Jón Steindór Valdimarsson, þingmaður Viðreisnar, hefur sent öllum ráðuneytunum níu fyrirspurn þess efnis hvort íslensk lög og reglugerðir á vegum ráðuneytanna og undirstofnana þeirra hafi verið þýdd á önnur tungumál.
Þingmaðurinn spyr hvort ráðuneytin og undirstofnanir þeirra hafi markað stefnu um þýðingar, meðal annars í ljósi þeirrar öru fjölgunar sem hefur orðið á fólki sem býr og starfar á Íslandi en hefur ekki íslensku að móðurmáli.
Í fyrirspurninni er óskað eftir upplýsingum um á hvaða tungumál lög og reglugerðir hafa verið þýdd, hvenær þýðingin var birt og hvenær þýðingin var síðast uppfærð.