Kom ekki á óvart
Setja bókamerki
„Ég get ekki sagt að þetta hafi komið mér á óvart en auðvitað höfum við fylgst grannt með þessum málum um nokkurt skeið,“ segir Katrín Jakobsdóttir forsætisráðherra um kaup Icelandair Group á WOW air.
Hún nefnir að rekstrarörðugleikar hafi verið hjá ýmsum flugrekendum, ekki síst á þessu svæði, þar á meðal vegna hækkandi olíuverðs. Flugfargjöld hafi á sama tíma verið lág.
Samkeppni áfram til staðar
„Við höfum fylgst grannt með sökum aukins mikilvægis ferðaþjónustunnar fyrir íslenskan efnahag. Við sjáum að markaðurinn tekur vel við þessum tíðindum, alla vega við fyrstu sýn. Það má ekki gleyma því að þó að þetta feli í sér að þessi íslensku flugfélög renni saman þá verður áfram samkeppni,“ segir hún og bendir á alþjóðlega samkeppni í því samhengi. Hátt í 30 félög bjóði upp á reglulegt flug til og frá Íslandi.
Átta sig betur á hlutverki flugrekstrarins
Hún segir að ríkisstjórnin muni halda áfram að fylgjast með stöðu mála. „Það góða við þetta, held ég, er að núna þegar við erum með breyttar aðstæður í efnahagslífinu áttum við okkur betur á hlutverki flugrekstrarins fyrir ferðaþjónustuna,“ segir hún og minnist á aukið vægi flugrekstrarins með tilliti til tengiflugs.
Skar höfuðleðrið af íslenskri konu
Shakespeare fannst í skókassa
Árshátíð ríkislögreglustjóra haldin í Tékklandi
Æskuvinur Íslendings myrtur í Noregi
„Það þarf að vinna mikinn fjölda upp“
„Hvílir mikil leynd yfir þessu öllu“
Handteknir eftir myndatöku í Vesturbæjarlaug
Veiting hvalveiðileyfis ekki brot á EES-samningi