Heilbrigðiskerfinu loks mótaður grunnur

Svandís Svavarsdóttir heilbrigðisráðherra kynnti í dag drög að stefnu fyrir ...
Svandís Svavarsdóttir heilbrigðisráðherra kynnti í dag drög að stefnu fyrir heilbrigðiskerfið til ársins 2030. mbl.is/Árni Sæberg

Skýr heilbrigðisstefna til lengri tíma, sem sameinar krafta þeirra sem veita heilbrigðisþjónustu og tryggir sjúklingum bestu þjónustu sem völ er á, mun skapa góðan grunn undir íslenska heilbrigðiskerfið, grunn sem hingað til hefur vantað.

Þetta segir Svandís Svavarsdóttir heilbrigðisráðherra sem kynnti í dag drög að stefnu fyrir heilbrigðiskerfið til ársins 2030. „Til þess að geta tekið á einstökum þáttum þurfum við að vera með grunn. Við erum alltaf að lenda í því að við erum ekki með þennan sameiginlega skilning, við erum ekki með grunninn undir íslenska heilbrigðiskerfið, þennan pólitíska og sameiginlega grunn samfélagsins undir það hvað felst í góðri heilbrigðisþjónustu,“ segir Svandís í samtali við mbl.is.

Með stefnunni vill hún líta til framtíðar. „Ég er að reyna að halda mig við það að horfa á stóru hlutina, horfa til lengri framtíðar, af því að það er mjög auðvelt í sæti heilbrigðisráðherra að vera bara að glíma við verkefni dagsins og ná aldrei að fjalla um framtíðina,“ segir Svandís.

Allar raddir fái að heyrast

Í stefnunni er fjallað um sjö lykilviðfangsefni; mannauð, framtíðarsýn, veitingu heilbrigðisþjónustu, þátttöku notenda, gæði, skilvirk þjónustukaup og stjórnun og samhæfingu. Svandís segir að það sem skipti mestu máli við mótun og innleiðingu stefnunnar er að ferlið verði opið og lýðræðislegt. „Þetta heilbrigðisþing er hluti af þeirri viðleitni að hafa umfjöllunina sem opnasta,“ segir hún.

Engu að síður hefur verið bent á að aðilar í einkarekstri innan heilbrigðiskerfisins komi hvergi að þinginu. Ragnar Freyr Ingvarsson, sjálfstætt starfandi læknir, vakti athygli á þessu á Facebook og sér þætti áhugavert að sjá að fólk sem leiðir áfram heilbrigðiskerfið með sérþekkingu sinni fái ekki tækifæri til að halda erindi á þingi sem þessu.  

Svandís segir að erindi á þinginu snerti alla og þó svo að fulltrúar úr einkageiranum séu ekki með erindi á þinginu geti allir tekið þátt í því. „Hér eru fulltrúar frá hjúkrunarheimilum, SÁÁ, Reykjalundi og frá fleiri aðilum, Læknafélagi Íslands og Læknafélagi Reykjavíkur. Hér eru allir á vettvangi og það fer fram opið samtal. Hér eiga allar raddir að fá að heyrast.“

Svandís Svavarsdótti heilbrigðisráðherra flutti opnunarávarp á heilbrigðisþingi sem fram fer ...
Svandís Svavarsdótti heilbrigðisráðherra flutti opnunarávarp á heilbrigðisþingi sem fram fer í dag. mbl.is/Árni Sæberg

Greining á mannaflaþörf ekki nógu vönduð hingað til

Þegar rýnt er betur í drög heilbrigðisstefnunnar sést að mikil áhersla er lögð á mannauð. Í stefnunni er meðal annars kallað eftir því að árið 2030 verði búið að greina mannaflaþörf heilbrigðiskerfisins og gera viðeigandi ráðstafanir til þess að tryggja mönnun heilbrigðisþjónustunnar.

Svandís segir að greining á mannaflaþörf heilbrigðiskerfisins sem gerð hefur verið hingað til hafi ekki verið nægilega vel gerð. „Við þurfum að skoða og fá niðurstöðu í það hvernig breytt aldurssamsetning gerir ráð fyrir og gerir kröfu um mögulega aðra samsetningu á mönnun í heilbrigðisþjónustunni.“

Vegna breytinga á faglegu starfi innan heilbrigðisgeirans, meðal annars með auknu þverfaglegu samstarfi heilbrigðisstétta og meiri teymisvinnu, er þörf á breyttri skilgreiningu á mannaflaþörf að mati Svandísar. „Það er ekki nóg að vera með mannaflaspá, það er hversu margir útskrifast, heldur miklu frekar hver er þörf heilbrigðisþjónustunnar miðað við þróun hennar og miðað við breytta aldurssamsetningu þjóðarinnar.“

Heilbrigðisstofnanir verði eftirsóttir vinnustaðir

Í stefnunni er einnig það markmið að árið 2030 verði heilbrigðisstofnanir eftirsóttir vinnustaðir. Aðspurð hvernig því markmiði verði náð segir Svandís að þar skipti máli að búa betur að heilbrigðisstarfsfólki í húsnæði, aðstöðu og tækjabúnaði. „Það skiptir líka miklu máli að heilbrigðisstarfsfólk upplifi það að það sé í stöðugri faglegri þróun og eigi möguleika á samstarfi við aðrar fagstéttir í að takast á við það sem er fremst í þróun viðkomandi þjónustu í heiminum og sé í fremstu röð. Það er að hluta til spurning um innra skipulag stofnananna og auðvitað sýn stjórnvalda á það hvað er góðar starfsaðstæður og spennandi vinnustaðir.“

Nýr meðferðarkjarni Landspítalans skiptir einnig máli þegar kemur að ánægju heilbrigðisstarfsfólks að mati Svandísar. Yfirlýst markmið nýs Landspítala er að byggja upp betra sjúkrahús fyrir alla landsmenn. „En við erum líka að skapa byggingu og aðstöðu sem verður með því mest spennandi í heiminum fyrir ungt fólk sem vill hasla sér völl sem læknar, hjúkrunarfræðingar, sjúkraliðar eða starfsfólk í heilbrigðisþjónustu annars staðar,“ segir Svandís.

„Tæknilega flóknasta framkvæmd Íslandssögunnar“

Áætlað er að meðferðar­kjarn­inn verði tek­inn í notk­un árið 2024 og er hugsaður út frá starf­semi bráða- og há­skóla­sjúkra­húss. „Það er á fjármagnaðri fjármálaætlun þannig að við ættum að sjá fyrir endann á því,“ segir Svandís.

„Framkvæmdin er tæknilega flóknasta framkvæmd Íslandssögunnar, og þar er Kárahnjúkavirkjum meðtalin, vegna þess hversu margir þættir eru þarna undir í lögnum, leiðslum og innviðum. Við erum ekki bara að tala um fjóra veggi heldur virkilega flókna samsetningu þar sem á að vera hægt að veita bestu mögulegu heilbrigðisþjónustu sem völ er á á heimsvísu,“ segir Svandís.

Heilbrigðisstefnan lögð fyrir á vorþingi

Með innleiðingu heilbrigðisstefnu til 2030 mun Ísland bætast í hóp fjölda Evrópuþjóða sem hafa sett sér sams konar stefnu og segir Svandís það aðkallandi og mikilvægt skref.

„Næstu skref eru að vera með opna samráðsgátt svo almenningur hvaðan æva af landinu geti komið með sínar ábendingar inn, ekki síður heilbrigðisstéttir og sjúklingasamtök,“ segir Svandís. Því næst verður stefnan lögð fram í formi þingsályktunartillögu sem byggir á skýrslu um heilbrigðisstefnu fyrir Íslands til ársins 2030 og mælt verður fyrir tillögunni á vorþingi.

„Við erum stödd í miðju ferlinu, við erum búin að halda opna vinnufundi með heilbrigðisstofnunum. Það er búið að halda sérstaka fundi með stéttarfélögum og stærstu aðilunum sem reka fyrirtæki í velferðarþjónustu og svo þetta opna þing. Við erum á miðri leið,“ segir Svandís.

Hún er bjartsýn á að innleiðing stefnunnar takist og treystir hún á stöðugleika í stjórnmálunum til að fá vinnufrið. „Ég vonast til þess að þessi ríkisstjórn sé ríkisstjórnin sem verði stöðug og muni sitja áfram. Ef það er vont fyrir einhvern málaflokk þá er það vont fyrir heilbrigðismálin að það séu ör skipti og miklar breytingar. Ég miða mína vinnu við það að sitja þetta kjörtímabil og helst fleiri.“

mbl.is

Bloggað um fréttina

Innlent »

Þráðablika og gyllinský

21:35 „Hér eru tækifæri til þess að upplifa, sjá og skynja hvernig vatnið er óendanleg uppspretta og undirstaða alls í lífríkinu. Svörin við spurningunum sem vakna í vitund gesta eru líka flest hér á sýningunni, þar sem eitt leiðir af öðru og skemmtun og fróðleikur fara saman,“ segir Sigrún Þórarinsdóttir, safnkennari í Náttúruminjasafni Íslands. Meira »

„Ekkert óeðlilegt“ við kröfu Miðflokks

20:39 Miðflokkurinn virðist þurfa 22 þingmenn með sér til þess að ákveðið geti verið að breytt skipan í nefndir Alþingis verði tekin upp. Það er „ekkert óeðlilegt“ við að flokkurinn óski eftir þessum breytingum, segir stjórnmálafræðiprófessor. Meira »

Krapaflóð á Eskifirði

20:10 Tvö krapaflóð féllu í Hólmatindi á Eskifirði í dag en hellirigning var á Austfjörðum í morgun og fram eftir hádegi. Sóley Gísladóttir, íbúi á Eskifirði, náði myndskeiði af öðru flóðinu sem stöðvaðist rétt fyrir ofan þjóðveginn. Meira »

Að lifa eins og fólk langaði sjálft til

19:24 Hann segir mörg dæmi um að fólk hafi verið með uppsteyt af ýmsu tagi og leitað allra leiða til að vera sjálfrátt á tímum vistarbands 19. aldar. Vilhelm Vilhelmsson ætlar að spjalla um vinnuhjú og vistarband í sagnfræðikaffi á mánudag. Meira »

Tveimur göngumönnum bjargað

18:51 Stjórnstöð Landhelgisgæslunnar barst á fimmta tímanum í dag neyðarkall frá tveimur erlendum göngumönnum á Tungnafellsjökli. TF-SYN, þyrla Landhelgisgæslunnar, og björgunarsveitir á vegum Slysavarnafélagsins Landsbjargar voru þegar í stað kallaðar út. Meira »

Ólafur og Karl Gauti fengu 600.000 kr.

18:27 Karl Gauti Hjaltason og Ólafur Ísleifsson, nú þingmenn Miðflokksins, fengu hvor um sig 300.000 króna greiðslur frá Alþingi 1. febrúar fyrir sérfræðiaðstoð. Peningarnir liggja að sögn Ólafs að mestu óhreyfðir. Meira »

„Vitlaust að gera“ í sundi á Akureyri

18:21 Það hefur verið „vitlaust að gera“ í Sundlauginni á Akureyri í dag að sögn Kristínar Magnúsdóttur, vaktstjóra hjá Sundlaug Akureyrar. Starfsfólk laugarinnar hefur þurft að loka miðasölunni nokkrum sinnum í dag til þess að takmarka fjölda ofan í laugina. Meira »

Enn ekkert spurst til Jóns

17:32 Hátt í hundrað manns leituðu Jóns Þrast­ar Jóns­son­ar sem hefur verið týndur í tvær vikur. Jón sást síðast í Whitehall-hverfinu í Dublin um ellefuleytið að morgni laugardagsins 9. febrúar. Meira »

Gætu bitnað mest á landsbyggðinni

16:39 Fyrirhugaðar verkfallsaðgerðir gegn ferðaþjónustunni gætu bitnað einna mest á landsbyggðinni. Þetta segir Pétur Óskarsson, framkvæmdastjóri ferðaþjónustufyrirtækisins Katla DMI. Fyrirtækið áætlar að taka á móti 10 þúsund gestum frá Þýskalandi, Austurríki og Sviss á þessu ári. Meira »

Gagnrýna RÚV fyrir vanvirðingu

15:53 „Sú ákvörðun RÚV, að snýta af afhendingum fagverðlauna Eddunnar, fyrir útsendingu og sýna þau síðan í klipptum stubbum án þakkarræðna, lýsir vanvirðingu við störf þeirra fjölmörgu fagaðila sem standa að baki íslenskrar kvikmyndagerðar.“ Meira »

Gengið til mótmæla gegn hungri og örbirgð

14:59 Hópur fólks kom saman á Austurvelli við Alþingi í dag til þess að mótmæla því, að fólk fái ekki laun og lífeyri sem dugar því til að framfleyta sér. Á annað þúsund manna boðuðu komu sína á Facebook en á vettvangi voru einhverju færri. Meira »

Allt að 1.000 leggi niður störf 8. mars

14:27 Það geta verið allt að 1.000 félagsmenn Eflingar sem hætta að vinna í boðuðum verkfallsaðgerðum á hótelum í Reykjavík og nágrenni 8. mars. Hátt í 8.000 félagsmenn kjósa um þetta í vikunni. Meira »

Fjölskyldusamvera í skólavetrarfríi

13:40 Vetrarfríin eru hætt að koma foreldrum jafnmikið á óvart og þau gerðu fyrstu árin.  Meira »

Kiddi klaufi langvinsælastur

12:12 Dagbækur Kidda klaufa verma níu efstu sætin yfir vinsælustu bókasafnsbækurnar fyrir árið 2018, en listar yfir vinsælustu eða mest lánuðu titla í aðildarbókasöfnum Gegnis hafa nú verið gerðir aðgengilegir. Meira »

Í vinsælasta spjallþætti á Írlandi

12:00 Bræður Jóns Þrastar Jónssonar, sem hvarf í Dublin á dögunum, fóru í viðtal í The Late Late Show í írska ríkissjónvarpinu í gær. Þátturinn er annar langlífasti spjallþáttur í heimi. Meira »

„Sem mest tjón á sem skemmstum tíma“

11:25 Framkvæmdastjóri Samtaka ferðaþjónustunnar er harðorður í garð forystu stéttarfélaganna vegna boðaðra verkfalla. Hann segir sviplegar afleiðingar geta orðið af verkföllum í ferðaþjónustu. Meira »

Grunaðir um skipulagðan þjófnað

10:35 Lögreglumenn í flugstöðvardeild lögreglunnar á Suðurnesjum höfðu afskipti af fjórum erlendum karlmönnum í Leifsstöð í vikunni vegna gruns um að þeir væru að reyna að komast með þýfi úr landi. Meira »

Umfangsmesta aðgerðin hingað til

10:00 Í dag hefst umfangsmesta einstaka aðgerðin í leitinni að Jóni Þresti Jónssyni, Íslendingi sem hvarf í Dublin fyrir tveimur vikum síðan. Fleiri tugir írskra sjálfboðaliða taka þátt í þaulskipulagðri aðgerð. Meira »

HÍ brautskráir 444 í dag

09:50 Háskóli Íslands brautskráir 444 kandídata, 313 konur og 131 karl, úr grunn- og framhaldsnámi við hátíðlega athöfn klukkan 13 í dag. Meira »