann hefur fengið mikil viðbrögð frá því það spurðist út að hann ætlaði að leggja fram kröfu um lögbann og segir hann símann varla hafa stoppað. „Það er ljóst að mjög stór hluti Íslendinga kann ekki við það að hægt sé að fletta upp upplýsingum um laun þeirra á internetinu. Þetta eru upplýsingar sem standa nærri hjarta fólks og það er eðlilegt að þær séu einkamál. Ef til vill er kominn tíminn á að það sé tekin pólitísk umræða á Íslandi um það hvernig við viljum haga þessum málum til framtíðar.“

Ingvar bendir á að Tekjur.is gangi miklu lengra en áður hefur verið gert, eins og til dæmis með upplýsingum um tekjur í Tekjublaði Frjálsrar verslunar og DV. Þar sé hægt að kaupa aðgang að gagnagrunni og fletta upp hverjum sem er, hvenær sem er.

Yfirlýsing sem Ingvar sendi frá sér vegna málsins: 

„Ég tel að birting fjárhagsupplýsinga allra skattgreiðenda á vefnum tekjur.is feli í sér ómaklega aðför að stjórnarskrárvörðum rétti almennings til friðhelgis einkalífs. Með starfrækslu vefsins er að mínu mati farið út fyrir heimildir þeirra ákvæða sem hafa legið að baki opinberri umfjöllun um laun og skattgreiðslur Íslendinga í gegnum árin. Í ljósi þess tel ég rétt að sýslumaðurinn á höfuðborgarsvæðinu leggi lögbann við vinnslu Viskubrunns ehf. á fjárhagsupplýsingum Íslendinga og að félaginu verði gert að afmá upplýsingarnar af vefsíðu sinni, tekjur.is. Í kjölfarið sé svo hægt að takast á um lögmæti lögbannsins fyrir dómstólum.

 Sterk rök má færa fyrir því að sala á aðgangi að gagnagrunni sem inniheldur upplýsingar um skattgreiðslur allra landsmanna sé lögbrot. Persónuvernd hefur áður fallist á að birting upplýsinga úr skattskrá Ríkisskattstjóra, mjög svipuð þeirri sem á sér stað á tekjur.is, sé ólögmæt. Þá verður að hafa í huga að ákvæði það sem Viskubrunnur ehf. ber fyrir sig, 2. mgr. 98. gr. tekjuskattslaga, var lögfest fyrir tíma internetsins. Um er að ræða ákvæði sem felur í sér takmörkun á borgaralegum réttindum og því sé rétt að skýra það þröngt, þannig að gildissvið ákvæðisins sé takmarkað sem mest. Enn fremur hefur réttarvernd almennings gagnvart notkun á persónuupplýsingum þeirra verið styrkt til muna með tilkomu nýrra laga um Persónuvernd.

Verði ekki fallist á lögbann verður tekið til skoðunar að leita álits dómstóla á því hvort vegi hærra, réttur almennings til friðhelgis einkalífs eða réttur almennings til þess að starfrækja gagnagrunn á internetinu sem inniheldur upplýsingar um laun og skattgreiðslur skattgreiðenda.“

mbl.is

Innlent »

Hreyfum okkur hægar en vandinn eykst

19:56 „Það gengur mjög hægt að útskrifa,“ segir Guðlaug Rakel Guðjónsdóttir, framkvæmdastjóri flæðisviðs Landspítalans. Páll Matthíasson, forstjóri Landspítalans, vakti athygli á því í pistli sínum um helgina að „frá­flæðis­vand­inn“, eða út­skrift­ar­vandi aldraðra, sé nú í áður óþekkt­um hæðum. Meira »

Átta mánuði að svara um Helguvík

19:55 Þórólfur Dagsson, talsmaður andstæðinga við stóriðju í Helguvík, hefur beðið tæplega átta mánuði eftir svari við fyrirspurn til umhverfis- og auðlindaráðuneytisins um hvort gert hafi verið óháð áhættumat um nálægð málmbræðsluofna við olíudreifingar- og geymslustöðvar í Helguvík við íbúabyggð. Meira »

Baka milljón kökur

19:36 Nú þegar komið er fram í síðari hluta nóvembermánaðar dettur inn á degi hverjum eitthvað sem tengist jólunum. Ljósaseríur, klementínur, konfekt og blandan góða af malti og appelsíni eru komin í búðirnar og nú síðast laufabrauðið. Meira »

Samherji undirbýr skaðabótamál

18:45 Samherji er að undirbúa skaðabótamál á hendur Seðlabanka Íslands vegna rannsóknar á meintum brotum fyrirtækisins á reglum um gjaldeyrismál. Meira »

Harry Poter kom, sá og sigraði

18:36 Harry Poter er fyrsti íslenski Norðurlandameistarinn af yorkshire terrier kyni. Hann er líka sá fyrsti til að landa meistaratitli á öllum fimm Norðurlöndunum. Hann er víðförull, fæddist í Lettlandi en var fluttur inn til Íslands eins árs og hefur nú flakkað um öll Norðurlöndin. Meira »

Undir áhrifum fíkniefna í banaslysi

18:21 Karlmaður sem lést í hörðum árekstri tveggja bifreiða á Reykjanesbraut í október fyrir um tveimur árum var ekki í öryggisbelti og var undir áhrifum fíkniefna þegar slysið varð. Meira »

Börnin stjórnuðu þingi í Laugarnesskóla

17:57 Alþjóðadagur barna og afmælisdagur Barnasáttmála Sameinuðu þjóðanna var haldinn hátíðlegur í dag, en yfirskrift átaks UNICEF vegna dagsins í ár er #börnfáorðið. Í tilefni þess var barnaþing haldið í Laugarnesskóla, sem er einn fyrsti Réttindaskóli UNICEF á landinu. Meira »

Ísland í aðalhlutverki í París

17:49 Katrín Jakobsdóttir forsætisráðherra, Bjarni Benediktsson fjármála- og efnahagsráðherra og Guðmundur Ingi Guðbrandsson umhverfis- og auðlindaráðherra sóttu ráðstefnuna Global Positive Forum í París í dag. Meira »

Handtekinn fyrir að reykja á salerni

17:29 Karlmaður sem var farþegi í flugvél WOW air frá Brussel var handtekinn við komuna á Keflavíkurflugvöll í dag.  Meira »

Fiskeldisfyrirtækin fá undanþágu

17:07 Umhverfis- og auðlindaráðherra hefur veitt fyrirtækjunum Arctic Sea Farm hf. og Fjarðalaxi hf. tímabundna undanþágu frá kröfu um starfsleyfi, með skilyrðum. Arctic Sea Farm hf. er þar með veitt heimild til að framleiða 600 tonn árlega og Fjarðalaxi hf. 3.400 tonn árlega af laxi í sjókvíum í Patreksfirði og Tálknafirði. Meira »

Steinsteypa ekki nóg

17:07 Fulltrúar Sjálfstæðisflokks í borgarstjórn telja mikilvægt að staðið verði við að fjölga leikskólarýmum enda stefnt að því að tryggja 12 mánaða börnum rými. Meira »

Sýknaður af nauðgunarákæru

16:48 Héraðsdómur Norðurlands vestra hefur sýknað karlmann af ákæru um að hafa nauðgað konu á síðasta ári.  Meira »

Lítil loftgæði á Akureyri

16:36 Klukku­tíma­gildi svifryks við Strandgötu á Akureyri mælist nú 199 míkró­grömm á rúm­metra. „Þetta gerist gjarnan við þessi skilyrði sem eru núna; þurrar götur, stillt veður og frekar svalt í lofti,“ segir Alfreð Schiöth, framkvæmdastjóri Heilbrigðiseftirlits Norðurlands eystra, við mbl.is Meira »

Hækka frítekjumark veiðigjalda

16:34 Meirihluti atvinnuveganefndar Alþingis leggur til að hækka frítekjumark til þess að koma til móts við smærri og meðalstórar útgerðir, einnig leggur meirihlutinn til að nytjastofnar sem mynda lítið aflaverðmæti verði undanþegnir veiðigjöldum. Meira »

Rifu ræsið burt til að laga holuna

16:07 „Við rifum bara ræsið burt og setjum nýtt,“ segir yf­ir­verk­stjóri Vega­gerðar­inn­ar á Ak­ur­eyri. Mbl.is greindi frá því um helgina að stærðar hola hefði myndaðist í gamla Vaðlaheiðar­veg­in­um og hafði jörðin opnaðist með þeim hætti að hefði bíll keyrt þar ofan í hefði hann geta stór­skemm­st. Meira »

Hafrannsóknastofnun leitar að togara

16:04 Ríkiskaup, fyrir hönd Hafrannsóknastofnunar, hafa óskað eftir tilboðum í leigu á togara til að mæla stofna botnfiska á Íslandsmiðum. Að þessu sinni er óskað eftir einum togara á norðausturhorni landsins, en gert er ráð fyrir að leigan muni standa yfir í þrjár vikur í komandi marsmánuði. Meira »

Rannsókn lokið og vitna leitað

15:48 Rannsókn lögreglu á vettvangi brunans við Hvaleyrarbraut í Hafnarfirði á föstudagskvöld er lokið og hefur hann verið afhentur tryggingarfélagi. Ekkert liggur fyrir um eldsupptök. Meira »

„Ísland á að vera eign þjóðarinnar“

14:57 „Þetta kemur eins og blaut tuska í andlitið á manni,“ segir Jóna A. Imsland um kaup breska kaupsýslumannsins Jim Ratcliffe á jörðum á Norðausturlandi. Jóna stendur fyrir undirskriftasöfnun þar sem skorað er á Alþingi að herða reglur um jarðakaup á Íslandi. Meira »

Í beinni: Er gætt að geðheilbrigði?

13:48 Öryrkjabandalag Íslands heldur í dag málþing þar sem farið er yfir stöðuna á stefnu og aðgerðaáætlun í geðheilbrigðismálum sem nú er á miðju tímabili. Fylgjast má með fundinum í beinni útsendingu. Meira »
STOFUSKÁPUR
TIL SÖLU NÝLEGUR HVÍTLAKKAÐUR STOFUSKÁPUR MEÐ GLERHILLUM. STÆRÐ: B=78, D=41 H=9...
GRUNDIG túbusjónvarp
Grundig TB 800. Til sölu kr. 2500.- Br:80cm.. Hæð:57cm. uppl: 8691204...
Vetrardekk
Til sölu 4stk hálfslitin vetrardekk 205/55 R16.. Verð kr 12000... Sími 8986048....
PL Crystal Line, heitustu úrin í Paris
Pierre Lannier Crystal Line dömuúrin með SWAROVSKI kristals skífu eru kjörin fer...