Stöð 2 Sport missir enska boltann

„Við settum fram afar myndarlegt tilboð sem var veruleg hækkun frá því sem við greiðum fyrir enska boltann í dag. Niðurstaðan var hins vegar að ofurtilboð barst úr annarri átt sem engin glóra væri í að jafna.“

Þetta segir Björn Víglundsson, framkvæmdastjóri hjá Sýn, í Morgunblaðinu í dag. Fjölmiðlafyrirtækið hefur misst sýningarréttinn á ensku úrvalsdeildinni í knattspyrnu frá og með næsta tímabili.

Magnús Ragnarsson sjónvarpsstjóri staðfestir í Morgunblaðinu, að Síminn hafi gert tilboð í réttinn.