Áslaug Arna flutti ræðu í breska þinginu

Áslaug Arna Sigurbjörnsdóttir, þingmaður Sjálfstæðisflokksins og formaður utanríkismálanefndar, hitti Theresu May, forsætisráðherra Bretlands, á kvennaþingi breska þingsins sem haldið var á fimmtudag. 

Kvennafundurinn var haldinn að tilefni 100 ára kosningaafmælis breskra kvenna og sóttu fundinn 120 þingkonur frá 86 löndum. 

Áslaug Arna Sigurbjörnsdóttir, ávarpar breska þingið. Ljósmynd/Jessica Taylor

Óskað var eftir því að Áslaug Arna myndi flytja lokaávarp í breska þinginu í lok dags og ræddi hún þar um þann árangur sem Ísland hefur náð í jafnréttismálum. Þá sagði hún frá því hvernig íslenskar konur í stjórnmálum stigu fyrstar fram í #metoo byltingunni og kynnti fund kvenleiðtoga sem fram fer hér á landi 26-28. nóvember. Að lokum hvatti Áslaug Arna konurnar til að halda áfram að berjast fyrir jafnrétti í sínum heimalöndum og að hætta aldrei að hvetja aðrar konur til að skapa sér pláss, taka þátt í stjórnmálum og hafa áhrif.

120 konur frá 86 löndum sóttu þingið. Ljósmynd/Jessica Taylor

• Blogga um frétt