Ekki tókst að klára smíði palls út í flutningaskipið Fjordvik sem situr fast við stórgrýttan hafnargarð í Helguvík í nótt. Áfram verður unnið að smíðinni í dag og má búast við því að henni ljúki fyrir hádegi, að sögn Kjartans Más Kjartanssonar, bæjarstjóra í Reykjanesbæ.

Þegar smíðinni lýkur og öruggt verður að fara um borð verður ástand skipsins skoðað og næstu skref ákveðin. Kjartan Már býst ekki við að aðgerðir við björgun skipsins hefjist í dag.

Tveir skipabjörgunarsérfræðingar  komu til landsins frá Hollandi í gær á vegum útgerðarfélags Fjordvik og er von á þremur í viðbót í dag.

Frétt af mbl.is

Varðskipið Þór á leið til Helguvíkur

Að sögn Ásgeirs Erlendssonar, upplýsingafulltrúa Landhelgisgæslunnar, er staðan hjá viðbragðsaðilum hennar óbreytt frá því í gærkvöldi. Varðskipin Þór og Týr eru bæði til taks og bíða frekari fyrirmæla.

Þá hefur hópur björgunarsveitarfólks einnig staðið vaktina við skipið frá því það strandaði.

Tengdar fréttir

Flutningaskip strandar í Helguvík

Fjordvik í brotajárn í Belgíu

• Viðgerð ljúki 20. desember
• Viðgerðum lýkur vonandi fyrir jól
• Viðgerðir ganga vel
• Bráðabirgðaviðgerðir á Fjordvik hafnar

» Fleiri tengdar fréttir

• Blogga um frétt