„Alls engin“ viðbrögð við neyðarkalli

Á flugi í átt að flugvellinum að Gjögri í Árneshreppi.
Á flugi í átt að flugvellinum að Gjögri í Árneshreppi. mbl.is/Árni Sæberg

Oddviti Árneshrepps hefur sent fjölmörg bréf til ráðamanna í gegnum tíðina með áskorun um samgöngubætur í þessu minnsta sveitarfélagi landsins. Fyrir slíkum bótum hafa oddvitar sem á undan gengu einnig barist. Yfirleitt hafa viðbrögðin verið lítil sem engin og aldrei jákvæð.

Þannig er því einnig farið með nýjasta bréf oddvitans sem hann sendi þingmönnum Norðvesturkjördæmis og samgöngunefnd Alþingis. Í því lýsir hann örvæntingu margra sveitunga sinna og segir að ef ekkert verði að gert á næstu misserum gæti það hreinlega orðið of seint. Byggðin gæti lagst af. „Það eina sem getur veitt okkur vonir um bjartari og betri framtíð er að samgöngur muni batna á allra næstu árum,“ skrifar oddvitinn Eva Sigurbjörnsdóttir. Hún segist í samtali við mbl.is vilja trúa því og treysta að þeir sem fengu bréfið séu enn að reyna að finna leiðir til að gera eitthvað í málunum og að það skýri þögnina. Annað bréf hafði hún sent í haust til sömu aðila með ósk um aukinn snjómokstur. Við því hefur hún heldur engin viðbrögð fengið, „alls engin“.

Raunverulegt hætta á ferðum

Eva segir raunverulega hættu á því að sveitarfélagið fari í eyði verði ekki af úrbótum í samgöngumálum. Á síðustu mánuðum hafi sex manns flutt úr sveitarfélaginu, m.a. þeir sem ráku búðina. Í vetur sé því hvorki rekin búð né skóli því eina barnið í Árneshreppi stundar nú nám á Drangsnesi. Aðeins sautján manns hafa nú vetursetu í sveitarfélaginu og hafa aldrei verið jafnfáir.

Eva Sigurbjörnsdóttir, oddviti Árneshrepps.
Eva Sigurbjörnsdóttir, oddviti Árneshrepps. mbl.is/Golli

Íbúar Árneshrepps hafa árum og áratugum saman krafist vegabóta yfir Veiðileysuháls, einn mesta farartálmann að vetrarlagi í hreppnum. Nýr vegur var kominn á samgönguáætlun fyrir hrun en af gerð hans varð ekki á þeim tíma. Síðan þá hefur framkvæmdunum ítrekað verið slegið á frest. Og þannig er það enn, engra úrbóta er að vænta á næstu árum.

Að auki er vegurinn um hreppinn aðeins mokaður einu sinni í viku fram að áramótum. Eftir það er hann ekkert mokaður til 20. mars ár hvert, þrátt fyrir að það væri vel gerlegt. Ráðamenn hafa sagt að hægt sé að moka en aðeins ef sveitarfélagið greiði helming kostnaðarins. Það er of stór biti fyrir hið fámenna sveitarfélag á Ströndum.

Flugið ekki raunverulegur valkostur

Á hinu moksturslausa tímabili er flogið milli Reykjavíkur og Gjögurs tvisvar í viku og á það benda ráðamenn gjarnan þegar farið er fram á tíðari mokstur. En fargjöldin eru dýr. Kostnaðurinn er á bilinu 30-50 þúsund báðar leiðir. Því er það að mati Evu ekki raunverulegur og ásættanlegur valkostur fyrir alla. „Ef hjón þurfa að fljúga suður er kostnaðurinn jafnvel um 80 þúsund,“ bendir hún á.

Þar sem búðin sé lokuð þurfi íbúarnir auk þess að aka til nágrannasveitarfélags til að kaupa í matinn eða fá matinn sendan með flugi. Hver tuttugu kíló sem flutt eru kosta hins vegar að sögn Evu yfir 5.000 krónur. „Þetta kostar allt of mikið að mati þeirra sem þurfa að nýta sér þetta,“ segir Eva. Því hafi matarreikningurinn hækkað hjá fólki og eigi enn eftir að gera það eftir áramót þegar vegurinn er ekki mokaður mánuðum saman. „Ástandið er því miklu verra hjá okkur núna en í fyrra þegar við höfðum búðina.“

Vegagerðin mokar ekki veginn um Árneshrepp á margra vikna tímabili ...
Vegagerðin mokar ekki veginn um Árneshrepp á margra vikna tímabili frá áramótum og til síðari hluta marsmánaðar. Ljósmynd/Vegagerðin

Eva segist allt annað en sátt með viðbrögð þingmanna Norðvesturkjördæmis í gegnum tíðina við kröfum um úrbætur í samgöngumálum í Árneshreppi. Hún segir þau þó að einhverju leyti skiljanleg, þeir hafi í óteljandi horn að líta. Vegasamgöngur víða um kjördæmið eru í lamasessi og fjölmörg verkefni aðkallandi. „En við sitjum alltaf á hakanum. Það er bara þannig.“

Vonar að virkjun fylgi vegbætur

Eva er raunverulega farin að óttast að byggð leggist af í Árneshreppi að vetrarlagi. „Já, í hreinni alvöru óttast ég það.“ Hún bindur hins vegar enn vonir við að verði af byggingu Hvalárvirkjunar muni hlutirnir horfa til betri vegar – í bókstaflegri merkingu – sum sé að virkjanaframkvæmdunum muni fylgja vegbætur í sveitarfélaginu. Verði af virkjun munu framkvæmdir þó ekki hefjast fyrr en í fyrsta lagið árið 2020 og miðað við samgönguáætlun stendur ekki til að leggja nýjan veg um Veiðileysuhálsinn torfæra fyrr en í lok fyrirhugaðs framkvæmdatíma.

Framkvæmdaaðilinn, Vesturverk, lýsti nýverið í bréfi til hreppsnefndarinnar áhyggjum af ástandi vega og tímasetningu nýframkvæmda Vegagerðarinnar eins og þær birtast í samgönguáætlun. Þó að til standi að beina flutningum sem tengjast fyrirhugaðri virkjun eins mikið og mögulegt er sjóleiðina verði flutningar á landi alltaf einhverjir. „Ljóst má því vera að vegurinn í óbreyttu ástandi mun skemmast illa af umferðinni sem framkvæmdunum fylgir,“ stóð í bréfi Vesturverks.

Reykjarfjarðarkamb, sem ævinlega er kallaður Kamburinn, ber tignarlega við himin ...
Reykjarfjarðarkamb, sem ævinlega er kallaður Kamburinn, ber tignarlega við himin við byggðina á Gjögri í Árneshreppi. mbl.is/Sunna

Ætlar að skrifa enn eitt bréfið

Oddvitinn hefur einnig sent þetta bréf Vesturverks til þingmanna og samgöngunefndar Alþingis. Og bíður enn viðbragða við því.

„Nú er ég að hugsa um að setjast við skriftir eina ferðina enn,“ segir Eva sem vill ekki missa vonina og æskir þess að viðbrögðin verði jákvæð nú, enda framtíð byggðar heils sveitarfélags undir. „Ég ætla að skrifa bréf til forsætisráðherra, fjármálaráðherra og samgönguráðherra og benda þeim á að sennilega væri sú lausn best fyrir okkur að að svo stöddu að við fengjum mokstur í allan vetur tvisvar í viku þegar veður leyfi. Já, ég held áfram að berjast. Það er kominn tími á það að ráðamenn reddi einhverju fyrir okkur, þó að það væri ekki nema þessi mokstur.“

mbl.is

Bloggað um fréttina

Innlent »

Yfir sex hundruð tegundir

20:45 Hjónin Sigurður Þórðarson og Sigrún Andrésdóttir hófu búskap fyrir hálfri öld í húsi á Markarflöt í Garðabæ. Þau byrjuðu fljótt að vinna í garðinum, sem er í dag sannkölluð paradís. Meira »

Stekkur ekki úr sófanum á Laugaveginn

20:00 „Maður stendur ekki bara upp úr sófanum og segist ætla að hlaupa Laugaveginn,“ segir Lilja Ágústa Guðmundsdóttir. Hún varð um síðustu helgi fyrsta konan í aldursflokknum 70 ára og eldri til að klára Laugavegshlaupið en Lilja er 71 árs. Meira »

DV fékk ekki leyfi fyrir umsátri

19:40 Blaðamenn DV fengu ekki leyfi til að sitja fyrir Gunnari Rúnari Sigurþórssyni, sem afplánar á áfangaheimilinu Vernd, í því skyni að ná af honum viðtali líkt og reglugerðir gera ráð fyrir. Þetta staðfestir fangelsismálastjóri. Meira »

Fagnaðarfundir í nýjum hjólabrettagarði

18:25 Júlíus og Jón léku listir sínar í hjólabrettagarðinum nýja á Miðbakka í gær. Þeir fengu sér hressingu á nýjum matarmarkaði en þá greindi á um hvaða drykkur skyldi verða fyrir valinu. Meira »

Bandaríkjaher ræðst í útboð fljótlega

18:14 Bandaríkjaher hefur tilkynnt um fyrirhugað útboð á hönnun og framkvæmdum við þau mannvirki sem herinn hyggst reisa á Keflavíkurflugvelli. Kostnaðaráætlunin nemur 6,2 milljörðum króna. Meira »

GRÓ sótti göngumann á Fimmvörðuháls

17:59 Ný þyrla Landhelgisgæslu Íslands, TF-GRÓ, fór í sitt fyrsta útkall í dag er hún sótti slasaðan göngumann á Fimmvörðuháls. Maðurinn var staddur ofarlega á Morinsheiði ofan Þórmerkur og var ekki alvarlega slasaður. Meira »

Youtube Premium opnar á Íslandi

17:12 Viðbótarþjónusta myndbandsveitunnar Youtube, Youtube Premium, er nú aðgengileg notendum hennar á Íslandi. Þetta tilkynnti vefrisinn Google í vikunni, en Ísland er eitt þrettán nýrra landa sem fá nú aðgang að þjónustunni. Meira »

Horfurnar góðar fyrir hvítfiskinn

17:10 Heilt á litið hefur þróun sölumagns og verðs verið í rétta átt fyrir íslenskan þorsk, ýsu og ufsa. Þetta segir Anna Björk Theodórsdóttir, framkvæmdastjóri Sea Data Center. Samsetning útflutningsins virðist þó vera að taka breytingum og orðið aukning í útflutningi á heilum fiski til verkunar á svæðum þar sem launakostnaður er lægri. Meira »

Fimm lentu í umferðaróhappi

16:41 Umferðaróhapp átti sér stað á Reykjanesbraut eftir hádegi í dag þegar fólksbíll fór út af veginum í námunda við afleggjarann inn á Grindavíkurveg. Meira »

Skjálftahrina í Torfajökli

16:35 Jarðskjálfti, 3,3 að stærð, mældist í Torfajökli í dag kl. 14:15. Skjálftahrina hefur staðið yfir á svæðinu frá því í nótt.  Meira »

„Auðvitað erum við óánægð“

16:24 Bjarni Benediktsson, formaður Sjálfstæðisflokksins, segir í samtali við mbl.is að vitanlega sé hann ekki ánægður með niðurstöður nýjustu skoðanakönnunar MMR um fylgi stjórnmálaflokka. Segir hann að orkupakkamálið hafi reynst erfitt. Meira »

Sækja göngumann á Morinsheiði

16:18 Björgunarsveitir á Suðurlandi eru nú á leið upp á Morinsheiði á gönguleiðinni yfir Fimmvörðuháls, þar sem maður er slasaður á fæti. Það gæti þurft að bera hann niður. Meira »

Gómsætt íslenskt grænmeti til sölu

15:26 „Þetta er allt íslenskt grænmeti og beint frá bændum,“ segir Jón Jóhannsson staðarhaldari á Mosskógum í Mosfellsdal. Kartöflur, gulrætur, blómkál, brokkolí, vorlaukur, laukur, spínatkál og sinnepskál er á meðal þess sem til sölu er. Meira »

Enginn í sveitinni að spá í hræin

14:40 Í námunda við grindhvalahræin í Löngufjörum eru menn lítið að spá í þau. Menn eru frekar að spá í heyskap og búskap. Staðurinn sem hræin eru á er svo fáfarinn að lítil þörf er á að grafa þau, telur bóndi. Meira »

Missti afl og brotlenti

14:29 Lítilli fisvél hlekktist á í flugtaki á Rifi á Snæfellsnesi um tvö í dag. Tveir voru í vélinni og var einn fluttur á heilsugæslu með minni háttar áverka. Meira »

Ítarlegri kröfur í nágrannalöndum

13:15 Litlar kröfur eru gerðar um eignarhald bújarða hér á landi. Samkvæmt meginreglu 1. greinar laga um eignarrétt og afnotarétt fasteigna, sem gilda um allar fasteignir í rýmri merkingu (þ.m.t. land) á Íslandi, er áskilið að menn megi ekki öðlast eignarrétt eða afnotarétt yfir fasteignum nema þeir séu íslenskir ríkisborgarar eða með lögheimili á Íslandi. Meira »

Hitinn fer í allt að 20 stig

12:37 Spáð er norðaustangolu eða -kalda og súld eða dálítilli rigningu austanlands í dag, en skýjað verður með köflum vestan til á landinu og allvíða skúrir síðdegis. Hitinn verður á bilinu 8 til 20 stig, hlýjast í uppsveitum á Suðvesturlandi en kaldast við norður- og austurströndina. Meira »

Dansar þegar nýja nýrað kemur

12:02 María Dungal mun loksins fá nýtt nýra í september eftir áralanga baráttu við nýrnabilunarsjúkdóm. Fréttirnar fékk hún í gær. Hún ætlar ekki í fallhlífastökk, en ætlar í ræktina og að bjóða fólki í mat að aðgerð lokinni. Meira »

Vilja aðgerðir en lítið hefur gerst

09:53 Fjölmargir forystumenn í íslenskum stjórnmálum hafa lýst þeirri skoðun sinni opinberlega á undanförnum árum að nauðsynlegt sé að taka umfangsmikil jarðakaup hér á landi til skoðunar með það fyrir augum að setja þeim ákveðnar skorður. Þá ekki hvað síst forystumenn núverandi ríkisstjórnarflokka. Lítið hefur hins vegar gerst. Meira »
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Fjallatjaldvagn til sölu
Upphækkaður með alvöru fjöðrun. Upplitaður og snjáður, en í góðu lagi, Fortjal...
Vatnshitarar fyrir sumarhús.
Ýmsar gerðir af vatnshiturum 3300w til 24000w fyrir sumarhús, þessi búnaður er f...
Harðviður til húsbygginga
Harðviður til húsabygginga Sjá nánar á www.vidur.is Vatnsklæðning, panill, palla...