Malbikunarhópur greip tækifærið sem gafst með þurra veðrinu í gær og malbikaði þennan vegspotta í Breiðholtinu.
Nú er enda degi tekið að halla umtalsvert og sólin farin að lækka ískyggilega mikið á lofti, segir í Morgunblaðinu í dag.
Það verða því eflaust ekki mörg tækifæri sem gefast í viðbót á því herrans ári 2018 til þess að sinna viðhaldsverkefnum á borð við þetta, og munu ökumenn í Breiðholtinu eflaust njóta góðs af þessu verki og öðrum slíkum fram til næsta vors.