Hvernig munu spilin leggjast?

Þingmennirnir sex sem komu við sögu í Klausturmálinu. Efri röð ...
Þingmennirnir sex sem komu við sögu í Klausturmálinu. Efri röð frá vinstri: Sigmundur Davíð Gunnlaugsson, Anna Kolbrún Árnadóttir, Bergþór Ólason og Gunnar Bragi Sveinsson, þingmenn Miðflokksins, auk Karls Gauta Hjaltasonar og Ólafs Ísleifssonar, fyrrverandi þingmanna Flokks fólksins. Samsett mynd

Eftir storminn í íslenskri pólitík undanfarna viku vegna Klausturmálsins ætla þau Katrín Júlíusdóttir, fyrrverandi ráðherra Samfylkingarinnar, og Friðjón R. Friðjónsson, almannatengill hjá KOM, að fara yfir pólitíska landslagið og framhaldið á þingi. Þau verða gestir Bjartar Ólafsdóttur í þættinum Þingvellir á K100 klukkan 10.

Ljóst er að stjórnarandstaðan er sundruð eftir málið meðan ríkisstjórnin er nokkuð þétt á velli og ætla þau Katrín og Friðjón að spá í spilin sem hefur verið kastað upp í loft og hvernig kapallinn leggst þegar storminn lægir.

Þátturinn verður í beinni útsendingu á K100 og hér á mbl.is klukkan 10:00.

Björt Ólafsdóttir, fyrrverandi umhverfisráðherra og Páll Magnússon, þingmaður og fyrrverandi ...
Björt Ólafsdóttir, fyrrverandi umhverfisráðherra og Páll Magnússon, þingmaður og fyrrverandi útvarpsstjóri, stýra þættinum Þingvellir.
mbl.is

Bloggað um fréttina