Ummæli sem nokkrir þingmenn Miðflokksins og Flokks fólksins létu falla á bar fyrr í þessum mánuði hafa vakið hörð viðbrögð frá því að fréttir upp úr upptökunum voru birtar í gærkvöldi.
Stundin og DV hafa undir höndum upptökur af samtölum þingmanna úr tveimur flokkum, Miðflokknum og Flokki fólksins, á barnum Klaustri 20. nóvember. Þingmennirnir sem um ræðir eru Sigmundur Davíð Gunnlaugsson, Gunnar Bragi Sveinsson og Anna Kolbrún Árnadóttir, þingmenn Miðflokksins auk Ólafs Ísleifssonar og Karls Gauta Hjaltasonar, þingmanna Flokks fólksins. Á upptökunni má heyra þingmenn beggja flokkanna ræða menn og málefni með hætti sem flestum þykir óviðeigandi.
Meðal þess sem fram kemur í upptökunni eru samræður þingmannanna um útlit og hæfi kvenna til að skipa forystusveitir stjórnmálaflokka. Á upptökunni má einnig heyra rætt niðrandi um formann Flokks fólksins, Ingu Sæland, sem og um hvort Ólafur og fleiri þingmenn þess flokks ættu ekki frekar erindi í Miðflokkinn. Þá var rætt um ýmis pólitísk mál, s.s. skipan sendiherra í tíð Gunnars Braga.
Gunnar Bragi hefur beðist afsökunar á ummælum sínum og þá hafa Karl Gauti og Bergþór beðið Ingu Sæland afsökunar á niðrandi ummælum sínum í garð hennar.
Um kjörna fulltrúa er að ræða og hafa Twitter-notendur ekki legið á skoðunum sínum eins og sjá má:
Ég verð svo reiður við að lesa þessa umfjöllun. Þetta er viðbjóðsleg kvenfyrirlitning.
— Rafn Steingríms (@rafnsteingrims) November 28, 2018
Þurfum við eitthvað að ræða það lengur hvort íslensk stjórnmál séu spillt? https://t.co/n7FrranHBH
— Guðmundur Hörður (@gudmundurhordur) November 28, 2018
Árið er 2018 og þingmaður og áður ráðherra hefur orðið:
— Sara Dögg (@saradoggsvan73) November 29, 2018
“Geir slapp í gegnum þetta eins og smjör á smokknum hjá honum þarna Friðriki Ómari.“ #fordómarnirlifa
Leyniupptaka: Gunnar Bragi https://t.co/bLuPWlhFIh
Mamma kallaði þetta fyrir árihttps://t.co/KpVYoeZB3d
— Jón Kristinn (@jonkaerr) November 28, 2018
Þessi maður þarf að skríða aftur inn í hellinn sinn ... úff. Þingmaður Miðflokksins kallar Ingu Sæland „húrrandi klikkaða kuntu“ https://t.co/EyTLU2RKPw via @stundin
— Þorsteinn Guðmunds (@ThorsteinnGud) November 28, 2018
Frábær leið til þess að biðjast afsökunar er að gera eitthvað í málunum. Skipta um starf, fara í endurmenntun, leita sér hjálpar. Bara svona að benda á það.
— Þorsteinn Guðmunds (@ThorsteinnGud) November 29, 2018
Fyrrverandi borgarstjóri tekur þátt í umræðunni:
þetta er svo gott stöff; bjór, bílasalar og pólitík https://t.co/aADfYXk6VB
— Jon Gnarr (@Jon_Gnarr) November 28, 2018
Twitter-notendur slá einnig á létta strengi:
Var símalaus að flytja í allt kvöld. Gott að það gerðist ekkert á internetinu á meðan.
— Atli Fannar (@atlifannar) November 28, 2018
Það verður líklega bara rólegt hjá smjörinu í mötuneyti Alþingis á morgun.
— Bragi Valdimar (@BragiValdimar) November 28, 2018
Spurningin sem brennur á mér er samt þessi: Hvar á hot or not miðflokksskalanum er ég?
— Karen Kjartansdottir (@karendrofn) November 28, 2018