„Það er ljóst að nefndin mun hittast, fara yfir erindi Alþingis og skila í kjölfarið áliti sínu til forsætisnefndar,“ segir Ásta Ragnheiður Jóhannesdóttir, formaður siðanefndar Alþingis, í samtali við Morgunblaðið.

Fær nefndin mál þeirra sex þingmanna sem nýverið viðhöfðu gróft og niðrandi orðalag um samþingmenn sína og minnihlutahópa í samfélaginu á knæpu í miðborg Reykjavíkur og verður  kannað sem mögulegt siðabrotamál.

Ásta Ragnheiður segist ekki geta svarað því hversu langan tíma vinna nefndarinnar mun taka. „Við höfum einu sinni komið saman til umsagnar um þingmál. Það tók stutta stund að skila því áliti,“ segir hún, en auk hennar skipa þau Hafsteinn Þór Hauksson, dósent við lagadeild Háskóla Íslands, og Salvör Nordal, doktor í heimspeki og umboðsmaður barna, siðanefnd Alþingis.

Tengdar fréttir

Klaustursmálið

„Hann var fríaður af öllum áburði“

• „Þetta var ekkert smá“
• Gagnrýnir skipun Karls Gauta
• Klaustur bar breytir um nafn
• Klausturmálið „birtingarmynd öfgahægris“

» Fleiri tengdar fréttir