Enginn sérstakur forgangur fyrir Árneshrepp

Frá snjómokstri í Árneshreppi. Helsti farartálminn er Veiðileysuháls þar sem ...
Frá snjómokstri í Árneshreppi. Helsti farartálminn er Veiðileysuháls þar sem snjóalög eru mikil. Í margar vikur yfir veturinn mokar Vegagerðin ekki veginn. mynd/Jón G. Guðjónsson

Þingmenn Norðvesturkjördæmis hafa brugðist við áskorunum oddvita Árneshrepps um úrbætur í samgöngumálum með því að taka undir sjónarmið hreppsins og halda þeim á lofti, m.a. í starfi samgöngu- og fjárlaganefndar. Hins vegar er nefndarstarf niðurstaða málamiðlana og „þetta er bara niðurstaðan. Við höfum í sjálfu sér ekkert við það að bæta og við verðum líka að kannast við það þegar við komumst ekki lengra“.

Þetta segir Haraldur Benediktsson, þingmaður Sjálfstæðisflokksins og fyrsti þingmaður Norðvesturkjördæmis, um vegabætur í Árneshreppi eins og þær birtast í tillögu að samgönguáætlun. Hann hefur m.a. lagt til við fjárlaganefnd að hreppsnefndin fái fjármagn til að stýra snjómokstri um hreppinn sjálf. Sú hugmynd hafi hins vegar mætt andstöðu þar sem slíkt fyrirkomulag þyki fordæmisgefandi. „En við höfum sum sé velt því upp í samtali við samgönguyfirvöld hvort að hægt væri að mæta þeirra sjónarmiðum með það.“

Þingmennirnir binda nú vonir við það að öllum framkvæmdum verði hægt að flýta verði ný fjármögnunarleið vegagerðar, veggjöld, samþykkt á nýju ári. Það myndi einnig hafa áhrif á fyrirhugaðar vegaframkvæmdir í Árneshreppi. Það mun hins vegar ekki skýrast fyrr en á nýju ári.

Eva Sigurbjörnsdóttir, oddviti í Árneshreppi, sagði í viðtali á mbl.is um helgina að hún hefði ítrekað sent bréf til ráðamanna, m.a. allra þingmanna kjördæmisins, þar sem hún vekur athygli á alvarlegum brotalömum í samgöngumálum og fer fram á vegabætur og aukinn snjómokstur. Í síðasta bréfi sínu til þingmannanna gætti örvæntingar, enda hefur fólksfækkunin haldið áfram. Þá var skólanum lokað í haust og sömuleiðis versluninni. Segir oddvitinn raunverulega hættu á að byggðin í Árneshreppi fari í eyði áður en framkvæmdir við nýjan veg yfir Veiðileysuháls, einn mesta farartálmann að vetrarlagi í hreppnum, hefjist. Úrbóta á hálsinum hefur verið krafist í áratugi en þeim hefur ítrekað verið slegið á frest.

Að auki mokar Vegagerðin veginn um hreppinn aðeins einu sinni í viku fram að áramótum. Eftir það er hann ekkert mokaður til 20. mars ár hvert.

Haraldur Benediktsson, þingmaður Sjálfstæðisflokksins og fyrsti þingmaður Norðvesturkjördæmis.
Haraldur Benediktsson, þingmaður Sjálfstæðisflokksins og fyrsti þingmaður Norðvesturkjördæmis.

„Við erum áfram um að það verði farið sem fyrst í Veiðileysuháls,“ segir Haraldur, spurður um viðbrögð þingmannahópsins við bréfi oddvitans. Hann segist hins vegar líta þannig á að ekki hafi verið komist lengra með málefni Árneshrepps í samgönguáætlun.

Á því tímabili þegar ekkert er rutt um Árneshrepp er flogið tvisvar í viku til Gjögurs. Haraldur bendir á að flugvöllurinn hafi verið endurbættur mikið nýverið. Án þess hefði flugið þangað lagst af.

Eva segir hins vegar flugið ekki raunverulegan valkost fyrir alla og leggur áherslu á nauðsyn nýs vegar um Veiðileysuháls.

Haraldur segir að þær framkvæmdir séu í sömu stöðu og allar aðrar brýnar vegaframkvæmdir. „Á meðan við höfum ekki aðra nálgun í samgöngumálum þá verður biðin löng.“

Hann segir lykilinn að því að áfram verði komist í samgöngumálum breytta nálgun við fjármögnun framkvæmda „og um það stendur kannski stóra deila þingsins í dag,“ segir hann og vísar þar til umræðna um veggjöld.

Finnbogastaðaskóli í Árneshreppi er ekki starfræktur í vetur. Eitt barn ...
Finnbogastaðaskóli í Árneshreppi er ekki starfræktur í vetur. Eitt barn á grunnskólaaldri er eftir í sveitarfélaginu og þarf það að sækja sér menntun að Drangsnesi. mbl.is/Golli

Íslendingar séu á hraðferð við að breyta orkugjöfum í samgöngum, „og tekjukerfi vegamála er að hrynja. Þannig að það verður að búa til nýtt tekjumódel, [veggjöld] eru liður í því“.

En á meðan gæti Árneshreppur farið í eyði. Hvernig hljómar það í þínum eyrum?

„Við höfum horft upp á byggðina í Árneshreppi dragast saman. Ég segi að staða sauðfjárræktar sé miklu stærra mál fyrir hreppinn. Það er miklu meiri áhrifavaldur á byggð í Árneshreppi. Ég er ekki að gera lítið úr samgöngumálunum, en þetta er stóra breytan.“

Hvernig hafið þið þingmennirnir brugðist við því?

„Í aðgerðum ríkisstjórnar fyrir ári síðan þar sem brugðist var við vanda sauðfjárræktar þá var sérstaklega horft til svæða eins og Árneshrepps til að fá hærri stuðning úr þeirri aðgerð. Það hefur líka verið leitast við að hafa áherslur í sauðfjársamningi með þeim hætti að þessar byggðir njóti meiri framlaga en aðrar. Allt þetta hefur ekki dugað til því ungt fólk sem var að hasla sér völl við búskap [í Árneshreppi] hvarf frá vegna aðstöðuleysis. Þetta er hin nöturlega staðreynd.“

Flogið er á Gjögur tvisvar í viku yfir vetrartímann. Á ...
Flogið er á Gjögur tvisvar í viku yfir vetrartímann. Á nokkurra mánaða tímabili er enginn snjómokstur í hreppnum. mbl.is/Árni Sæberg

En hvað finnst þér um það að þetta gæti raunverulega gerst á næstu árum, að þetta sveitarfélag fari í eyði?

„Mér finnst það ekki gott, mér finnst það nöturleg tilhugsun því að við þurfum á þessari byggð að halda. En hún býr við þessa einangrun og við þennan einhæfa atvinnuveg sem sauðfjárræktin er.“

Í dag er sauðfjárbúskapur aðeins stundaður á fjórum bæjum í hreppnum.

Spurður hvað þingmenn kjördæmisins hafi gert upp á síðkastið til að styðja við atvinnuuppbygginguna í Árneshreppi, t.d. ferðaþjónustuna sem ekki sé hægt að stunda allt árið vegna lélegra samgangna, nefnir Haraldur að fyrir nokkru hafi verið ráðist í miklar fjarskiptabætur í sveitarfélaginu. Þær hafi verið hugsaðar til bóta fyrir ferðaþjónustuna. Einnig hafi verið unnið að því að bæta afhendingaröryggi rafmagns. „En svo er það samgönguþátturinn í þessu ljósi sem við erum búin að ræða. Það er bara veruleikinn að við höfum ekki fengið neinn sérstakan forgang fyrir Árneshrepp í samgöngumálum.“

Hefur Árneshreppur ekki einfaldlega orðið út undan hjá ykkur þingmönnunum?

„Nei, við heyrum þetta víða í kjördæminu,“ segir Haraldur. Samgöngumál eru þar víðast í brennidepli. Fleiri svæði í kjördæminu séu að heyja sömu baráttu og Árneshreppur.

Í tillögu að samgönguáætlun til næstu fimm ára sem kynnt var í haust kom fram að stefnt væri að því að hefja framkvæmdir við nýjan veg um Veiðileysuháls árið 2022. Of seint, að mati íbúa Árneshrepps. „Ákvörðun um frekari frestun þessara framkvæmda er ákvörðun um að leggja svæðið í eyði,“ segir m.a. í umsögn Fjórðungssambands Vestfjarða við tillögunni.

Samgönguáætlunin, sem og umsagnir við hana, hefur frá því að hún var kynnt verið rædd í samgöngunefnd. Haraldur segist ekki geta svarað því á þessari stundu hvort hún muni að lokum færa íbúum Árneshrepps góðar fréttir. Enn eigi eftir að afgreiða málið og hefur því nú verið frestað fram yfir áramót. Og sú afgreiðsla mun hanga saman við sátt um hin umtöluðu veggjöld.

Ferðaþjónustu er ekki hægt að halda úti allt árið í ...
Ferðaþjónustu er ekki hægt að halda úti allt árið í Árneshreppi. Þangað hafa þó ferðamenn margt að sækja. mbl.is/Golli

„Meginhugmyndafræðin á bak við þessa nýju fjármögnunarleið í vegagerð er að það sem átti að bíða í fimm ár komist fyrr í framkvæmd. Það færist öll áætlunin fram,“ segir Haraldur.

Honum hefur löngum fundist full ástæða til þess að fara í sértækar aðgerðir fyrir Árneshrepp og bendir á að nú sé sveitarfélagið komið inn í verkefni Byggðastofnunar, Brothættar byggðir.

„Síðan standa þau á þröskuldi þess að framkvæmdir við Hvalárvirkjun fari af stað,“ segir hann. „Það hefur þurft átak frá þingmannahópnum við að halda því máli á sporinu. Ég veit að við þurfum að taka slag með Árneshreppi um það verkefni áfram.“

Spurður hvort þeim fyrirhuguðu framkvæmdum fylgi loforð um að farið verði fyrr í vegabætur segir Haraldur það ekki vera. Því hafi hins vegar verið haldið „rækilega á lofti“ í samgönguáætlunargerðinni að vegabætur séu ákveðin forsenda fyrir virkjunarframkvæmdunum. Hann bendir hins vegar á að enn eigi eftir að ganga frá skipulagsmálum og gefa út framkvæmdaleyfi fyrir virkjuninni.

Haraldur tekur skýrt fram að þingmennirnir hafi áhyggjur af framtíð byggðarinnar í Árneshreppi. Það grundvallist ekki síst af atvinnulífinu og stöðu sauðfjárræktarinnar.

„Það er mjög há brekka fyrir ungt fólk að ákveða að setjast að í þessu sveitarfélagi og takast á við lífið þaðan,“ segir Haraldur. „Þar eru hlutir eins og barnaskóli og slíkt sem kemur til. Ég lærði það fljótt í fyrra starfi mínu [sem formaður Bændasamtakanna] að það var ekki verðið á dilkakjötinu sem sneri öllu á hvolf, heldur hvernig vegirnir væru, barnaskólinn og aðgengið að heilsugæslu. Það er stóri úrslitavaldurinn. En við færum ekki staðsetningu Árneshrepps til.“

mbl.is

Bloggað um fréttina

Innlent »

Lögreglan lýsir eftir Heiðrúnu

00:37 Lögreglan á höfuðborgarsvæðinu lýsir eftir Heiðrúnu Kjartansdóttur, 41 árs, en síðast er viðtað um ferðir hennar síðastliðinn miðvikudag. Meira »

Blóð úr ófæddum tvíbura

Í gær, 22:15 Þekkt er að blóðgjöf örvar súrefnisflæði og getur haft góð áhrif fyrir keppni. Þegar blóðprufa leiddi í ljós blóð í æðakerfinu sem ekki var úr honum sjálfum gáfu menn sér að hjólreiðamaðurinn Tyler Hamilton hefði beitt þessari aðferð. Svo var ekki, alltént ef marka má Hamilton sjálfan. Meira »

Móttaka nýs Herjólfs: Myndasyrpa

Í gær, 21:22 Tekið var á móti nýjum Herjólfi við hátíðlega athöfn í Friðarhöfn í Vestmannaeyjum í dag. Sigurður Ingi Jóhannsson afhenti Vestmannaeyingum nýja ferju og Katrín Jakobsdóttir nefndi hana formlega. Meira »

Að öðlast heyrn og mannréttindi

Í gær, 20:47 Bræðurnir Óli Þór og Nói Hrafn Sigurjónssynir fæddust heyrnarlausir, fóru í kuðungsígræðslu á unga aldri, hafa unnið þrotlaust með sérfræðingum og foreldrum sínum að því að fá heyrn og standa nú á tímamótum. Meira »

Þrír skiptu með sér lottópottinum

Í gær, 20:08 Þrír heppnir miðaeigendur skiptu með sér sjöföldum lottópotti kvöldsins, sem hljóðaði upp á rúmar 100 milljónir, og fær hver þeirra rúmlega 34,5 milljónir króna í vinning. Meira »

Fimm í bílveltu á Vesturlandi

Í gær, 19:55 Fimm manns voru í bíl sem valt á Snæfellsvegi skammt frá bænum Gröf í Eyja- og Miklaholtshreppi á sjöunda tímanum í kvöld.  Meira »

Gekk upp og niður Esjuna í sólarhring

Í gær, 19:07 „Ég ligg bara og tek því mjög rólega. Ég stend eiginlega ekki í lappirnar ef ég á að vera hreinskilinn,“ segir Svanberg Halldórsson í samtali við mbl.is. Hann náði því ótrúlega afreki að ganga upp og niður Esjuna tólf sinnum í einum rykk og er því líklega íslandsmethafi í Esjugöngu. Meira »

Hvaða hlutverki gegnir þjóðkirkjan?

Í gær, 18:15 Þjóðkirkjan er stærst trúfélag á Íslandi og kemur að lífi margra á hverjum degi. Hlutverk hennar hefur breyst í gegnum árin. Hér verður hlutverk hennar í íslensku samfélagi skoðað frá mismunandi sjónarhornum. Meira »

Fjölmennt á torfærukeppni Bíladaga

Í gær, 17:50 Torfærukeppni Bíladaga á Akureyri stendur nú yfir á þessari árlegu hátíð sem haldin er um helgina. Mikill fjöldi fólks er mættur til að horfa á ökumenn sýna listir sínar og er stemningin góð. Þór Þormar Pálsson var fljótastur í tímabraut og kom í mark á 46 sekúndum. Meira »

„Hér eru allir í skýjunum“

Í gær, 17:37 „Þetta var í alla staði frábær dagur. Við fengum hér stútfulla hafnarstétt af fólki, athöfnin sjálf var frábær og hér eru allir í skýjunum,“ segir Guðbjartur Ellert Jónsson, framkvæmdastjóri Herjólfs, um móttöku skipsins í samtali við mbl.is. Meira »

Ríkisvæðingarstefna dauðans

Í gær, 16:30 Bæklunarsérfræðingarnir Ágúst Kárason og Ragnar Jónsson, sem einnig er lögfræðingur, eru afar ósáttir við nýja heilbrigðisstefnu heilbrigðisráðherra. Ekkert samráð var haft við sérfræðinga og segja þeir ógerlegt að færa allar aðgerðir inn á spítalana. Meira »

Fékk sér Billie Eilish-tattú

Í gær, 16:10 Allt bendir til þess að Birta Líf Bjarkadóttir sé helsti aðdáandi poppstjörnunnar bandarísku Billie Eilish hér á landi. Vitnisburður um það er nýja húðflúrið hennar Birtu, sem er mynd af Billie. Meira »

300 hlupu kvennahlaup á Akureyri

Í gær, 15:30 Kvennahlaupið fór fram í þrítugasta sinn í blíðskaparveðri um allt land, en frábær þátttaka var í hlaupinu og talið er að 10.000 konur hafi tekið þátt í því á yfir 80 stöðum um land allt og víða erlendis. Meira »

Fjárlaganefnd bara að „bora í nefið“

Í gær, 14:43 Á meðan þingið bíður eftir að fjármálaáætlun komi frá fjárlaganefnd bíður fjárlaganefnd eftir gögnum frá fjármálaráðuneytinu til að vinna úr. Nefndin er í „algerri biðstöðu,“ segir Björn Leví Pírati. Meira »

Rigningin stoppaði stutt við

Í gær, 14:17 Þau tíðindi urðu á öðrum tímanum í dag að regnskúr gerði á höfuðborgarsvæðinu. Rigningin stoppaði þó stutt við en ekki hefur rignt að ráði undanfarnar vikur. Meira »

Hefur verið á göngu síðan átta í gær

Í gær, 13:00 Einar Hansberg Árnason hefur gengið 50 kílómetra síðan klukkan átta í gærkvöldi. Hann á 50 kílómetra fram undan. Hann er í sérstöku þyngdarvesti og stoppar á tveggja tíma fresti og tekur æfingu. Meira »

Eðlilegt að E. coli greinist í kjöti

Í gær, 12:56 „Nei í sjálfu sér ekki. Það er eðlilegt því E. coli er í þarmaflóru nautgripa og sauðfjár og hluti þeirra getur borið shigatoxín,“ segir Dóra Gunnardóttir, forstöðumaður neytendaverndar Matvælastofnunar, spurð hvort það hafi komið á óvart að shigatoxínmyndandi E.coli (STEC) hafi fundist í kjöti á markaði. Meira »

Sáu Herjólf leggjast að bryggju

Í gær, 11:59 Hópur fólks fylgdist með nýjum og glæsilegum Herjólfi leggjast að bryggju í Vestmannaeyjum í gærkvöldi.  Meira »

Þrítugasta kvennahlaupið í veðurblíðu

Í gær, 11:41 Kvennahlaupið hófst víða um landið klukkan 11 í morgun en það fer fram í þrítugasta sinn. Ljósmyndari mbl.is var á ferðinni í Garðabæ þar sem fjöldi kvenna úr öllum aldurshópum var mættur í veðurblíðunni til að taka þátt í hlaupinu. Meira »