„Er þetta boðlegt?“

Guðmundur Ingi Kristinsson, þingmaður Flokks fólksins, spurði ríkisstjórnina að því hvert hún stefndi er hann ræddi um aldraða og öryrkja á Alþingi í dag. Nefndi hann í því samhengi fregnir af 92 ára konu sem var látin sofa inni á salerni á Landspítalanum.

Frétt af mbl.is

92 ára látin sofa inni á salerni

„Er þetta stefnan? Er þetta boðlegt? Ég segi: „nei“,“ sagði Guðmundur Ingi undir dagkrárliðnum störf þingsins.

Hann nefndi einnig grein Morgunblaðsins í morgun þar sem fram kemur að um 200 manns undir 67 ára sem þurfa á þjónustu að halda búa á hjúkrunarheimilum sem hefur verið breytt í félagslegar íbúðir.

Frétt af mbl.is

„Aðrir íbúar og ættingjar eru hræddir“

„Það hlýtur að segja sig sjálft að það er eitthvað alvarlegt að í heilbrigðiskerfinu okkar ef þetta er staðreyndin,“ sagði hann og taldi ekki forsvaranlegt að láta þá sem annast aldraða einnig annast þá sem eiga við geðræn vandamál að stríða.

• Blogga um frétt