Héraðsdómur Suðurlands hefur úrskurðað að karlmaður á sextugsaldri skuli sæta gæsluvarðhaldi til 29. nóvember, en maðurinn er grunaður um aðild að eldsvoða í einbýlishúsi á Selfossi í lok október.
Þetta var gert að kröfu lögreglustjórans á Suðurlandi.
Fram kemur í tilkynningu frá lögreglunni á Suðurlandi, að kona sem einnig sætti gæsluvarðhaldi vegna sama máls sé nú í skýrslutöku hjá lögreglu.
Þá segir lögreglan að ekki sé að vænta frekari frétta frá lögreglu af rannsókninni að sinni.