Unnið að styrkingu innviða

Á árunum 2009 til 2017 fjölgaði umsóknum um alþjóðlega vernd ...
Á árunum 2009 til 2017 fjölgaði umsóknum um alþjóðlega vernd úr 35 í 1096 sem er 32 földun. mbl.is/Hari

Dómsmálaráðherra hefur stigið ákveðin skref í þá átt að auka skilvirkni hjá Útlendingastofnun og styrkja innviði stofnunarinnar. Þetta er gert með hliðsjón af nýlegri skýrslu ríkisendurskoðunar um Útlendingastofnun.

Í nýrri skýrslu ríkisendurskoðunar um Útlendingastofnun kemur fram að mikilvægt sé að bæta skilvirkni við afgreiðslu umsókna um dvalarleyfi og alþjóðlega vernd. Dómsmálaráðherra tekur undir að skilvirkari framkvæmd laga sé ávallt kostur, bæði þegar kemur að mannúð í málefnum útlendinga og ábyrgri nýtingu opinbers fjár.

Í skýrslunni er meðal annars lagt til að upplýsingakerfi stofnunarinnar verði bætt svo stytta megi enn frekar málsmeðferðartíma við afgreiðslu umsókna, þá veiti rafræn stjórnsýsla einnig betri upplýsingar sem dragi úr álagi á starfsfólk. Skoða ætti verklagsreglur og þörf á nýjum verklagsreglum til að auka málshraða og gæði afgreiðslu umsókna.

Dómsmálaráðherra hefur þegar tekið ákveðin skref svo bæta megi skilvirkni hjá Útlendingastofnun og hraða afgreiðslu umsókna til dæmis með breytingu á reglugerðum auk þess sem nú liggur fyrir frumvarp á Alþingi sem m.a. er ætla að tryggja skilvirkari málavinnslu. Þá er unnið að frekari endurskoðun á lögunum sem taka skal mið af því að auka skilvirkni.

Ríkisendurskoðun fjallar einnig um mikilvægi raunsærrar áætlunargerðar í skýrslu sinni og að hún byggist á hlutlægum upplýsingum og styðjist við mælanleg markmið. Dómsmálaráðherra hefur þegar hafið vinnu við að styrkja innviði Útlendingastofnunar með það að markmiði að meiri stöðugleiki færist yfir starfsemina ásamt því að hafa endurskoðað markmið í fjármálaáætlun um málsmeðferðartíma til að gera þau ítarlegri og raunhæfari, segir á vef dómsmálaráðuneytisins.

Stefnt að málsmeðferð taki 150 daga

„Á árunum 2009 til 2017 fjölgaði umsóknum um alþjóðlega vernd úr 35 í 1096 sem er 32 földun og handhöfum dvalarleyfis fjölgaði úr 1.851 í 4.326 eða um 134%. Mikill árangur hefur hins vegar náðst í að stemma stigu við umsóknum frá öruggum ríkjum og hefur hlutfall þeirra af heildarfjölda umsókna fallið úr um 80% árið 2016 í um 10% árið 2018. Framlög ríkisins til málaflokksins jukust tæplega 18 falt frá 2009 til 2017.

Þá hefur nokkur árangur náðst við styttingu málsmeðferðartíma hjá Útlendingastofnun. Málsmeðferðartími vegna umsókna um alþjóðlega vernd styttist úr 174 dögum árið 2009 í 121 dag árið 2017. Ný markmið um málsmeðferðartíma hafa verið sett fram í fjármálaáætlun fyrir árin 2019-2023, þ.e. að árið 2019 taki efnismeðferðarmál 150 daga, Dyflinnarmál 40-90 daga og forgangsmál 3-14 daga og að árið 2023 verið efnismeðferðarmál komin niður í 70 daga, Dyflinnarmál í 40 daga og forgangsmálin í 3 daga.

Dómsmálaráðherra mun hafa skýrslu ríkisendurskoðunar til hliðsjónar við áframhaldandi þróun í málaflokknum svo áfram megi afgreiða umsóknir um dvalarleyfi og alþjóðlega vernd hratt og örugglega í samræmi við gildandi lög, með mannúð að leiðarljósi,“ segir á vef dómsmálaráðuneytisins.

mbl.is

Innlent »

Þórdís vill taka á kennitöluflakki

18:36 Atvinnuvegaráðherra hefur lagt fram lagafrumvarp sem ætlað er að stemma stigu við misnotkun á hlutafélagaforminu og er þar kennitöluflakk í atvinnurekstri fyrst og fremst undir. Í því er að finna tillögur um að hægt verði að úrskurða einstaklinga í atvinnurekstrarbann í allt að þrjú ár með dómi. Meira »

Ráðherra settist við saumavélina

17:55 Guðmundur Ingi Guðbrandsson, umhverfis- og auðlindaráðherra, var liðtækur á Umhverfisdegi Kvenfélagasambands Íslands í dag þar sem áhersla var lögð á fatasóun. Meira »

Leita að betra hráefni í fiskafóður

17:25 Lirfur sem éta afganga frá matvælaframleiðslu og sveppir sem nærast á hliðarafurðum úr skógrækt gætu verið framtíðin í fóðrun eldisfisks. Meira »

„Ríkistjórnin í spennitreyju“

17:20 „Við erum bara að lesa þetta núna en okkur sýnist fátt vera nýtt nema kannski það að það er að koma í ljós það sem fjármálaráð varaði við, að ríkisstjórnin er komin í spennitreyju og hún þarf að grípa til niðurskurðarhnífsins,“ segir Logi Már Einarsson, formaður Samfylkingarinnar. Meira »

Metþátttaka í stærðfræðikeppni

17:15 Úrslitakeppni Pangea stærðfræðikeppninnar fór fram í dag, en þar öttu kappi 86 nemendur sem komist höfðu í gegn um fyrstu tvær umferðir keppninnar. Meira »

Fæðingarorlof lengt í 12 mánuði

16:48 Félags- og barnamálaráðherra hyggst setja af stað vinnu við heildarendurskoðun laga um fæðingar- og foreldraorlof í samráði við hagsmunaaðila. Þetta kynnti hann á ríkisstjórnarfundi fyrir helgi og sagði vel við hæfi enda verða liðin 20 ár frá gildistöku laganna árið 2020. Samhliða þessu er stefnt að því að fæðingarorlof verði lengt í 12 mánuði. Meira »

Kokkar keppa í Hörpu

16:38 Keppnin Kokkur ársins 2019 fer nú fram í Hörpu og stendur hún fram á kvöld, eða þegar nýr kokkur ársins verður krýndur þar um kl 23 í kvöld. Meira »

Nemendur þurft að taka frí að læknisráði

16:30 Edda Borg ólst upp í Bolungarvík og flutti 16 ára gömul til Reykjavíkur. Hún gifti sig 17 ára og byrjaði að búa í Hollywood. Tónskóla Eddu Borg stofnaði hún rúmlega tvítug en skólinn fagnar 30 ára afmæli í vor. Hún greindist með MS-sjúkdóminn árið 2007. Meira »

Vann söngkeppnina með Wicked Games

16:20 Þórdís Karlsdóttir úr félagsmiðstöðinni Bólinu í Mosfellsbæ fór með sigur af hólmi í Söngkeppni Samfés sem fram fór í dag, en þar flutti hún lagið Wicked Games eftir Chris Isaak með glæsibrag. Meira »

Báturinn kominn til Ísafjarðar

16:08 „Þeir komu rétt fyrir þrjú til Ísafjarðar og það er verið að vinna í því þar og okkar formlegu aðkomu er þannig séð lokið,“ segir Jónas Guðmundsson, hjá Slysavarnafélaginu Landsbjörg, um bát sem strandaði á Jökulfjörðum fyrr í dag. Meira »

Yfir 40 milljarðar til háskólanna

15:51 Framlög ríkisins til háskólastigsins mun hækka á næstu árum og mun fara yfir 40 milljarða króna árið 2023 samkvæmt fjármálaáætlun 2020 til 2024, a því er fram kemur í fréttatilkynningu frá Mennta- og menningarmálaráðuneytinu. Meira »

Vatnsleki í ofni 2 hjá PCC Bakka

15:39 Ofn 2 í kísilveri PCC Bakka hefur verið til vandræða og berst starfsfólk við vatnsleka frá kælikerfinu. Bregðast þarf við því með viðgerð og var slökkt á ofninum í gær. Meira »

Haraldur með bestu fréttaljósmyndina

15:38 Árleg sýning íslenskra blaðaljósmyndara opnaði klukkan 15 í dag í Smáralind og við opnunina voru ljósmyndurum veitt verðlaun fyrir bestu myndir ársins 2018. Haraldur Jónasson, ljósmyndari Morgunblaðsins og mbl.is, átti bestu mynd í fréttaflokki. Meira »

Óvissuþættir í fjármálaáætlun

14:47 Fjármálaáætlun ríkisstjórnarinnar 2020 til 2024 gerir ráð fyrir að hægi á hagvexti, en að hann haldist um 2,5% á tímabilinu. Bjarni Benediktsson fjármálaráðherra segir í samtali við mbl.is að hann geri sér grein fyrir því að forsendur áætlunarinnar geti breyst. Meira »

Ákærður fyrir nauðgun og líkamsárás

13:48 Héraðssaksóknari hefur ákært karlmann fyrir kynferðisbrot og blygðunarsemisbrot gegn ósjálfráða manni á heimili sínu fyrir þremur árum. Meira »

4 milljörðum meira til samgöngumála

13:15 Fjögurra milljarða viðbótaraukning verður frá gildandi fjármálaáætlun til samgönguframkvæmda frá og með árinu 2020. Þetta kemur fram í nýrri fjármálaætlun fyrir árin 2020 til 2024 sem var kynnt í dag. Meira »

Krefst viðbótargreiðslu vegna Herjólfs

12:55 Skipasmíðastöðin Crist S.A., sem hefur nánast lokið smíði nýs Herjólfs, gerir kröfu um viðbótargreiðslur sem ekki eru í samræmi við samninginn um smíðina. Vegagerðin hefur hafnað kröfunni. Meira »

47 þúsund Íslendingar búa erlendis

12:46 Rúmlega 47 þúsund Íslendingar eru búsettir erlendis og 44 þúsund erlendir ríkisborgarar eru búsettir hér á landi, að því er fram kemur í yfirliti Þjóðskrár yfir skráningu einstaklinga. Þá var fjöldi einstaklinga sem búsettir voru á Íslandi 356.789 þann 1. desember 2018. Meira »

Bátnum náð af strandstað

12:24 Búið er að ná bátnum sem var strandaður á Jökulfjörðum af strandstað. Björgunarskipið Gunnar Friðriksson er með hann í togi á leið til Ísafjarðar og björgunarbáturinn Gísli Hjalta fylgir þeim. Meira »
Jöklar - Hús fyrir ferðaþjónustu
Jöklar hafa átt miklu fylgi að fagna frá því þau komu fyrst á sjónarsviðið, vori...
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...
ÚTI HRINGSTIGAR
Vantar stiga af svölunum ofan í garðinn ? Stærð 120, 140 og 160 cm og eftir mál...