Tók yfir Facebook-síðu starfsmanns

Vinnuveitandinn breytti netfangi, lykilorði og símanúmeri að Facebook-síðu konunnar, sem ...
Vinnuveitandinn breytti netfangi, lykilorði og símanúmeri að Facebook-síðu konunnar, sem gerði henni verulega erfitt fyrir með að endurheimta síðuna. AFP

Vinnuveitandi, sem tók yfir persónulega Facebook-síðu starfsmanns og breytti lykilorði hans eftir að hafa sagt starfsmanninum upp störfum án fyrirvara, braut lög um meðferð tölvugagna.

Þetta kemur fram í úrskurði Persónuverndar um málið, en kona nokkur kvartaði til stofnunarinnar í október í fyrra undan framferði fyrrverandi vinnuveitanda síns. Fram kemur í kvörtun konunnar að vinnuveitandinn hafi sagt henni upp án nokkurs fyrirvara. Hann hafi  gert tölvu og farsíma hennar upptæk og lokað samstundis símanúmeri hennar og pósthólfi. Sagði hún þetta hafa valdið sér verulegum óþægindum, enda hafi þar inni verið töluvert af persónulegum gögnum og samskiptum sem henni hafi ekki verið gefinn kostur á að endurheimta.

Sagði konan vinnuveitandann þá hafa notað símanúmerið til að skrá sig inn á Facebook-síðu hennar. Þar hafi hann breytt aðgangi að síðum sem hún var skráð sem stjórnandi að, en auk þess hafi hann breytt netfangi, lykilorði og símanúmeri að hennar eigin Facebook-síðu sem hafi gert henni verulega erfitt fyrir með að endurheimta síðuna. Sagði konan þetta benda til þess að vinnuveitandi hafi ekki bara yfirtekið síðuna til að ná í upplýsingar, heldur einnig til að hafa umráð yfir henni í lengri tíma. Kvaðst hún hafa skjáskot þessu til sönnunar og að vinnuveitandinn hafi aldrei beðið hana um að afhenda sér gögn eða afskrá sig sem stjórnanda á Facebook-síðum fyrirtækisins. 

Vinnuveitandinn vísaði hins vegar ásökunum konunnar alfarið á bug og fullyrti að hún hefði dregið sér fé úr fyrirtækinu og það mál sé nú til rannsóknar hjá lögreglu. Sagði hann enn fremur að fyrirtækið hafi átt tölvuna og að netfangið sem konan hafði hjá fyrirtækinu hafi ekki verið ætlað til einkanota. Loks hefði konan sjálf veitt honum aðgang að Facebook-síðu fyrirtækisins og hann hafi í kjölfarið lokað á allan aðgang hennar og annarra starfsmanna sem „veittu henni lið við glæpsamlegt athæfi gagnvart fyrirtækinu“.

Er það úrskurður Persónuverndar að vinnuveitandinn hafi brotið persónuverndarlög með meðferð sinni á vinnupósthólfi konunnar og Facebook-síðu, en sannað sé að Facebook-síða konunnar hafi verið tekin yfir. Þá hafi hann enn fremur brotið gegn rétti konunnar með því að loka síma og tölvupósti hennar, án þess að veita henni fyrst færi á að eyða persónulegum póstum eða taka af þeim afrit.

mbl.is

Innlent »

Tvö hitamet í hættu fyrir tilviljun

14:35 Ef veðurspár ganga eftir er möguleiki á því að tvö hitamet verði slegin á höfuðborgarsvæðinu á morgun, sumardaginn fyrsta.  Meira »

Dæmd fyrir brot gegn dætrum sínum

14:00 Hjón á Suðurnesjum voru í dag sakfelld fyrir gróf kynferðisbrot gegn dóttur konunnar og dóttur sinni í Héraðsdómi Reykjaness. Maðurinn var dæmdur í 6 ára fangelsi og konan var dæmd í 5 ára fangelsi, samkvæmt Kolbrúnu Benediktsdóttur saksóknara. Meira »

SA samþykkti með 98% atkvæða

13:31 Félagsmenn Samtaka atvinnulífsins hafa samþykkt kjarasamninga við verkafólk og verslunarmenn fyrir tímabilið 2019 - 2022 sem skrifað var undir 3. apríl. Meira »

Hitinn mældist 18,7 gráður í Öræfum

12:59 Hiti hefur ekki farið niður fyrir frostmark neins staðar á landinu í dag, en það sem vekur athygli er að 18,4 gráðu munur er á mesta og minnsta hita sem mælst hefur á landinu í dag. Meira »

Breyttar matarvenjur og fleiri á lyfjum

12:18 „Listeríusýkingar eru tiltölulega sjaldgæfar sýkingar. Eins og gjarnan er með sjaldgæfar sýkingar þá sér maður ekki neitt í nokkur ár og svo einhvers konar hrinu næstu árin,“ segir Þórólfur Guðnason sóttvarnarlæknir spurður hvers vegna listeríusýkingum virðist fjölga á síðustu áratugum hér á landi. Meira »

Vinnan við samningana rétt að byrja

11:58 „Ég er náttúrulega mjög sáttur við þessa niðurstöðu,“ segir Ragnar Þór Ingólfsson, formaður VR, í samtali við mbl.is um samþykkt kjarasamninga félagsins við Samtök atvinnulífsins og Félag atvinnurekenda en þeir voru samþykktir með tæplega 90% atkvæða. Meira »

Óvissustigi aflétt

11:52 Ríkislögreglustjóri, í samráði við lögreglustjórann á Norðurlandi eystra, hefur ákveðið að aflýsa óvissustigi almannavarna vegna jarðskjálftahrinu í Öxarfirði. Þessi ákvörðun er byggð á mati Veðurstofunnar um að þessari hrinu sé lokið. Meira »

Munaði einu atkvæði hjá Öldunni

11:36 Þrátt fyrir að lífskjarasamningurinn svonefndur hafi verið samþykktur með afgerandi hætti af flestum aðildarfélögum Starfsgreinasambandsins er ein undantekning frá því. Meira »

Kjarasamningar VR samþykktir

11:12 Kjarasamningur VR við Samtök atvinnulífsins var samþyktkur með 88,35% atkvæða í atkvæðagreiðslu meðal félagsmanna. Kjarasamningur VR við Félag atvinnurekenda var að sama skapi samþykktur með 88,47% atkvæða. Meira »

Þakklát fyrir afgerandi samþykkt samninga

10:44 „Ég er mjög þakklát þeim félagsmönnum sem greiddu atkvæði og auðvitað mjög ánægð með það að samningarnir hafi verið samþykktir með svona afgerandi hætti,“ segir Sólveig Anna Jónsdóttir, formaður Eflingar, í samtali við mbl.is. Meira »

„Þeir sem kusu voru alla vega sáttir“

10:37 „Það er ánægjulegt að öll félögin samþykktu samninginn. Flest öll með miklum meirihluta,“ segir Björn Snæbjörnsson formaður Starfsgreinasambandsins. Hann bendir á að 17 af 19 félögum hafi um 70% þeirra samþykkt samninginn. Meira »

Lífskjarasamningurinn samþykktur

10:05 Mikill meirihluti þeirra félagsmanna Starfsgreinasambandsins sem greiddi atkvæði um lífskjarasamninginn svonefnda, kjarasamninginn sem aðildarfélög SGS, VR og Landssamband íslenzkra verzlunarmanna sömdu um á dögunum við Samtök atvinnulífsins, samþykkti samninginn. Meira »

Banaslys í Langadal

09:47 Karlmaður með erlent ríkisfang en búsettur hér á landi lést í umferðarslysi í Langadal seint í gærkvöldi. Ekki er hægt að greina frá nafni hans að svo stöddu. Meira »

Breytti framburði og játaði kynferðisbrot

09:39 Karlmaður var í Héraðsdómi Reykjavíkur í gær dæmdur í 30 daga skilorðsbundið fangelsi fyrir kynferðisbrot gegn ungri stúlku. Þá var hann dæmdur til þess að greiða henni 200 þúsund krónur í miskabætur. Meira »

Afburðanemendur verðlaunaðir

09:35 Vinafélag Árnastofnunar mun á aðalfundi sínum í dag veita tveimur afburðanemendum í íslenskum fræðum viðurkenningu fyrir árangur í námi. Meira »

Hafa sent fleiri mál til saksóknara

09:07 Skiptastjóri þrotabús United Silicon hefur á síðustu mánuðum tilkynnt nokkur ný mál sem tengjast þrotabúinu til embættis héraðssaksóknara. Ólíklegt er að aðrir en Arion banki fái nokkuð upp í kröfur sínar í þrotabúið. Meira »

Vilja rifta 550 milljóna greiðslu

08:55 Skiptastjórar þrotabús WOW air skoða nú hvort tilefni sé til þess að rifta samkomulagi sem Arion banki og WOW gerðu með sér í fyrra þar sem ákveðið var að breyta fimm milljóna dollara yfirdráttarláni í skuldabréf að sömu fjárhæð í flugfélaginu. Meira »

Verið að vinna úr athugasemdum

08:18 „Ég vona að þessir ferlar virki en ég finn líka vaxandi stuðning inni í þinghúsinu við að menn verði tilbúnir að bregðast við ef þess þarf,“ segir Haraldur Benediktsson, fyrsti flutningsmaður frumvarps til laga um að þingið heimili lagningu Vestfjarðavegar um Teigsskóg. Meira »

Fyrsta skipið kom að nýjum hafnarbakka

07:57 Tímamót urðu í sögu Faxaflóahafna að morgni annars í páskum. Þá lagðist fyrsta skipið að nýjum hafnarbakka utan Klepps í Sundahöfn, en framkvæmdir við hann hafa staðið yfir undanfarin þrjú ár. Meira »