Heilsubótarganga um heilabúið

Bruce Dickinson er maður eigi einhamur og hefur komið víða ...
Bruce Dickinson er maður eigi einhamur og hefur komið víða við um dagana. Ljósmynd/John McMurtrie

„Þetta er svolítið eins og rokk og ról útgáfa af Billy Connolly, ef þú veist hver hann er? Breskur háðfugl. Í grunninn er þetta sumsé spéspegill en byggður á mínu eigin lífi; allt frá því að ég gekk í furðulegan enskan heimavistarskóla, fór í háskóla, byrjaði að syngja í rokkböndum, tók undarleg fíkniefni – og útskýri fyrir ykkur hvað gerist við þær aðstæður, – gekk til liðs við Iron Maiden sem fljótlega varð stærsta rokkband í heimi, hætti í bandinu og gerðist atvinnuflugmaður. Sneri svo aftur og tróð upp á stríðshrjáðum svæðum og víðar. Að ekki sé talað um alla hina vitleysuna sem ég hef gert gegnum tíðina. Til að gera langa sögu stutta vona ég að þetta sé fyndin og skemmtileg kvöldstund af – í raun og veru mér. Þið fáið mig í tvo og hálfan tíma og lítist ykkur ekki á það, skuluð þið bara halda ykkur heima.“

Þetta segir Bruce Dickinson, söngvari Iron Maiden, atvinnuflugmaður, rithöfundur, frumkvöðull, bjórbruggari og skylmingaklappi með meiru, í einkaviðtali við Sunnudagsblað Morgunblaðsins en tilefnið er sýningin sem hann verður með í Hörpu sunnudagskvöldið 16. desember kl. 20.30, Hið talaða orð.  

Umboðsmaðurinn skelfur

– Hvar fékkstu þessa hugmynd?

 „Eins og svo margt annað í þessu lífi gerðist það fyrir tilviljun. Við getum líka kallað það þróun. Forleggjari minn vildi fá mig til að lesa upp í einhverjum leikhúsum til að kynna ævisögu mína sem kom út á síðasta ári [What Does This Button Do?]. Allt í lagi, sagði ég, en fannst hugmyndin þó frekar óspennandi. Þá spurðu þeir hvort ég vildi hafa mann með mér á sviðinu til að spyrja mig spjörunum úr. Það hljómaði of sviðsett fyrir minn smekk, ennþá minna spennandi. Þess vegna spurði ég hvort við gætum ekki frekar gengið út frá spuna og spjalli við áhorfendur. Á þeim tímapunkti fór umboðsmaðurinn minn að skjálfa á beinunum; hann er logandi hræddur við orðið „spuni“; óttast að allt fari í handaskolum við þær aðstæður. Sem er auðvitað hárrétt hjá honum – og þess vegna er það skemmtilegt.“ 

Hann skellir upp úr.

 „Alltént. Ég ákvað að láta vaða og þegar ég var að setja sýninguna saman studdist ég við tækni sem ég kynntist fyrir ótalmörgum árum hjá manni sem hét Quentin Crisp. Ég var í háskóla á þessum tíma, seint á áttunda áratugnum, og fór að sjá sýninguna hans með kærustunni minni. Crisp var ótrúlegur maður; mjög litríkur ríkisstarfsmaður, byltingarkenndur og hýr og varð fyrirmynd stráka á borð við Boy George. Gerð var um hann kvikmynd, Nakti ríkisstarfsmaðurinn, með John Hurt í aðalhlutverki. Í sýningunni talaði Crisp aðallega um tísku og stíl, sem ég hef ekki hundsvit á, en skemmti mér eigi að síður konunglega. Maðurinn var svo óborganlega fyndinn. Eftir að hafa látið vaða á súðum í klukkustund eða svo gerði Crisp stutt hlé á sýningunni og á meðan skrifuðu áhorfendur spurningar á spjöld sem hann fór síðan í gegnum og svaraði eftir hlé. Þetta gerði hann af mikilli snilld og ég hef aldrei gleymt þessu, þannig að þegar þessi hugmynd kom upp, að ég yrði sjálfur með eins manns sýningu, þá var ég strax ákveðinn í að byggja hana upp með svipuðum hætti. Það eru því í reynd áhorfendur sem skrifa handritið að seinni hluta sýningarinnar.“

Bruce Dickinson er mesti orkuboltinn í málmheimum og þótt víðar ...
Bruce Dickinson er mesti orkuboltinn í málmheimum og þótt víðar væri leitað. Hann slær hvergi af þótt hann standi nú á sextugu. Þessi mynd er tekin á tónleikum Iron Maiden á þessu ári. Ljósmynd/John McMurtrie

Gaman og alvara

– Og hefur þeim tekist að koma þér í opna skjöldu?

„Heldur betur. Ég hef fengið margar frábærar spurningar. Í kvöld verða til dæmis átta hundruð til eitt þúsund manns í salnum hérna í Tel Aviv, þannig að ég gæti fengið allt að eitt þúsund spurningar. Eðli málsins samkvæmt get ég ekki svarað þeim öllum, þannig að ég vel þær áhugaverðustu. Sumar spurningar hafa verið svo fyndnar að nóg er að lesa þær upp og fólk springur úr hlátri.“

Þess má geta að fram að þessu hefur Dickinson troðið upp á Norðurlöndum, í Lundúnum, New York og nú síðast var hann í Ástralíu, þar sem hann fékk glimrandi dóma.

– Er fólk mest á húmorískum nótum eða spyr það um alvarlegri mál, eins og til dæmis pólitík?

„Nei, ég reyni að sneiða hjá pólitík. Nóg er nú víst vitleysan í heiminum fyrir án þess að ég fari að bæta þar við. Út af fyrir sig finnst mér líf mitt sem rokkstjörnu alveg nógu fyndið enda hef ég alltaf skoðað sjálfan mig í kaldhæðnu ljósi. Spyr fólk: Trúið þið því að þessi fábjáni fái að troða upp frammi fyrir öllu þessu fólki? Hvernig í ósköpunum getur það gerst? Út af þessu legg ég.
En öllu gamni fylgir alvara og ég vík mér ekki undan alvarlegri málum, eins og þegar ég greindist með krabbamein í hálsi um árið. Vilji fólk spyrja um þá baráttu er það velkomið; ég dreg ekkert undan og sting engu undir stól. Ég er að þessu af heilum hug; þetta er ekki kynningarherferð fyrir Iron Maiden heldur eins manns sýning byggð á lífi mínu og öllu því sem á daga mína hefur drifið, góðu og slæmu. Og ég hef upplifað eitt og annað. Ég fylgi aldrei handriti, þó ég sé með ákveðinn ramma í huga þegar ég byrja, og engar tvær sýningar eru eins. Eigum við ekki bara að kalla þetta heilsubótargöngu um heilabúið á mér? Þar sem allt getur gerst.“

Hann hlær.

Hræðsla hjálpar ekki til

– Þú nefnir krabbameinið. Breytti það sýn þinni á lífið?

„Það var sannarlega lífsreynsla að fá krabbamein og fólk spyr mig mikið um það. Það er ósköp eðlilegt; fólk er almennt hrætt við krabbamein og engan langar að sitja andspænis lækni sem segist ekki vera með góðar fréttir. Mín afstaða er sú að hvetja fólk til að láta ekki hræðsluna bera sig ofurliði enda getur það aldrei hjálpað við aðstæður sem þessar. Sjálfur notaði ég svartan húmor mikið til að koma mér gegnum þessa baráttu. Hvað á maður svo sem að gera? Þetta er ekki í manns eigin höndum. Enginn veit fyrirfram hvort meðferðin kemur til með að duga eður ei. Þetta var ekki auðveldur tími fyrir mig enda er ég óþolinmóður maður að upplagi og vil helst gera hlutina í gær. En þarna þurfti ég bara að bíða og vona. Á endanum fór þetta vel.“

Flugstjórinn Bruce Dickinson fyrir framan Ed Force One, hirðþotu Iron ...
Flugstjórinn Bruce Dickinson fyrir framan Ed Force One, hirðþotu Iron Maiden, sem er í eigu Air Atlanta.

 – Þú hefur átt í góðu sambandi við Ísland undanfarinn hálfan annan áratug eða svo, flaugst meðal annars fyrir Iceland Express og leigðir flugvél af Air Atlanta, Ed Force One, fyrir tónleikaferð Iron Maiden. Lagðirðu áherslu á að koma með sýninguna hingað?

„Já, mig langaði að koma til Íslands. Að hluta til vegna þess að ég hef ekki komist þangað nógu oft seinustu árin. Ég var mikið á Íslandi þegar ég starfaði fyrir Iceland Express. Seinast kom ég þangað til að semja við Magnús [Ásgeirsson], sölustjóra Air Atlanta, um leiguna á vélinni, þannig að þetta er orðinn alltof langur tími. Nei, fyrirgefðu, nú skrökva ég að þér. Það er styttra síðan ég kom. Ég átti lítið flugfélag í tvö ár eða svo og við vorum kallaðir upp eftir tímabundið þegar WOW var að stækka og bjó ekki að nægilega mörgum flugmönnum. Ég flaug nokkrar ferðir til Kaupmannahafnar fyrir þá. Og drap enn og aftur niður fæti á írska barnum í Keflavík vegna þess að flugvélin okkar bilaði þegar við vorum að fara heim. Við þurftum að bíða í tvo daga eftir varahlutum.

Ég er mjög hrifinn af Íslandi og langar við tækifæri að skoða landið á dýptina; ekki bara Reykjavík og hverina. Ég hef líka unnið fyrir marga Íslendinga gegnum tíðina. Toppfólk, allir sem einn.“

Þið hafið ömurlegan húmor!

– Sumir segja að við höfum svipaðan húmor, Íslendingar og Bretar. Er það þín upplifun?
„Hvað áttu við? Þið hafið ömurlegan húmor,“ fullyrðir Bruce og hlær með bakföllum. Nær svo andanum á ný og bætir við: „Nei, nei. Bara að grínast. Svarið er vitaskuld já.“

Viðtalið í heild má lesa í Sunnudagsblaði Morgunblaðsins. 

Innlent »

Vilja að hætt verði við kísilverið

Í gær, 23:55 Arion banki og Thorsil eru í yfirlýsingu frá meirihluta bæjarfulltrúa í Reykjanesbæ hvött til að falla frá öllum áformum um uppbyggingu og rekstur kísilmálmverksmiðja í Helguvík. Hvetja bæjarfulltrúarnir fyrirtækin þess í stað til að taka frekar þátt í annarri atvinnuuppbyggingu Meira »

„Risastórt lífskjaramál“

Í gær, 22:20 Katrín Jakobsdóttir, forsætisráðherra, sagði húsnæðismál risastórt kjaramál í viðtali við Kastljós í kvöld, en átakshópur um fram­boð á íbúðum og aðrar aðgerðir til að bæta stöðu á hús­næðismarkaði kynnti í dag tillögur sínar í þeim efnum. Meira »

Hrói höttur í Firðinum

Í gær, 21:50 Bogfimi er kennd víða um land og nýjasta félagið á þeim vettvangi er Bogfimifélagið Hrói höttur í Hafnarfirði. Félagið var stofnað 3. september 2018 og fyrsta námskeiðið hófst í íþróttahúsi Hraunvallaskóla 3. desember síðastliðinn. Meira »

Ráðherra hafi ekki verið hæfur

Í gær, 21:30 Mál Laxinn lifi, Náttúruverndarsamtaka Íslands, Akurholts ehf., Geiteyrar ehf., Ara P. Wendel, Víðis Hólm Guðbjartssonar, Atla Árdal Ólafssonar, Varplands hf. Og Veiðifélags Laxár á Ásum gegn Arctic Sea Farm hf. annars vegar og Fjarðarlaxi ehf. hins vegar, var þingfest í Héraðsdómi Reykjavíkur í dag. Meira »

Skoða tímabundna notkun Sólvangs

Í gær, 21:10 Mikil vinna hefur verið unnin í heilbrigðisráðuneytinu svo fjölga megi hjúkrunarrýmum og finna leiðir til að tryggja mönnum hjúkrunarfræðinga. Þetta kom fram í svörum heilbrigðisráðherra á Alþingi í dag. 140 ný hjúkrunarrými bætist við í ár og þá sé verið að skoða tímabundna notkun Sólvangs. Meira »

Hafi sætt „ofbeldi, ofsa og yfirgangi“

Í gær, 20:40 Sveitarstjórnarmenn voru ómyrkir í máli í bókunum sínum á fundi sveitarstjórnar Reykhólahrepps í dag þegar tekin var ákvörðun um að auglýsa aðalskipulagsbreytingu sem gerir ráð fyrir Teigskógarleið á Vestfjarðavegi. Lögðu þeir m.a. til að réttarstaða gegn Vegagerðinni yrði skoðuð. Meira »

Skapað verði aðgengi að Ófeigskirkju

Í gær, 20:20 Gert er ráð fyrir því að gera færslu Ófeigskirkju skil í tengslum við friðlýsingu Gálgahrauns. Sumir telja að söguleg álfakirkja sé í grjótbjarginu, sem var fyrir vikið fært úr götustæðinu við gerð Álftanesvegar árið 2015. Meira »

Spaugstofan var afar mikilvæg

Í gær, 20:05 Fyrir stjórnmálin og samfélagið almennt er nauðsynlegt að fjölmiðlar hafi á dagskrá pósta þar sem sagt er frá atburðum líðandi stundar á gamansaman hátt. Hver sá sem hefur ekki húmor fyrir sjálfum sér er illa settur,“ segir Karl Ágúst Úlfsson og telur Spaugstofuna hafa verið mikilvæga að þessu leyti. Meira »

Loksins almennileg norðurljós

Í gær, 19:40 Leiðsögumenn í ferðaþjónustu hafa kvartað undan lítilli norðurljósavirkni í vetur. Á morgun miðvikudag er þó von á að það verði breyting á því. Allmikilli norðurljósavirkni er spáð en jafnframt góðu skyggni víða um land. Meira »

170 viðburðir á Íslandi á formannsárinu

Í gær, 19:35 170 norrænir og alþjóðlegir fundir og viðburðir fara fram á Íslandi næsta árið í tengslum við formennsku Íslands í Norrænu ráðherranefndinni. Þetta var meðal þess sem fram kom á kynningu í Norræna húsinu nú síðdegis, en Ísland tók formlega við formennskunni um síðustu áramót. Meira »

„Samræmist okkar kröfum mjög vel“

Í gær, 18:55 Sólveig Anna Jónsdóttir, formaður Eflingar, er ánægð með tillögur átakshóps um fram­boð á íbúðum og aðrar aðgerðir til að bæta stöðu á hús­næðismarkaði sem kynntar voru í Hannesarholti í dag. Spurð hvernig tillögurnar horfi við yfirstandandi kjaraviðræðum segir hún þær samræmast kröfum Eflingar vel. Meira »

„Risastórt skref í átt að lausn“

Í gær, 18:15 „Ef það tekst að framkvæma þessar hugmyndir eða bróðurpartinn af þeim þá mun það vera risastórt skref í átt að lausn kjaradeilunnar,“ segir Ragnar Þór Ingólfsson, formaður VR, um tillögur átakshóps um aukið framboð á íbúðum og aðrar aðgerðir til að bæta húsnæðismarkaðinn. Meira »

Mögulegur grunnur að lausn kjarasamninga

Í gær, 17:42 „Það er ánægjulegt að sjá að tillögurnar eru komnar fram. Það sem mest er um vert, er að það næst sátt um tillögurnar í þessum stóra hópi og það hlýtur að vera upphaf að einhverju,“ segir Halldór Benjamín Þorbergsson, framkvæmdastjóri Samtaka atvinnulífsins. Meira »

194 bílar Volvo innkallaðir

Í gær, 17:02 Brimborg kallar inn 194 díselbíla frá Volvo eftir að upp hefur komist galli í eldsneytisröri sem gerir það að verkum að myndast sprungur og getur farið að leka. Þetta staðfestir Brimborg, umboðsaðili Volvo á Íslandi, í svari við fyrirspurn mbl.is. Meira »

Stal úr söluvagni flugfreyju

Í gær, 16:57 Erlendur karlmaður var gripinn í Flugstöð Leifs Eiríkssonar í gær með snjallúr og rakspíra, sem hann var grunaður um að hafa tekið ófrjálsri hendi í fríhöfninni. Fyrst í stað þrætti maðurinn fyrir að hafa stolið mununum, en sá svo að sér og játaði stuldinn. Meira »

Undir áhrifum á flótta frá lögreglu

Í gær, 16:55 Karlmaður á fertugsaldri sem var handtekinn á stolnum bíl á Viðarhöfða síðastliðinn fimmtudag að lokinni eftirför lögreglu er grunaður um akstur undir áhrifum fíkniefna og án ökuréttinda. Meira »

Lýst eftir Land Rover Discovery

Í gær, 16:44 Lögreglan á höfuðborgarsvæðinu lýsir eftir svörtum Land Rover Discovery árgerð 2014 með skráningarnúmerið TL-L94 en honum var stolið í nótt frá Bjarnarstíg í Reykjavík. Meira »

Rútur lentu utan vegar við Vík

Í gær, 16:40 Tvær rútur höfnuðu utan vegar vegna mikillar hálku á sama sólarhring í nágrenni við Vík í Mýrdal. Lítil hætta skapaðist en aðstoð björgunarsveita þurfti til að koma þeim aftur upp á veginn. Meira »

Innkalla sítrónufrómas úr Krónunni

Í gær, 16:01 Krónan, í samráði við Heilbrigðiseftirlit Reykjavíkur, hefur innkallað Blomsterbergs citronfromage vegna ómerktra ofnæmis- og óþolsvalda, en í vörunum er að finna möndlur og hnetur. Meira »
INTENSIVE ICELANDIC,ENGLISH, NORWEGIAN & DANISH f. foreigners - ÍSLENSKA f. útl - - ENSKA f. fullorðna - DANSKA- NORSKA
ÍSLENSKA, ENSKA, NORSKA, DANSKA: I, II, III, IV, V, VI: 2019:SPRINGTERM / VO...
Ljósmyndanámskeið fyrir byrjendur
Ljosmyndari.is býður upp á fjölmörg námskeið á árinu 2019. 2ja daga ljósmyndanám...
Gæðamotta keypt í Persíu, stærð 2x140,.
Gæðamotta keypt í Persíu, stærð 2x140. Verð 4000. Upplýsingar í síma 6942326 eða...
Sendibílaþjónustan Skutla. Sími 867-1234
Tökum að okkur allrahanda sendibílaþjónustu á sanngjörnu verði. Sjá nánar á www....