Myndskeið sem erlendur ferðamaður setti inn á Instagram og YouTube-síður sínar sýnir hvernig hann, eða einhver annar í hans hópi, spólar um á smájeppa í mosa hér á landi. 

Ábending um þetta barst frá lesanda mbl.is, sem notaði forrit í síma sínum til þess að vista umrætt myndskeið.

Ferðamaðurinn sem um ræðir hefur síðan fjarlægt myndskeiðið af Instagram-síðu sinni og lokað aðgangi sínum fyrir öðrum en þeim sem hann samþykkir sérstaklega.

Utanvegaaksturinn hefur verið tilkynntur til Umhverfisstofnunar.

Í myndskeiðinu hér að neðan, sem hlaðið var upp á YouTube, má sjá brot úr myndskeiðinu sem um ræðir. Brotið hefst þegar 1:43 eru liðnar af myndskeiðinu.

Hér má sjá hvernig bíllinn spólar um í viðkvæmum mosanum. Skjáskot/YouTube

Tengdar fréttir

Utanvegaakstur

Búin að vekja athygli á þessu í mörg ár

• Viljum „alls ekki auglýsa landið á þennan máta“
• Ferðamaður tætir upp hálendið á 14 tonna trukk
• Kæra utanvegaakstur á vegum Umhverfisstofnunar
• Fyrirtækin beri ekki ábyrgð á utanvegaakstri

» Fleiri tengdar fréttir

• 2 blogg um fréttina

Bloggað um fréttina

• Ómar Ragnarsson: "Bara sandar, melar og grjót"?
• Þorsteinn Valur Baldvinsson: Það verður að stöðva landsskemmdir