Lúpínan breiðir úr sér á næstu árum

Búast má við því að með hlýnandi veðurfari og minnkandi sauðfjárbeit muni útbreiðsla alaskalúpínu og gróðurs sem fylgir í kjölfar hennar, svo sem skógarkerfils, margfaldast á næstu áratugum.

Það leiðir til mikilla breytinga á gróðurfari og búsvæðum dýra. Kemur þetta fram í skýrslu Náttúrufræðistofnunar þar sem greint er frá nýjum rannsóknum á lúpínu.

Í skýrslunni, sem um er fjallað í Morgunblaðinu í dag, kemur fram að lúpínan er farin að hörfa á Suðvesturlandi. Hins vegar er framvinda hennar misjöfn eftir aðstæðum á Norðurlandi og ekki komu fram jafn skýr merki um að hún hörfaði þar.