Fer yfir 50 metra í hviðum

Kort/Veðurstofa Íslands

Appelsínugul viðvörun er í gildi á Suðausturlandi og verður fram á miðjan dag en annars staðar á landinu er gul viðvörun í gildi og verður áfram. Að sögn veðurfræðings hefur verið mjög hvasst á sumum stöðum og slegið í ofsaveður í vindstrengjum við fjöll á sunnan- og vestanverðu landinu.

Þjóðvegur 1 er lokaður á Suðausturlandi frá Gígjukvísl að Jökulsárlóni. Þá er vegurinn um Kjalarnes einnig lokaður sem og Fjarðarheiði. Þjóðvegur 1 er lokaður frá Hvolsvelli austur í Vík.

Daníel Þorláksson, veðurfræðingur á Veðurstofu Íslands, segir að rokið sé einna minnst á Norðausturlandi en þar snjóar mjög mikið. Að sögn varðstjóra í lögreglunni á Norðausturlandi var nóttin róleg þar. Aftur á móti kafsnjóar á Akureyri og víðar og víða ekki fært nema á vel útbúnum bifreiðum.

Að sögn Daníels fór í 58 metra á sekúndu við Sandfell í Öræfum í gærkvöldi. Á nokkrum mælistöðvum á láglendi hefur verið fárviðri, það er yfir 33 metrar á sekúndu. Það eru Kjalarnes en þar voru 34 metrar á sekúndu í nótt. Á sjálfvirkum mæli Vegagerðarinnar sést að í hviðum um sex leytið fór vindhraðinn í 51 stig þar.  Á Bláfeldi á Snæfellsnesi og á Blönduósi voru 33 metrar á sekúndu. Mun meiri vindstyrkur hefur síðan mælst í hviðum.

Við Hraunsmúla í Staðarsveit fór vindhraðinn í 57 metra á sekúndu í hviðum á sjötta tímanum í morgun, samkvæmt mælum Vegagerðarinnar og um tíma í nótt fór í 43 metra á sekúndu í hviðum á Blönduósi.

Hann segir að með morgninum dragi hægt og rólega úr veðrinu en áfram verður hvassviðri og stormur á Norðvesturlandi og Suðausturlandi fram á föstudag. 

„Norðaustan óveðrið er nú í hámarki og verður fram eftir morgni en með deginum dregur hægt úr vindi. Víða hvassviðri eða stormur en staðbundið mun hvassara í vindstrengjum við fjöll. Fljótt á litið virðist að sterkasta hviðan hafi mælst í gærkvöldi við Sandfell í Öræfum, 58 m/s, en í nótt náði 10 mínútna meðalvindhraði tæpum 34 m/s á Kjalarnesi, við Bláfeld og á Vegagerðarstöð við Blönduós. Það snjóaði um norðanvert landið og má því búast við snjóþekju eða ófærð á heiðum þar í dag og áfram er útlit fyrir ofankomu norðan til á landinu á morgun,“ segir í hugleiðingum veðurfræðings á Veðurstofu Íslands.

Spáð er norðaustanstormi eða -roki og jafnvel staðbundnu ofsaveðri í vindstrengjum við fjöll sunnan- og vestanlands og snjókomu eða hríðarveðri á heiðum norðan- og austanlands fram í dag og á morgun en smám saman dregur úr vindi í dag.

Samgöngur milli landshluta geta farið úr skorðum og fólk er hvatt til að tryggja lausamuni til að fyrirbyggja foktjón og fylgjast með veðurspám og viðvörunum, segir í viðvörun Veðurstofu Íslands.

Á Suðausturlandi er norðaustan 23-30 m/s og vindhviður um 45-55 m/s við fjöll frá Lómagnúpi til austurs í Lón. Aðstæður til ferðalaga eru hættulegar og líkur á grjót og sandfoki, samkvæmt Veðurstofu Íslands.

Veðurspá fyrir næstu daga

Í dag

Norðaustanhvassviðri eða -stormur, en sums staðar staðbundið rok eða ofsaveður í vindstrengjum við fjöll um landið sunnan- og vestanvert. Snjókoma norðan til á landinu en rigning á láglendi austanlands, annars úrkomulítið. Dregur smám saman úr vindi með deginum. Hiti kringum frostmark.
Norðan 10-18 m/s á morgun en 15-23 m/s norðvestan til á landinu og með suðausturströndinni. Áfram snjókoma eða él um norðanvert landið en þurrt syðra. Kólnar heldur á morgun.

Á föstudag:

Norðan 15-23 m/s norðvestan til á landinu og með suðausturströndinni, annars 10-18 m/s. Snjókoma eða él á norðanverðu landinu, en yfirleitt þurrt sunnanlands. Dregur smám saman úr vindi þegar líður á kvöldið. Frost víða 1 til 6 stig. 

Á laugardag:
Norðlæg átt 8-15 m/s, en heldur hvassari norðaustast. Snjókoma eða él um norðanvert landið en léttskýjað sunnan til. Frost 2 til 8 stig. 

Á sunnudag:
Norðan 5-13 og él norðan til á landinu en bjartviðri syðra. Frost 3 til 13 stig, kaldast á Vestfjörðum. 

Á mánudag og þriðjudag:
Suðvestlæg eða breytileg átt, 3-8 ms. Bjartviðri norðaustan- og austanlands en stöku él sunnan- og vestan til á landinu. Kalt í veðri. 

Á miðvikudag:
Útliti fyrir hæga suðlæga eða breytilega átt og él með vestur- og norðurströndinni, annars þurrt. Hægt hlýnandi veður.

Færð og aðstæður

Suðurland: Víðast hvar greiðfært en sums staðar hálkublettir í innsveitum. Hvasst er allvíða.

Þjóðvegur 1 er lokaður frá Hvolsvelli austur í Vík.

Suðvesturland: Það er víðast hvar greiðfært en þó eru hálkublettir á fáeinum útvegum. Lokað er á Kjalarnesi.

Vesturland: Hálka er á Holtavörðuheiði en einnig eru hálkublettir mjög víða og hvasst á Snæfellsnesi.  

Vestfirðir: Hálka eða hálkublettir á flestum leiðum. Dynjandisheiði og Hrafnseyrarheiði hefur báðum verið lokað vegna veðurs. Allhvasst er víða.

Norðurland: Hálka er á velflestum vegum. Éljagangur við Eyjafjörð og hvasst er allvíða. 

Norðausturland: Víðast hvar er hálka, jafnvel flughálka, en sums staðar snjóar með ströndinni og þar er snjóþekja.

Austurland: Víða hálka á fjallvegum og til landsins en hálkublettir eða autt með ströndinni. Þæfingsfærð er á Breiðdalsheiði en þungfært á Mjóafjarðarheiði. Búið er að loka Fjarðarheiði og Öxi. 

Suðausturland: Vegir eru auðir en sums staðar nokkuð hvasst og byljótt. Þjóðvegur 1 er lokaður frá Gígjukvísl í Jökulsárlón.

mbl.is

Innlent »

Klæddist þýfinu í seinna innbrotinu

06:14 Tilkynnt var um innbrot í tvær íbúðir í Vesturbænum á ellefta tímanum í gærkvöldi. Farið hafði verið inn í íbúðirnar, rótað þar og stolið munum. Þá bárust lögreglu einnig tilkynningar um innbrot í tvo bíla í miðbænum og virðist sami einstaklingur hafa verið að verki í bæði skipti. Meira »

Reynt að ná samkomulagi um frestun

05:30 Hluti stjórnarandstöðunnar á Alþingi er afar ósáttur við áform stjórnarflokkanna um að afgreiða samgönguáætlun fyrir jól. Hótuðu sumir þeirra málþófi þegar þeir tóku málið tvisvar upp í gær undir liðnum umræða um fundarstjórn forseta. Meira »

Mönnun nýrra hjúkrunarrýma í óvissu

05:30 Óvíst er að áform heilbrigðisráðherra um að taka í notkun 550 hjúkrunarrými til ársins 2023 nái fram að ganga sem og þau áform að taka 200 af þeim í gagnið á næstu tveimur árum. Meira »

Vegleg bókagjöf

05:30 Pétur M. Jónasson, 98 ára, prófessor emeritus við Kaupmannahafnarháskóla, og dætur hans, Margrét og Kristín, hafa fært Náttúruminjasafni Íslands einkar veglega bókagjöf. Meira »

Verður Ísland áfangastaður ársins?

05:30 Samtökin Cruise Iceland hafa verið tilnefnd til alþjóðlegra verðlauna innan geira skemmtiferðaskipa. Tilnefningin er í flokknum „Besti áfangastaðurinn 2019“. Þetta er í fyrsta skipti sem Ísland er tilnefnt. Meira »

Tugir milljarða í ný hótelherbergi

05:30 Áformað er að taka um 1.500 hótelherbergi í notkun í Reykjavík á næstu tveimur árum. Það jafnast á við 15 meðalstór borgarhótel. Miðað við að hvert hótelherbergi kosti að meðaltali 35 milljónir í byggingu er þetta fjárfesting upp á tæplega 53 milljarða króna. Meira »

Benedikt freistaði Foster

05:30 „Þetta er bara búið að vera í ferli, hófst með herferð okkar eftir að Ísland tilnefndi kvikmyndina sem framlag til Óskarsverðlauna, þá sýndum við akademíumeðlimum hana og m.a. Jodie Foster. Það eru líka ákveðin persónuleg tengsl milli Jodie og fólks í mínu teymi. Þannig að Jodie kom á fyrstu sýninguna sem ég var viðstaddur og við töluðum saman þá strax.“ Meira »

Fangaði eldinguna á myndband

Í gær, 23:28 Gísla Reynissyni, ritstjóra Aflafretta.is, tókst að fanga á myndband eina af eldingunum sem laust niður á suðvesturhorninu í kvöld er hann var staddur í Grafarvogi. Myndbandið var ekki nema tveggja sekúndna langt í rauntíma en Gísli klippti það til og hægði á myndinni þannig að eldingin sæist betur. Meira »

Frumvarp um barnalífeyri samþykkt

Í gær, 22:39 Frumvarp Silju Daggar Gunnarsdóttur, þingmanns Framsóknarflokksins, um breytingar á lögum um almannatryggingar sem snýr að barnalífeyri var samþykkt á Alþingi í dag með 55 samhljóða atkvæðum. Meira »

Hljóðupptakan feli í sér refsivert brot

Í gær, 22:32 Hljóðupptakan sem var gerð á barnum Klaustri 20. nóvember var „njósnaaðgerð“ sem fól í sér refsivert brot. Þetta kemur fram í beiðni Reimars Péturssonar fyrir hönd fjögurra þingmanna Miðflokksins þar sem farið er fram á vitnaleiðslur og öflun sýnilegra sönnunargagna vegna upptökunnar. Meira »

Býðst til að safna fyrir Báru

Í gær, 22:31 Jón Gnarr, grínisti og fyrrverandi borgarstjóri Reykjavíkur, segist vera tilbúinn til að efna til söfnunar fyrir Báru Halldórsdóttur ef „svo ólíklega vildi til“ að hún yrði dæmt til að „borga eitthvað. Meira »

Vann 30 milljónir í Happdrætti HÍ

Í gær, 22:16 Einn heppinn miðaeigandi fékk þrefaldan vinning í milljónaveltu Happdrættis Háskóla Íslands og fær 30 milljónir króna í sinn hlut, en dregið var í kvöld. Meira »

Enn er beðið eftir hvalveiðaskýrslu

Í gær, 21:26 Ný skýrsla um þjóðhagsleg áhrif hvalveiða, sem sjávarútvegsráðherra óskaði eftir og átti að liggja fyrir í október, hefur ekki skilað sér. Þetta staðfestir upplýsingafulltrúi atvinnuvega- og nýsköpunarráðuneytisins, Þórir Hrafnsson, í samtali við mbl.is. Meira »

Ísland aðili að samþykkt SÞ um farendur

Í gær, 20:51 Ísland var eitt þeirra um 160 ríkja sem tóku þátt í afgreiðslu samþykktar Sameinuðu þjóðanna um örugga, skipulagða og reglubundna fólksflutninga (e. Global Compact for Safe, Orderly and Regular Migration) á sérstakri ríkjaráðstefnu í Marakes í Marokkó. Meira »

Twitter í ljósum logum eftir eldingar

Í gær, 19:27 Þrumur og eldingar eru tiltölulega sjaldgæfar á Íslandi, hvað þá í desember, en Twitter-notendur láta ekki sitt eftir liggja í að tjá sig um veðrið sem nú gengur yfir Suðvesturland. Flestir sjá á þessu spaugilegar hliðar á meðan öðrum er minna skemmt. Meira »

Svefnlyf sem mótvægi við metýlfenídati

Í gær, 19:20 Íslendingar nota fimmfalt meira af amfetamínskylda efninu metylfenídati en Danir og Norðmenn. Gríðarleg aukning hefur verið í notkun svona efna. Meira »

Frumvarp um tjáningarfrelsi lagt fram

Í gær, 18:56 Ríkisstjórnin hefur samþykkt að leggja fyrir Alþingi frumvarp forsætisráðherra um breytingu á stjórnsýslulögum um tjáningarfrelsi og þagnarskyldu opinberra starfsmanna. Meira »

Þrumur og eldingar á Suðvesturlandi

Í gær, 18:40 Vart hefur orðið við þrumur og eldingar á suðvesturhorni landsins nú síðdegis og samkvæmt veðurfræðingi á Veðurstofu Íslands mælast eldingarnar nokkuð tíðar. Meira »

Fundi vegna Klaustursmáls frestað

Í gær, 18:37 Opnum fundi stjórnskipunar- og eftirlitsnefndar Alþingis sem átti að halda á morgun vegna ummæla þingmanna Miðflokksins um meinta sendiherrastöðu fyrir Gunnar Braga Sveinsson hefur verið frestað. Meira »
SUMARHÚS- GESTAHÚS- BREYTINGAR
Sumarhús - Gestahús - Breytingar ? Framleiðum stórglæsileg sumarhús í ýmsum stær...
Leiga, herb. hús, við Gullna hringinn..
Studio herb. með sérbaði og eldunaraðstöðu, hlýleg og kósí, 5 mínútur frá Gey...
fágætar bækur til sölu
til lsölu nokkrar fágætar bækur Sneglu-Halli eftir Símon Dalaskáld Guðmundar...
ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...