Enginn var með allar tölurnar réttar í Víkingalottóinu í kvöld en í pottinum voru um 420 milljónir króna.
Tveir hlutu annan vinning og fær hvor þeirra tæpar 17 milljónir króna í vasann. Báðir miðarnir voru keyptir í Danmörku.
Hérlendis var einn með þriðja vinning og fær hann í vasann tæpar 3,7 milljónir króna. Miðinn var keyptur á lotto.is.
Enginn var með fimm jókertölur réttar í réttri röð en þrír voru með fjórar réttar í réttri röð. Hver þeirra fær 100 þúsund krónur.
Vinningstölurnar: 15-17-32-38-39-42
Víkingatalan: 7
Jókertölurnar: 6-9-2-9-3