Slökkvistarf er í fullum gangi vegna elds sem kviknaði í einbýlishúsi á Selfossi. Tilkynning um eldinn barst laust fyrir klukkan 16.

Að sögn Odds Árnasonar, yfirlögregluþjóns hjá lögreglunni á Suðurlandi, er um mikinn eld að ræða en hann gat ekki gefið meiri upplýsingar að svo stöddu.

Eldurinn logar í húsi við Kirkjuveg. Á Facebook-síðu Brunavarna Árnessýslu eru vegfarendur beðnir um að halda sig frá vettvangi til að trufla ekki störf viðbragðsaðila.

Uppfært kl. 17.47:

Lögreglan á Suðurlandi biður nágranna um að loka gluggum hjá sér til að fá ekki eitraðar gufur inn í hús.

Fólk er beðið að leita til Heilbrigðisstofnanna ef það finnur fyrir öndunaróþægindum. Það er einnig beðið um að leita til tryggingarfélaga ef það telur húsnæði sitt hafa orðið fyrir reykskemmdum.

Mikill reykur hefur stigið upp vegna eldvoðans. Ljósmynd/Aðsend

Tengdar fréttir

Eldur í einbýlishúsi á Selfossi 31. október

Dómur yfir Vigfúsi staðfestur

• Dómur þyngdur úr fimm í fjórtán ár
• Dómi yfir Vigfúsi áfrýjað til Landsréttar
• Vigfús áfram í varðhaldi
• „Beinn ásetningur“ ekki til staðar

» Fleiri tengdar fréttir

• Blogga um frétt