Lögreglan á höfuðborgarsvæðinu stöðvaði ökumann sem er grunaður um akstur undir áhrifum fíkniefna um miðnætti í nótt. Hann reyndist einnig án ökuréttinda og með lítilræði af ætluðum fíkniefnum á sér. Maðurinn er vistaður í fangageymslu vegna frekari rannsóknar málsins.
Um svipað leyti var annar ökumaður stöðvaður fyrir akstur undir áhrifum áfengis en hann var látinn laus að lokinni blóðtöku.